Vèsè popilè nan Bib la ki soti nan Baɗitari 6

Pataje

Antə ɗəffa MTHLAKU ku ɓzi kamnyar tə tsa ku namtə mda ata kəra duniya.

MTHLAKU ku wuta abbər ɗimikur ku hara hang kamta akwa duniya, tsuwa su na akwa ɗəffa shanga mji tədəku an dzamər ɗimikur.

Amma Nuhu ku wutə mdəkur ata nca MTHLAKU.

Ngəni an mjir nyarmbwar Nuhu. Nuhu an mdə na ka jirkur, tsa aɗi ka sur nggəla adzə ni akwa zamanərni wa. Nuhu ku mwa ka Hyel.

Kamnyar ngəni antə MTHLAKU pəla, “I ata shamta shanga mji natə I alakta ata kəra duniya. I ata shamta mji ata kəma duku ka shanga mwaɓi mtaku, ka shanga suayeri na ana mwa ka yimər kuta ɗa ata di, kəga ɗikayeri na ata kutahyel, kamnyar ɗəffi ku ɓzi tə I ku namtə ɗa ni.”

Sakatə mji baɗitə hara hang ata kəra duniya, tə da ku yatsə maɗankwi, maɗa' Hyel wuta abbər maɗankwi tə mji ya ni ɓɗakɓɗaku, antə da ku carɓəla maɗankwi laga akwa nca ɗa, ka kəl ɗa. Antə MTHLAKU pəla, “Mambələrna na ana hamta mpika aɗi ata ndzi akwa mda har ba saka madi wa, kamnyar tsa an kum ka mamshi. Məvari aɗi ata təramta aru pal ka sərkumari wa.” Akwa saka ndaga ka saka na aghəla nda, mji na saɓəl saɓəl gurjam gurjam ni aɗi akwa duniya, kamnyar tə maɗashilər Hyel ku pi ka maɗankwi ar mji, ka yatsa ala ɗa maɗankyar. Maɗa' ngəni an ndzi katsalayeri waci, da an mji tə thləma ɗa ku tuwa.

Antə Nuhu ku hara shanga suayeri ni kalkal apatə Hyel ku tsawa alari.

Antə Hyel ku pəla aka Nuhu, “I ku ɗəmha akwa ɗəffi abbər I ata shamta shanga mji, kamnyar tə duniya ku nghyi ka haptər hangkal atar ɗa. Antə apani I ata shamta ɗa japu ka duniya.

Martə sharər yimi ka udzəm na ɓɗaku, kamnyar kəra ga, kara thlagaɓəla kutari, kara fəi dzari na avivi ka dzari na aɓəlaɓəla ka kwalta.

Hyel ku wul duniya, ka wuta abbər tsa ku ndzi hilhilari ka duna, kamnyar tə shanga mji ku hilantə kərɗa akwa duniya.

Tsuwa akwa kəlara jili su na ka mpika ga ata səntə ɗa suɗsuɗa sal ka mwala akwa shar ni, ka da ndzi ka mpika adzə nga.