Vèsè popilè nan Bib la ki soti nan 1 Korinto 1

Pataje

Mulugu mbwenye ohosakulra jengo jejile jinalramwisa atu nnga jengo johokana zelru ira ejo jaanyaswihege ale anaviona nnga a zelru. Mulugu ohosakulra yengo inalramwisa atu nnga yengo yovuta ira yengo yenno inyaswihege ejo jaona atu nnga ti jengo ja kopolo.

Tchoira atu anne anadowa matolotchiwelo kavwa muselu wa ukwa wa Kiristu vamuradini anaona nnga uzimora. Jejo jinafwalrafwana na mazu a Mulugu kalrembiwe mMazuni oira: <<Miyo nnoza dinonge zelru da atu anne anna zelru. Miyo nnoirana ira aliba onelramo kahawande onelramo.>> Mbwenye hiyo atu nnavulusiwa, naumbuwela zela muselu wa ukwa wa Kiristu, nnowanda iziwa ira ukwa wa Kiristu ti kopolo da Mulugu dedo nnanivulusana liye.

Tchoira toto da Mulugu dedo nnaona atu nnga uzimora ti zelru dokwaranya zelru da atu. Eto kopolo da Mulugu dedo nnaona atu nnga dovuta ti kopolo dokwaranya kopolo da atu.

Wenno uitanileni ira muze muwandane na Mwanaye Nabwiya wehu Yesu Kiristu, gu Mulugu ororomeleya.

Miyo abalaga, nnoukokomezani nyo mwatene na nzina na Nabwiya wehu Yesu Kiristu ira inafwanela nyo mwatene muvwananege. Kavikale gaweya muwari mwa nyo. Inafwanela mukayena joumbuwela jimohive na mirima dimohive.

Mwilamboni muno mukala aliba toto, aliba fundjiha malamulo, aliba wanela mazu. Nnga atu anno mwaaona ante peno kagomele avi? Kinna mabasa. Mwasiwa Mulugu uhusandutcha zelru da ilambwela ira dahakayena mabasa.