Vèsè popilè nan Bib la ki soti nan फिलिप्पियनमन 4

Pataje

कोनोवें गोइठ केर चिंता ना करा, मगर हरेक दशा में तोहर अरजी, प्रार्थना आउर बिनती केर द्वारा धन्यबाद केर संगे परमेश्‍वर केर सामने हाजिर करल जाओक।

तब परमेश्‍वर केर शांति, जे आदमीमन केर समझ से बिलकुल बाहरे अहे, तोहर हिरदय आउर तोहर बिचारमन के मसीह यीशु में जोगाय के रखी।

से लगिन हे संगी बिसवासी भाईमन, जे गोइठमन सच हेके, आउर जे गोइठमन आदर केर लायक हेके, आउर जे गोइठमन उचित हेके, आउर जे गोइठमन पवितर हेके, आउर जे गोइठमन दोसरमन के सुहायला, आउर जे गोइठमन मन के शोभेला, जे गोइठमन बढ़ियाँ हेके आउर जेके दोसरमन बेस पतियायना ओहे गोइठमन में तोहरे धेयान लगावा।

यीशु मसीह, जे मोके शक्ति देवेला, उकर द्वारा मोंय सोउब कुछ करेक पारोना।

प्रभु में सोउब बेरा खुश रहा। मोंय फिन कहोना, खुश रहा।

आउर मोर परमेश्‍वर हों अपन उ धन केर मोताबिक जे महिमा सहित यीशु मसीह में अहे, तोहर हरेक घटी के पूरा करी।

तोहरेमन उ शिक्षामन केर पालन करते रहा, जेके मोर से सीख हा, आउर उ आगयामन के, जेके तोहरे मोर से सुइन हा आउर पाय हा, आउर उ उदाहरनमन के, जेके मोंय अपन गोइठ आउर काममन में तोहरे के देखाय हों, तब शांति केर परमेश्‍वर तोहरेमन केर संगे रही।

तोहरे केर नरम स्वभाव के सोउब आदमीमन जाइन जाओक, प्रभु जल्दी हें स्वरग से घूइर आवाथे।

मोंय गरीबी आउर भरपूरी दुइयो में रहेक सीख लेई हों, हर हालत में आउर हरेक गोइठ केर बारे में मोंय संतोष रहेक सीख हों, चाहे मोर लगिन भाइर पेट रहोक चाहे मोंय भूखे रहमूँ, चाहे बगरा रहोक या थोर, मोके जिंदगी केर उतार-चढ़ाव केर पूरा अनुभव अहे।

इ निहीं कि मोंय अपन घटी केर चलते इ कहाथों, काले कि मोंय इ सीख हों कि जे दशा में अहों, उकरे में संतोष करमूँ।