Vèsè popilè nan Bib la ki soti nan Wóɖómà 13

Pataje

Kɛɛ ɓě mɛ ɖú Bounɓo Jízɛ̀ Kɛ́ɖɛ́ì dyí, ké ɓěǐn ɖá ɓɛ́ ɓě ké ɓě mìɔùn jè hwìɖǐi poìn, ɓɛ́ ɓě ké ɓěɛ̀ mɔ́ɔ́-ɖɛ̀ nyu.

Nyɔ ɖò ní ɖá ɓɛ́ ɔ ké ɓě kpaún ɓéɖé. Ɓě mɛ ɖɛɓɛìn ɖɛ̀ɓɛ̀ìn mú. Ɔ mɔ̀ kpa dyúáɖò wa mɛ ɓéɖé ɓě mú. Sepóɛɖé nyɔ mɔ̀ nyɔ ɓɛ́ ɔ ɖɛ̀ɓɛ̀ ɔ mǔè ɖò múɛɛ, ɔ ɖǎ ɖɛ séín ɓɛ́ gmaɔ̀ cɛ̃ɛ nyu.

Nyɔ séín mɛ nyu waà gɔ̌mànà ɓěɔ̀ wuɖu, sepóɛɖé gɔ̌mànà-kpèɔ̀ nyɔ ké se Gèɖèpɔ́ɔ̀ gbo sɔ̀ìn nyɛɛ ɖò se nì. Gɔ̌mànà ɓě nìà kàǔn wɛ̃ɛ, Gèɖèpɔ́ɔ̀ mɔ̀ nyɔ ɖǎ wa páún po.

Hwuɖuɔ̀ ɖǎ ɓoún tɔ̀mɔ̀, ké zɔ̃ nìǎ dyi xwɛ̃́ǐn. Ɔ jèɛɛ, ɓěà mɛ táà ɓěà tíe-kpòǔn-nyùù-ɖɛ̀ ɓěɔ̀ dyi, ɓɛ́ ɓěà ké ɓěà toún-vɔ̃̀ìn-ɖɛ̀ ɓě ɓɛ́ à ɓéɖéà ɖé ceɔ̀ múɛɛ dyí ɖú.

Ɔ jǔ ké m̀ dyi m̀ mǔè ɖò mú ɖɛ̀ɓɛ̀ǐn, nìí, m̀ se ɔ ɖɛ gbà ɖò bũ̌ nyuɛ ɓɛ́ìn. Ɔ jèɛɛ, ɖɛ̀ɓɛ̀ǐn-ɖɛ̀ɓɛ̀ǐn nyu ɖɛ séín ɓɛ́ gmaɔ̀ cɛ̃ɛ.

Ɓě mɛ pɛ́ɛ̀ wa séín ɖɛ ɓɛ́ wa ɓéɖé wa ké dyéɛ. Ɔ mɔ̀ gɔ̌mànà-wìɖì kè tácì-wìɖì. Ɓě mɛ dyé nyɔ ɓě ɓéɖé ɓě ké kpéín dyéɛɛ kpéín, ké ɓě mɛ dè nyɔǔn séín ɓɛ́ ɓě ɓéɖé ɓɛ́ ɓě ké dya dèɛɛ dya.