Vèsè popilè nan Bib la ki soti nan 1 Korinto 2

Pataje

Mbwenye inakala nnga ilrembiwe mMazuni ira: <<Jengo jejo jili jahanababihe oniwa, nne jejo jili atu kahanababihe vwa eto jengo jejo jili jahanababihe umbuweliwa mmirimani mwa mutu uli watene, ti jejo jisakanyile Mulugu ira aavahe atu anne anamuziveliwa.>>

Fwanyeya ira mutu ubaliwe fendo imohi bahi kanawanda vwa jengo jokumela wa Munemba wa Mulugu, tchoira avwa, unaesa nnga uzimora. Kanawanda onelramo, mwasiwa ja Munemba jinaonelreyamo muwari mwa Munemba.

Mbwenye Mulugu uhuwanda nionelrihedamo hiyo eji muwari mwa Munemba Otchena, mwasiwa Munemba Otchena uhuiziwa jatene masiki jengo jejo jinafwanyeya jagali jokoyeya ja Mulugu.

Hiyo mbwenye kanitambilrile munemba wa ilambo ya vati mbwenye nimutambilrile Munemba okumela wa Mulugu ira niwande onelramo ejo Mulugu jinanivaha liye vasayi.

Yowonga yaga, muselu dalaleya miyo, kadalaleya mazu ouzivelihani okumela zelru da atu a mwilamboni. Mbwenye dalaba muwari mwa kopolo da Munemba Otchena. Jatene ejo dairana ira nroromelo nenyu nikumele mwa kopolo da Mulugu hiyaniha no kumela mwa zelru na uyesa wa hiyo atu.