Vèsè popilè nan Bib la ki soti nan သျှင်လုကာ 5

Pataje

ကိုယ်တော်က ဟောပြောသွန်သင်ပြီးရေအခါ ရှိမုန်အား “လောင်းကို ရီအနက်ဘက်သို့ လှော်စီပြီးကေ ငါးဖမ်းဖို့အတွက် သင်၏ငါးဖမ်းပိုက်ကို ချလိုက်ပါ” လို့ မိန့်တော်မူလီရေ။

ရှိမုန်ကလည်း “ဆရာ၊ ကျွန်တော်ရို့က ညဇာကတညဉ့်လုံး ပပင်ပပန်း ကြိုးစားရှာကေလည်း ငါး တစ်ကောင်လည်း မရခပါ။ ယေကေလည်း ဆရာက ကျွန်တော်ကို ပြောရေအတွက်နန့် ငါးဖမ်းပိုက်ကို ထပ်လို့ချလိုက်ပါမေ” လို့ ဖြေလီရေ။ ယေပြီးကေ ငါးဖမ်းပိုက်တိကို ချလိုက်ရေအခါ ငါးဖမ်းပိုက်တိ စိတ်လောက်အောင် ငါးတိအများကြီးကို ဖမ်းလို့ရလီရေ။

ယေကေလည်း ကိုယ်တော်က လူသျှင်ကင်းရေနီရာမာ လုံးချင်းတည်း မကြာမကြာ လားဗျာလ် ဆုတောင်းလိဟိပါရေ။

သူတော်ကောင်းတိအတွက် နောင်တရစီဖို့ ငါ လာစွာမဟုတ်။ ယေကေလည်း အပြစ်ဒုစရိုက်သမားတိ နောင်တရစီဖို့အတွက်ရာ ငါလာရစွာဖြစ်တေ” လို့ မိန့်တော်မူလီရေ။

ရှိမုန်ပေတရုက ဒေပိုင်အဖြစ်ပျက်တိကို မြင်တွိ့ရရေအခါ ကိုယ်တော်ယေရှု၏ခြီရင်းမာ ဒူးထောက်ဗျာလ် “အသျှင်၊ ကျွန်တော်က အပြစ်ဒုစရိုက်များရေလူ ဖြစ်တေအတွက်နန့် ကျွန်တော့်အနားက အဝီးကို ကြွတော်မူပါ” လို့ လျှောက်တင်လီရေ။

ကိုယ်တော်ယေရှုက သူရို့ကို ဖြေလိုက်စွာက “ကျိုင်းမာရေလူမာ ဆီးဆရာမလို။ ယေကေလည်း မကျိုင်းမာရေလူတိမာရာ ဆီးဆရာလိုပါရေ။

ယေပြီးကေ သူရို့က လောင်းတိကို ကမ်းထက်မာ ဆွဲတင်ပြီးကေ ဟိသမျှအားလုံးကိုစွန့်ဗျာလ် ကိုယ်တော်ယေရှု၏နောက်ကို လိုက်လားကတ်လီရေ။

ကိုယ်တော်ယေရှုက မြို့တစ်မြို့မာဟိနီစဉ် ယင်းမြို့မာ အနာကြီးရောဂါစွဲကပ်နီသူ ယောက်ကျားတစ်ယောက်ဟိလီရေ။ သူက ကိုယ်တော်ကို မြင်ရေခါ သူ၏ရှိ့မာ ဒူးထောက် ဖပြားဝပ်ပနာ “အသျှင်၊ အသျှင်ရာ ဆန္ဒဟိတော်မူကေ ကျွန်တော့်ရောဂါကို သန့်စင်လားအောင် ကုသပီးနိုင်ပါရေ” လို့ တောင်းပန်လီရေ။ ယေခါ ကိုယ်တော်က သူ၏လက်ကိုဆန့်ပနာ ယင်းသူ့ကို တို့ပြီးကေ “ငါ အလိုဟိရေ၊ သန့်စင်စီ” လို့ မိန့်တော်မူလိုက်စွာနန့် ဒိဌလက်ငင်း ယင်းသူ၏ရောဂါမာ သန့်စင်လားလီရေ။

ယေကေလည်း ကိုယ်တော်၏သတင်းက ပိုလို့ပျံ့နှံ့လားရေအတွက်နန့် လူအများကြီးကလည်း ကိုယ်တော်၏တရားတော်တိကို နာယူဖို့နန့် မကျိုင်းမာမှုတိကောင်းအောင် ရောက်ဟိလာကတ်ပါရေ။