Vèsè popilè nan Bib la ki soti nan Filipënyüü 4

Pataje

'Ana plɛ 'nyɩ ‑taaralɩ dɛɛa ‑gʋ, ‑maa wiia 'fɩɔ 'mäa' 'lɩjrä nɩ, 'ba bibie Nyɔsʋa; 'ba ‑gbala 'ɔɔn dɛɛlɛ 'a 'bataa', 'kä 'a 'trɛɛ bɩa 'ɔmɩ.

‑Bɛ Nyɔsʋaa plɛgälɩflɛrɛkʋlʋ ‑sia' 'lɩgaglakʋa 'fɩɔwʋ 'mä 'ana polu nyra 'ana bobokʋ Jesu 'Kriisë 'lɩ ‑wälɩ ‑träärä.

'Na ‑wlajü 'amɩ, 'ba ‑tʋ 'ana bobowli ‑taa waklüülü kʋa' ‑pɩ ‑gälɩ: diili kä 'fɩɔ bäa' 'cɩcasa, ibäa' 'lɩträäräsa, i ‑gäa' 'klɩ, i kä 'fɩɔ 'nyɩa' ‑fre pa, i kä 'fɩɔ 'naa', diili 'wʋa' ‑wawakʋ nyra 'bʋalakʋ 'klɩ, 'ii 'ba bobo.

'N 'mrɛɛ 'ia 'fɩɔlʋ mlɩ 'Kriisëa 'nyrɩklɩa ‑gʋ, 'be 'ɔɔ ‑nyɛɛɛ 'mɩ 'klü.

'Ba nʋ 'taɩn a 'fɩɔ 'lɩ dɔrʋ 'Pläkänyɔɔ 'lɩ. 'N ‑gbala 'amɩ 'sɔɔwʋ: 'ba nʋ dɔrʋ!

'Na Nyɔsʋa nya 'amɩ diili kä 'fɩɔ 'a 'bataa' ‑nyɩa 'sɩrɩ 'ɔa 'wliklɩbʋa 'bɩɔlʋ bäa' Jesu 'Kriisë 'lɩ bäa', 'asɩ 'ɔmä 'amɩ 'iin ‑nyɩ.

Wiili 'a 'kpɩaraa' 'mɩ ‑gba, i 'a 'nua' 'wli, ‑bɛ wiili 'a 'järäa' 'mɩ 'lɩ, 'ii 'ba nʋ. ‑Bɛ Nyɔsʋalɔ ‑nyɛɛa' plɛgälɩflɛrɛkʋ 'mä 'ana ‑tɔrʋpɩɔ bä.

'Ba srara nyüüa 'fɩɔ 'ana ‑gbinanakʋ. 'Pläkänyɔɔ jö 'lee 'ɔmä ji.

'N jre 'pʋa 'lɩa kʋkʋkʋ, 'n jre diikäkäkʋ 'lɩa kʋkʋkʋ. 'N jre wiia 'fɩɔ mlɩkä, 'n 'nara ‑pɩɔa 'fɩɔ: ‑kä dödökʋ 'lɩ, ‑kä ‑gbëka 'lɩ, ‑kä diikäkäkʋ 'lɩ, ‑kä dɛɛ 'nyɩ bä 'mɩ kälɩ, 'n jre 'iin mlɩkä.

‑Mää 'amä 'mɩ dɛɛ ‑nyɩ, ‑mää 'ia ‑gʋ 'nyɩ 'pawii. 'Mɔɔlɔ nɩ, 'n jre 'iin mlɩkä, wii o wii 'mäa' 'mɩ ‑gälɩjrä 'i kä 'mɩ 'tʋ.