Vèsè popilè nan Bib la ki soti nan ရှင်လုကာ 5

Pataje

ကိုယ်တော်ယေရှု ဟောဂိုရိချိခိုက်သိုအို့ယေရရ် ရှိမုန်ရတ် “နူကာရတ် မူရော်ရ်အိကျေ ဘာ့သည့်ယတ်နန့် မက်စ်သော်ဝါဗျတ်လိုက် သော်ရ် ဇာလော်ရတ် ဖားလာ” ဟို့ယ် အော်ဒလ်ဂို့ကျဲ။

ရှိမုန်ယိုး “ဆရာ၊ အာင်ရ ရိုက်သ်ဘောရ် ဂင်ဂို့ရိ သော်ဝါယိသည့်သို့ မက်စ်အိုဂို့ယိုး နားဖိုက်။ သို့ ကိုယ်တော် အာင်ရယိုးသပ်အပ်သလိုက် ဇာလော်ရတ် အာင့်ရ အာဘာရ် ဖားလှယိုမ်” ဘို့လိ ဟိုယေး။ အဲနိကျ ဇာလော်ရတ် ဖားလှယေရရ် အိသေးရာ မာစ်ဘီရှိဂို့ရိ ဖာယေးဒတ် ဇာလ်အို့သို့ ဖားရိဇိုက်ဗျို့သော်သ်အို့ယေ။

သို့ ကိုယ်တော်ယေရှု မာနုချ်နိုက်ဒဲဇာငှာမာ့သပ် အတ်ဇော်န် ဟားလိကျဇာယတ်နန့် ဘော်ရ်ကုဇတ်သတ်အာဆတ်။

အိုင့်ယိုးအဲနိကျ ဇေရ်ဂုသေ အူဇူမာနုချ်ဘို့လိ ထရတ်ဒေအိသေးရာရတ် ဒါကီဗျတ်လိုက် အချိသည့်နောယ်။ ဇေရ်ဂုသေ ဂင်မ်နောယ်ဒဲမာနုချ်ဘို့လိ ဟိုယ်သရတ်ဒတ်အိသေးရာရတ် ဒါကီဗျတ်လိုက် အချိသည့်” ဟို့ယ် အော်ဒလ်ဂို့ကျဲ။

အဲယုနော်ရတ် ဒေခဲသပ်အန်းသေ ရှိမုန်ပေတရုယေး ကိုယ်တော်ယေရှုရ်မောသည့် အာင်ရူးဖှတ်လာယတ်နန့် “အရှင်၊ အိုင့် ဒူချ်ဘီရှိဂိုကျိသည့်မာနုချ်ဒဲအပ်သလိုက် အာင့်ရတ် ဖှတ်လိုက်အဲရိ ဇော်ဂို့ယ်” ဟို့ယ် ချောက်ဂိုကျဲ။

ကိုယ်တော်ယေရှု အိသေးရာရတ် ဖြေဂိုကျဲသတ်ဒတ် “ဂင်မ်မာနုချောလိုက် ဒါတော်ရ် နာလှဂတ်၊ နီသီဖီရီလာအောကောလောလိုက်ဘဲ ဒါတော်ရ် လာဂီဗျို့။

သိုဘာဇေ အိသေးရာယိုး နူကာရတ် ကူလော်ရ်အူဝါရေ ထာနီသူလိဘာဇေ အဆတ်ဒတ်ဘေကုနောရတ် ဖှတ်လိုက်အဲရိ ကိုယ်တော်ရ်ဖီစောသည့် ဇာယို့ယ်။

သိုဘာဇေ ကိုယ်တော်ယေရှု တောမ့်န်အတ်ခနောသ် အစိလ်သိအန်းသေ အော်ဇာသ်ဂါ့ဝိုးဘတ်ရမျှ မော်ရာသာအို့ဂို့ အာဆတ်။ အိသေး ကိုယ်တော်ရတ် ဒေခဲရရ် မောသည့် လူရီဘာဇေ “ဆရာ၊ ကိုယ်တော်သူးန် မော်န်သကိလေ ဂင်ဂိုရိသာ့ရောဒတ်အပ်သလိုက် အာင့်ရတ် ဂင်ဂိုရိသော” ဟို့ယ် ချောက်ဂိုကျဲ။ အပ်သလိုက် ကိုယ်တော်ယေရှု အာ့သောရေထာနီနန်လိုက် အိသေးရေ ဘာဇယတ်နန့် “အာင့်သူးန် ဂင်ဂိုရိသည့်ဗျလိုက် မော်န်အာဆတ်၊ အာင့်ဇိဇောဂွိုယ်” ဟို့ယ် အော်ဒလ်ဂို့ကျဲမောသောရ် အောထောမာ့သေ မာနုချ်အိဘေရ် ဘတ်ရာမ်ဂိုမိဇယို့ယ်။

သို့ ကိုယ်တော်ယေရှုရ် ဂူနော်ရ်ဟောဘောရ် သော်န်ဇာငှာသ် ဘော်ယာင်န် အို့ဂိယို့ယ်ဇသပ် မာနုချ်ဘီရှိဂို့ရိယေး ကိုယ်တော်ဟောဂိုရိ ချိခဒေအဲယုနော်ရတ် ဖုနိဗျတ်လိုက်အတ်ဒတ် အိသေးရာရ် ဖတ်ဆာရာဘတ်ရာမ် ဂင်မ်အို့ဗျတ်လိုက် သော်လာဂိုရိ အယတ်ရ်။