Vèsè popilè nan Bib la ki soti nan လ︀ုက︀ႃ 6

Pataje

ပ︀ိူꩫ︀်ႈမ︀ႆ︀ႛꩭႂ်ႛတ︀ႃႉ။ င︀ႆ︀းက︀ီး ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ ꩬ︀ူမ︀ႆ︀ႛꩭႂ်ႛဢ︀ူ။ ꩬ︀တ︀်ႉတ︀ီမ︀်ႈꩰက︀ူဝ်ꩡ︀ွꩫ︀်းꩰꩬ︀ီ က︀ႃႈꩫ︀င︀်ꩬ︀ူꩭွပ︀်ပ︀ေႇꩫ︀ႆ︀ႇ ၵ︀ွင︀်းꩰလ︀ွင︀်းꩰတ︀ီꩭႂ်ႛꩫ︀မ︀်။ ဢ︀ဝ်ႈဢ︀ꩫ︀်ႈꩫ︀င︀်ꩬ︀ူ ပ︀ိူꩫ︀်ႈမ︀ႆ︀ႛတ︀ူင︀်ႈꩡ︀င︀်ႈꩭႂ်ႛꩫ︀ႆ︀ႇ ꩬ︀ူမ︀ႆ︀ႛ တ︀ီတ︀ူင︀်ႈတ︀ီꩡ︀င︀်ႈꩭႂ်ႛပ︀ွက︀်ႉꩫ︀မ︀်” ꩫ︀ဝꩫ︀်ႇ။

က︀ူꩫ︀်းꩫ︀ီႈယ︀ႃႇ ဢ︀ꩫ︀်ႈꩫ︀ီႈ ဢ︀ꩫ︀်ႈꩫ︀ႂ်းꩭူဝ်ꩡ︀ႂ်ႈမ︀ꩫ︀်းမ︀ႆ︀ႛ တ︀ီမ︀်ႈဢ︀ူꩫ︀ႆ︀ႇၵ︀ဝ် ဢ︀ဝ်ႈဢ︀ွက︀်ဢ︀ူ။ က︀ူꩫ︀်းဢ︀ꩫ︀်ႈမ︀ဝ်ꩫ︀ီႈယ︀ႃႇ ဢ︀ꩫ︀်ႈမ︀ဝ်ꩫ︀ီႈ ဢ︀ꩫ︀်ႈꩭူဝ်ꩡ︀ႂ်ႈမ︀ꩫ︀်းမ︀ႆ︀ႛတ︀ီမ︀်ႈဢ︀ူꩫ︀ႆ︀ႇၵ︀ဝ် ဢ︀ဝ်ႈဢ︀ွက︀်ဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူပ︀်ယ︀ႃႇ ဢ︀ꩫ︀်ႈꩭူဝ်ꩡ︀ႂ်ႈမ︀ႆ︀ႛတ︀ီမ︀်ႈဢ︀ူꩫ︀ႆ︀ႇꩫ︀မ︀် တ︀ၢꩫ︀်ႛဢ︀ွက︀်မ︀ႃးꩫ︀ႆ︀ႇ။

ꩬ︀ူယ︀ႃႇ င︀ႆ︀းပ︀ီꩭီတ︀်။ လ︀ꩫ︀်ꩬ︀ူမ︀ႆ︀ႛ ꩭၢက︀်ႉတ︀ႃႉ။ ꩭီတ︀်လ︀ွင︀်ႈꩫ︀ီႈꩭႂ်ႛတ︀ႃႉ။ ဢ︀ꩫ︀်ႈတ︀ီꩫ︀ႆ︀ႛပ︀ွက︀်ႉမ︀ႆ︀ႛမ︀ဝ်တ︀ႂ်းꩬ︀ီ က︀ူႛꩭႂ်ႛက︀ꩫ︀်ႈတ︀ႃႉ။ င︀ႆ︀းက︀ီး ꩬ︀ူဢ︀က︀ိဝ်းလ︀ူင︀်ꩫ︀ႆ︀ႛꩬ︀ီ တ︀ီပ︀ီꩫ︀်ႈၸ︀ူႛလ︀ုက︀်ႉၸ︀ြႃးဢ︀ꩫ︀်ႈၵ︀ႅꩫ︀်းꩬ︀ုင︀်ꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ꩫ︀်းꩡ︀ဝ်ႛယ︀ႃႇ က︀ူꩫ︀်းဢ︀ꩫ︀်ႈက︀ျေးꩡ︀ူးမ︀ဝ်တ︀ွင︀်းꩫ︀ႆ︀ႇၵ︀ဝ် က︀ူꩫ︀်းဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်မ︀ႆ︀ႛ ꩫ︀ီႈဢ︀ူ။

ꩫ︀င︀်ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩬ︀ူ ဢ︀ီꩫ︀ူႈꩫ︀က︀ꩫ︀်ႈ ꩬ︀ူက︀ေႃႇ ဢ︀ီꩫ︀ူႈက︀ꩫ︀်ႈတ︀ႃႉ။

ꩬ︀ူ ပ︀ိူꩫ︀်ႈမ︀ႆ︀ႛပ︀ီပ︀ႅတ︀်ႉတ︀ြႃး။ င︀ႆ︀းက︀ီး ꩬ︀ူမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ꩵ︀ႈပ︀ႅတ︀်ႉတ︀ြႃး။ ပ︀ိူꩫ︀်ႈမ︀ႆ︀ႛ ဢ︀ပ︀ႅတ︀်ႉက︀ေႃႇပ︀ီတ︀ၢင︀်။ င︀ႆ︀းက︀ီး ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ ꩬ︀ူမ︀ႆ︀ႛ ဢ︀ပ︀ႅတ︀်ႉꩵ︀ႈတ︀ၢင︀်။ ပ︀ိူꩫ︀်ႈမ︀ႆ︀ႛ ဢ︀ပ︀ႅတ︀်ႉပ︀ွႆ︀လ︀ွတ︀်ႉꩭႂ်ႛတ︀ႃႉ။ င︀ႆ︀းက︀ီး ဢ︀ပ︀ႅတ︀်ႉꩬ︀ူမ︀ႆ︀ႛက︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀လ︀ွတ︀်ႉꩭႂ်ႛဢ︀ူ။

ꩫ︀ႆ︀ႇꩫ︀က︀ေႃႇ ၸ︀ူႛထွမ︀်ၵ︀ၢမ︀်းက︀ဝ်ႈꩫ︀ႆ︀ႇၵ︀ဝ် ꩬ︀ူမ︀ႆ︀ႛက︀ဝ်ႈဝႃႈက︀ွတ︀်။ လ︀ꩫ︀်ꩬ︀ူꩬ︀ူမ︀ႆ︀ႛ ꩭၢက︀်ႉတ︀ႃႉ။ က︀ူꩫ︀်းဢ︀ꩫ︀်ႈꩬ︀ူမ︀ႆ︀ႛ ꩡ︀င︀်းꩫ︀ႆ︀ႇၵ︀ဝ်မ︀ႆ︀ႛ လ︀ွင︀်ႈꩫ︀ီႈꩭီတ︀်ꩭႂ်ႛတ︀ႃႉ။ က︀ူꩫ︀်းဢ︀ꩫ︀်ႈꩬ︀ူမ︀ႆ︀ႛက︀ိꩫ︀်ꩫ︀ႆ︀ႇၵ︀ဝ်မ︀ႆ︀ႛ ဢ︀က︀ိဝ်းပ︀ူင︀်ႈꩭႂ်ႛတ︀ႃႉ။ က︀ူꩫ︀်းဢ︀ꩫ︀်ႈꩡ︀ူဝ်က︀ႃးမ︀ႃးꩫ︀ႆ︀ႇၵ︀ဝ်မ︀ႆ︀ႛက︀ေႃႇ ယ︀ွꩫ︀်းꩬ︀ူးꩭႂ်ႛတ︀ႃႉ။

ꩫ︀င︀်ꩬ︀ူမ︀ႆ︀ႛပ︀ိူꩫ︀်ႈၵ︀ႂ်ႈꩭႂ်ႛꩭီတ︀်ꩭႂ်ႛꩫ︀က︀ꩫ︀်ႈ ꩬ︀ူပ︀ိူꩫ︀်ႈမ︀ႆ︀ႛꩭီတ︀်ꩭႂ်ႛတ︀ႃႉ။

က︀ႅမ︀်ႛꩬ︀ူမ︀ႆ︀ႛပ︀ိူꩫ︀်ႈၸ︀တ︀်ႉက︀ီး က︀ႅမ︀်ႛပ︀ႃႛလ︀ိူင︀်ႈက︀ေႃႇ တ︀ုင︀်းꩭႂ်ႛတ︀ႃႉ။ ꩬ︀ိူဝ်ႛလ︀ူင︀်ꩬ︀ူ ပ︀ိူꩫ︀်ႈဢ︀ဝ်ႈက︀ီး ꩬ︀ိူဝ်ႛက︀ꩫ︀်ႛꩫ︀ႂ်းက︀ေႃႇ လ︀ွꩫ︀်ႛꩭႂ်ႛတ︀ႃႉ။ က︀ူꩫ︀်းဢ︀ꩫ︀်ႈꩬ︀ူမ︀ႆ︀ႛယ︀ွꩫ︀်း က︀ူႈက︀ူဝ်ႇမ︀ႆ︀ႛꩭႂ်ႛတ︀ႃႉ။ ၵ︀ွင︀်ꩬ︀ူဢ︀ဝ်ႈက︀ႃက︀ီးက︀ေႃႇ ပ︀ီယ︀ွꩫ︀်းပ︀ွက︀်ႉ။

“တ︀ူꩫ︀်ႛဢ︀ꩫ︀်ႈꩫ︀ီႈယ︀ႃႇ မ︀က︀်ဢ︀ꩫ︀်ႈမ︀ဝ်ꩫ︀ီႈꩵ︀ႈပ︀ီꩫ︀်ႈ။ တ︀ူꩫ︀်ႛဢ︀ꩫ︀်ႈမ︀ဝ်ꩫ︀ီႈက︀ေႃႇ မ︀က︀်ဢ︀ꩫ︀်ႈꩫ︀ီႈꩵ︀ႈပ︀ီꩫ︀်ႈ။

မ︀က︀်မ︀ႆ︀ႛလ︀ႅမ︀်းက︀ီး တ︀ူꩫ︀်ႛမ︀ꩫ︀်းပ︀ီꩫ︀်ႈꩫ︀င︀်ꩭိုဝ်ꩫ︀ꩫ︀ႆ︀ႇတ︀ွင︀်းဢ︀ူ။ ပ︀ႃယ︀ုမ︀်းမ︀ႆ︀ႛ မ︀က︀်ꩡ︀ပ︀ႅတ︀်ႉမ︀ဝ်ပ︀ီꩫ︀်ႈꩫ︀က︀ꩫ︀်ႈ တ︀ူꩫ︀်ႛꩫ︀ၢမ︀်မ︀ႆ︀ႛက︀ေႃႇ မ︀က︀်ဝႃႈꩵ︀ႈပ︀ီꩫ︀်ႈ။