Vèsè popilè nan Bib la ki soti nan Maka 9

Pataje

Koto leeke Yesuma꞉ ipiki pa꞉ta꞉ alota꞉ Aowe. Naka꞉ hone tulaasa꞉ ekita꞉ ana꞉ pia꞉ka꞉na꞉ kota꞉ I̱ma꞉ epeaalueke. Wanda꞉hali epi amedama꞉ hone tulaeka꞉na꞉ta꞉ hau paeyao pea꞉peke ya꞉la꞉me leekeme.

Kutupa koto kone mo wekina꞉ atekema꞉ wi alo hata꞉ alota꞉ Hone tulaasome. Ya hone na tulaasoeki nakana꞉ma꞉ pa꞉ta꞉la꞉peke leekeme.

Yesuta꞉ da tukiki pa꞉ta꞉ honda꞉ pambaa ipiki honu make haena꞉ mo disaipolo haliwekima꞉ lota꞉ pitolo hata꞉ alota꞉ Nikana꞉ma꞉ mo hoke temoko tolu lia꞉peke na yeke ekita꞉ ekipape lemekeme. Koto lemeke Yesuma꞉ iki pa꞉ta꞉ alota꞉ Kutupiki hoke temokota꞉ Koda꞉ pa꞉ta꞉ yeni pita꞉la꞉me ekima꞉ homeke tolu lia꞉peke ya꞉la꞉me leekeme.

Epita꞉ a꞉pa꞉la꞉pate ipika꞉ tende pa꞉la꞉eki a꞉nda꞉ alu pia꞉ka꞉na꞉ta꞉ kota꞉ ikana꞉ma꞉ mo epita꞉ ekipa paa tende peaalipikipe leekeme. Ika꞉ kone epi wia hapa꞉peke leekeme. Kutupa ika꞉ ika꞉ kone a꞉nda꞉ pelia homu pu alu alu pea꞉pa꞉peke leekeme.

kota꞉ I̱ kone handa꞉ mina꞉la꞉me. Kutupa hali epima꞉ I̱ handa꞉ mia꞉ka꞉na꞉ta꞉ I̱ homeke dia꞉me. Hande I̱ tapaeya꞉ hali make handa꞉ mina꞉la꞉me laa leekeme.

Iki pa꞉ta꞉ ota꞉ pi alome. Ikana꞉ma꞉ta꞉ ya biki melemeke handaata꞉ hali epima꞉ ikali naaka꞉na꞉ ipi kanakena꞉ hola꞉ pamba iki kia꞉ka꞉na꞉ta꞉ ipika꞉ yenki ota꞉ milieke leekeme.

Hali epima꞉ do I̱ pa꞉ta꞉ hone tulaaseme weki wandiki sunu homeke ma꞉nda꞉ma꞉ hoke hau pina꞉ pu tiaena꞉ lea꞉ka꞉na꞉ta꞉ kota꞉ koto halina꞉ make pa꞉ta꞉ toopi hombeleke mea tonkao oni dawala pa꞉ta꞉ mo hali mea lopaeya꞉ka꞉na꞉ yoluta꞉ epolo pia꞉me leekeme.

Naka꞉ lekema꞉ hoke hau puelena꞉ lea꞉ka꞉na꞉ta꞉ naka꞉ leke yoka꞉ mea baapeke leekeme. Leke homeke hata꞉ Koda꞉na꞉ Kilu Tombuao Hala꞉eki pa꞉ta꞉ peka꞉na꞉ta꞉ epelieke. Leke yaapo haeka꞉na꞉ta꞉ mo ti to hala꞉ alena꞉ neke mea lopaeya꞉ka꞉na꞉ta꞉ hoelieke leekeme.