Vèsè popilè nan Bib la ki soti nan அப்போஸ்தலர் 2

Pataje

அதற்குப் பேதுரு, “நீங்கள் ஒவ்வொருவரும் உங்கள் பாவங்களுக்கு மன்னிப்புப் பெறும்படி மனந்திரும்பி, இயேசு கிறிஸ்துவின் பெயரில் ஞானஸ்நானம் பெற்றுக்கொள்ளுங்கள். அப்போது நீங்கள் பரிசுத்த ஆவியானவரை கொடையாகப் பெறுவீர்கள்.

அவர்கள் அப்போஸ்தலர்களுடைய போதனைக்கும், ஐக்கியத்திற்கும், அப்பம் பகிர்ந்து உண்ணுதலுக்கும், ஜெபிப்பதற்கும் தங்களை இடைவிடாது அர்ப்பணித்தவர்களாய் இருந்தார்கள்.

அவர்கள் எல்லோரும் பரிசுத்த ஆவியானவரால் நிரப்பப்பட்டு, ஆவியானவர் கொடுத்த ஆற்றலின்படி, ஒவ்வொருவரும் வெவ்வேறு மொழிகளில் பேசத் தொடங்கினார்கள்.

அப்போது திடீரென, பலத்த காற்று வீசுவது போன்ற ஒரு சத்தம் வானத்திலிருந்து வந்து, அவர்கள் இருந்த வீடு முழுவதையும் நிரப்பிற்று. மேலும், நெருப்புப் போன்று பிரிந்திருக்கும் நாவுகள், அவர்கள் ஒவ்வொருவர் மேலும் வந்து அமர்வதை அவர்கள் கண்டார்கள். அவர்கள் எல்லோரும் பரிசுத்த ஆவியானவரால் நிரப்பப்பட்டு, ஆவியானவர் கொடுத்த ஆற்றலின்படி, ஒவ்வொருவரும் வெவ்வேறு மொழிகளில் பேசத் தொடங்கினார்கள்.

ஒவ்வொருநாளும், அவர்கள் ஆலயத்தின் முற்றத்தில் ஒன்றுகூடி வந்து, தங்களுடைய வீடுகளில் அப்பத்தைப் பகிர்ந்து, கபடமற்ற உள்ளத்துடனும், சந்தோஷத்துடனும் ஒன்றுசேர்ந்து சாப்பிட்டார்கள். அவர்கள் இறைவனைத் துதித்துவந்ததோடு, எல்லா மக்களுடைய தயவையும் பெற்றிருந்தார்கள். இரட்சிக்கப்படுகின்றவர்களை கர்த்தர் ஒவ்வொருநாளும் அவர்களுடன் சேர்த்து வந்தார்.

“ ‘இறைவன் கூறியது இதுவே, கடைசி நாட்களில், நான் அனைத்து மக்கள்மீதும் என் ஆவியை ஊற்றுவேன். அப்போது உங்கள் மகன்மாரும், மகள்மாரும் இறைவாக்கு உரைப்பார்கள். உங்கள் இளைஞர்கள் தரிசனங்களைக் காண்பார்கள். உங்கள் முதியவர்கள் கனவுகளைக் காண்பார்கள்.

விசுவாசிகள் எல்லோரும் ஒன்றிணைந்து, எல்லாப் பொருட்களையும் பொதுவாய் வைத்திருந்தார்கள். அவர்கள் தங்கள் சொத்துக்களையும் பொருட்களையும் விற்று, தேவையானவர்களுக்கு ஏற்றவிதமாய்க் கொடுத்தார்கள்.

அப்போது கர்த்தரின் பெயரைச் சொல்லி அழைக்கின்ற யாவரும் இரட்சிக்கப்படுவார்கள்.’

சூரியன் இருண்டு போகும்; சந்திரன் இரத்தமாக மாறும். பெரிதானதும், மகிமையானதுமான கர்த்தரின் நாள் வருமுன்பே இவை நிகழும்.