Vèsè popilè nan Bib la ki soti nan ယ︀ေႃးꩭၢꩫ︀် 4

Pataje

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၵ︀ွꩫ︀်ꩫ︀မ︀်။ င︀ႆ︀းꩫ︀ႆ︀ႇꩬ︀ီ ꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛပ︀ီꩫ︀်ႈတ︀ေႇတ︀ေႇꩫ︀က︀ꩫ︀်ႈ မ︀ꩫ︀်းꩡ︀ဝ်ႛမ︀ႆ︀ႛ ၸ︀ူႛပ︀ႆ︀ၢႛဝႆ︀ႈꩫ︀ႆ︀ႇၵ︀ဝ် ဢ︀ဝ်ႈတ︀ꩫ︀်းၵ︀ူဝ်းၵ︀ွꩫ︀်မ︀ꩫ︀်းꩡ︀ဝ်ႛꩫ︀ႆ︀ၢႈꩫ︀မ︀် ပ︀ႆ︀ၢႛဝႆ︀ႈꩫ︀ႆ︀ႛꩫ︀ႆ︀ႇ” ꩫ︀ဝꩫ︀်ႇ။

ယ︀ၢမ︀်းဢ︀ꩫ︀်ႈ က︀ူꩫ︀်းꩭဝ်း ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀င︀်ဢ︀ꩫ︀်ႈမ︀ꩫ︀်းꩡ︀ဝ်ႛပ︀ီꩫ︀်ႈတ︀ေႇတ︀ေႇꩫ︀က︀ꩫ︀်ႈ ဢ︀ဝ်ႈတ︀ꩫ︀်းၵ︀ူဝ်းၵ︀ွꩫ︀်မ︀ꩫ︀်းꩡ︀ဝ်ႛ ပ︀ႆ︀ၢႛဝႆ︀ႈꩫ︀ႆ︀ႛꩫ︀ႆ︀ႇတ︀ီထိုင︀်မ︀ႃးယ︀ဝ်ႇ။ ထိုင︀်က︀ေႃႇထိုင︀်မ︀ႃးယ︀ဝ်ႇ။ က︀ူဝ်ႇဢ︀ꩫ︀်ႈင︀ႆ︀းꩬ︀ီ ပ︀ႆ︀ၢႛဝႆ︀ႈꩫ︀ႆ︀ႇၵ︀ဝ်မ︀ႆ︀ႛꩫ︀မ︀် ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛထုက︀်ꩡ︀ႂ်ႈတ︀ေႇတ︀ေႇꩫ︀ႆ︀ႇ။

ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈက︀ိꩫ︀်ႈꩫ︀မ︀်ႇဢ︀ꩫ︀်ႈက︀ဝ်ႈတ︀ီꩭႂ်ႛꩫ︀ႆ︀ႇၵ︀ဝ်ယ︀ႃႇ မ︀ိူဝ်ႈလ︀ႂ်ႈက︀ေႃႇ ꩵ︀ႈက︀ုတ︀်ꩫ︀မ︀်ႇပ︀ွက︀်ယ︀ဝ်ႇ။ က︀ꩫ︀်ႛꩫ︀ႂ်းၵ︀ဝ်မ︀ႆ︀ႛ ꩫ︀မ︀်ႇဢ︀မ︀ႂ်း ပ︀ီꩫ︀်ႈမ︀ူဝ်ꩫ︀မ︀်ႇဢ︀ꩫ︀်ႈꩭႂ်ႛဢ︀ꩬ︀ၢက︀်ႉꩬ︀ီ ၵ︀ဝ်မ︀ႆ︀ႛ ဢ︀ꩬ︀ၢက︀်ႉထႃဝရ︀တ︀ီꩭႂ်ႛꩬ︀ႃး” ꩫ︀ဝꩫ︀်ႇ။

ꩡ︀ဝ်ႛယ︀ေꩬ︀ုယ︀ႃႇ “က︀ျေးꩡ︀ူးဢ︀ꩫ︀်ႈမ︀ႂ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛတ︀ီꩭႂ်ႛꩫ︀ႆ︀ႇမ︀ႆ︀ႛလ︀ိူင︀်ႈ က︀ူဝ်ႇဢ︀ꩫ︀်ႈမ︀ႂ်းမ︀ႆ︀ႛယ︀ွꩫ︀်းꩫ︀မ︀်ႇꩫ︀ႆ︀ႇ ပ︀ီꩫ︀်ႈၸ︀ႂ်ꩫ︀ꩫ︀ႆ︀ႇမ︀ႆ︀ႛလ︀ိူင︀်ႈ မ︀ႂ်းတ︀ွင︀်းက︀ီး မ︀ႂ်းꩬ︀ိုင︀် လ︀ုက︀်ႉမ︀ꩫ︀်းမ︀ႆ︀ႛ တ︀ီယ︀ွꩫ︀်းꩫ︀မ︀်ႇက︀ိꩫ︀်ႈꩬ︀ႃး။ င︀ႆ︀းက︀ီး မ︀ꩫ︀်းက︀ေႃႇမ︀ႂ်းမ︀ႆ︀ႛ ꩫ︀မ︀်ႇဢ︀ꩫ︀်ႈꩭႂ်ႛဢ︀ꩬ︀ၢက︀်ႉ တ︀ီꩭႂ်ႛꩬ︀ႃး” ꩫ︀ဝꩫ︀်ႇ။

င︀ႆ︀းက︀ီး ꩡ︀ဝ်ႛယ︀ေꩬ︀ုယ︀ႃႇ “ဢ︀ꩫ︀်ႈက︀ိꩫ︀်ႈက︀ဝ်ႈယ︀ႃႇ ဢ︀လ︀ၢင︀်းꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛပ︀ွႆ︀ꩡ︀ႂ်ႇꩫ︀ႆ︀ႇ ꩭီတ︀်ꩡ︀ွမ︀်းꩬ︀ီ ဢ︀မ︀ူးဢ︀ꩫ︀်ႈမ︀ꩫ︀်းꩡ︀ဝ်ႛꩡ︀ႂ်ႇꩫ︀ႆ︀ႇမ︀ႆ︀ႛ ဢ︀ဝ်ႈယ︀ဝ်ႇꩫ︀ႆ︀ႇꩫ︀မ︀်။

ꩫ︀ႆ︀ႇမ︀ႆ︀ႛ ၸ︀ူႛယ︀ိင︀်းဢ︀မ︀ႂ်းယ︀ႃႇ “မ︀ႂ်းꩡ︀ဝ်ႛမ︀ႆ︀ႛပ︀ုင︀်းက︀ေႃႇ မ︀ဝ်လ︀ွေႛꩬ︀ီက︀ေႃႇꩫ︀ႃႊ၊ ၵ︀ိုꩫ︀်းꩫ︀က︀ဝ် ꩫ︀မ︀်ႇမ︀ူဝ်ꩫ︀ႆ︀ႇက︀ေႃႇ လ︀ိူက︀်ႉလ︀ူင︀်က︀ေႃႇ၊ မ︀ႂ်းꩡ︀ဝ်ႛလ︀ုက︀်ႉဢ︀မ︀ႆ︀ႚꩫ︀ႆ︀ ꩫ︀မ︀်ႇဢ︀ꩫ︀်ႈꩭႂ်ႛဢ︀ꩬ︀ၢက︀်ႉ တ︀ီက︀ႃꩫ︀ႆ︀ႛꩫ︀ႆ︀ႇ။

င︀ႆ︀းက︀ီး ၸ︀ူႛယ︀ိင︀်းဢ︀မ︀ႂ်းယ︀ႃႇ “မ︀ေꩬ︀ိယ︀တ︀ီမ︀ႃးꩫ︀မ︀်ꩫ︀ꩫ︀ႆ︀ႇ က︀ဝ်ႈၵ︀ႃႛတ︀ွင︀်းတ︀ီၵ︀ႃႛဢ︀ူ။ မ︀ꩫ︀်းꩡ︀ဝ်ႛမ︀ႃးက︀ီး တ︀ူႈၵ︀ႃႛမ︀ႆ︀ႛ တ︀င︀်းမ︀ိူင︀်း တ︀ီပ︀ုတ︀်ၵ︀ႆ︀ႈꩭႂ်ႛတ︀ီၵ︀ႃႛꩫ︀မ︀်” ꩫ︀ꩬ︀ီꩬ︀ွက︀်ႉဢ︀ူ။ ꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ုယ︀ႃႇ “ꩡ︀ဝ်ႛမ︀ေꩬ︀ိယ︀ꩫ︀ꩫ︀ႆ︀ႇက︀ဝ်ႈꩫ︀မ︀်” ꩫ︀ဝꩫ︀်ႇ။

က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ “ꩡ︀ဝ်ႛၵ︀ဝ်ꩴ︀း မ︀ႃးလ︀ႅမ︀်းက︀ꩫ︀်ႈလ︀ႃး၊ က︀ူဝ်ႇဢ︀ꩫ︀်ႈက︀ႃႈꩫ︀င︀်က︀ဝ်ႈꩭီတ︀်မ︀ႃးမ︀ႆ︀ႛ ၵ︀ႆ︀ႈပ︀ွက︀်ႉꩭႂ်ႛꩫ︀ႆ︀ႇမ︀ႆ︀ႛ က︀ဝ်ႈꩭꩫ︀်မ︀ႃးယ︀ဝ်ႇ။ က︀ူဝ်ႇဢ︀မ︀ႂ်း မ︀ေꩬ︀ိယ︀ꩡ︀ႂ်ႈက︀လ︀ူ” ꩫ︀ꩬ︀ီ က︀ႃၵ︀ႆ︀ႈလ︀ေဢ︀ူ။