Vèsè popilè nan Bib la ki soti nan Yoˇhaˬ 4

Pataje

Miˬyehˇ-aˬ, Yaw sahˇ meh. Aˬ yawꞈ-euˬ Yaw sahˇ-euˬ baoˬ baˬ da neh tehꞈ-ehˇ, aˬ yawꞈ-ahˇ siˬ duˬ-awˇ uˬ duˬ tahˬ nya-eu meh.”

Ehˇ kʼawꞈ, Miˬyehˇ-euˬ Yaw sahˇ-euˬ baoˬ baˬ da neh, Aˬda-ahˇ siˬ duˬ-eu laꞈ kʼoeˇ uˬ duˬ tahˬ-awˇ, maˇ maˇ ni aˬ yawꞈ geuꞈ mawꞈ-eu uˬ duˬ tahˬ-eu jeˬ mˇ byah nya-eu aˇ nah keuˆ le luꞈ meh. Nymˬ-mˇ kʼawꞈ keuˆ le taˬ-euˬ meh.

Ehˇ kʼawꞈ, ngaˬ neh biꞈ-euˬ iˇ cuꞈ dawˇ-eu tsawˇ haˬ-aˬ, iˇ cuꞈ mehꞈ laˇ-eu maˬ paˇ baw-aˇ. Ngaˬ neh bi dawˇ-euˬ iˇ cuꞈ kʼoeˇ-aˬ, aˬ yawꞈ laꞈ kʼoeˇ dehꞈ-eu saꞈ laˇ biꞈ-eu iˇ cuꞈ yoeˇ doˆ-eu iˇ cuꞈ iˇ byoe pyeuꞈ-iˇ-awˇ, mˬ maˬ maˬ byaˆ zaˇ ziˇ dehꞈ-eu jeˬ aˬ yawꞈ-ahˇ biꞈ tehꞈ-a.”

Yeˬsuˇ ehˇ-eu, “Miˬyehˇ neh biꞈ leꞈ-euˬ jeˬ hawˇ-eu nawˬ-ahˇ iˇ cuꞈ shaˇ dawˇ-eu gʼaˬ-ahˇ nawˇ siˬ nya law nmˇ-aˬ, nawˇ aˬ yawꞈ-ahˇ iˇ cuꞈ shaˇ dawˇ-awˇ, aˬ yawꞈ nawˬ-ahˇ dehꞈ-eu saꞈ laˇ biꞈ-eu iˇ cuꞈ bi dawˇ laꞈ tehꞈ-a.”

Yeˬsuˇ aˬ yawꞈ maꞈ-ahˇ ehˇ nehˬ-eu, “Ngaˬ-euˬ dzaˇ-aˬ, ngaˬ-ahˇ kʼehˇ gʼeh leꞈ-euˬ gʼaˬ-euˬ ehˇ dawˬ naˇ haˬ-awˇ aˬ yawꞈ neh bi mˇ laꞈ-euˬ gaˇ-ahˇ mˇ jiˇ-eu jeˬ pyeuꞈ-eu ma.

Zaˬ miˬ zaˬ kʼoeˇ gʼaˬ ehˇ-eu, “Saˬ laˬ-oˇ, nawˇ iˇ cuꞈ kʼawꞈ doˆ-eu gʼaˇ duˬ iˇ cuꞈ bahˬ keuˆ maˬ ahˇ-eu uˬ taꞈ, lah duˬ heu duˬ naꞈ dui dui-eu meh. Dehꞈ-eu saꞈ laˇ biꞈ-eu iˇ cuꞈ kʼoeˇ nawˇ aˬ gaˇ kʼawꞈ laˬ-iˇ-eu duˇ teˬ.

Zaˬ miˬ zaˬ kʼoeˇ gʼaˬ ehˇ-eu, “(Ka li lehˇ kuˇ-eu) Meˬsiˇya oe meh lehˇ ngaˇ siˬ nya ma. Aˬ yawꞈ oe keuˆ ngeh, aˬ dui-ahˇ yawˬ jeˬ na luꞈ ehˇ mehˬ nehˬ laꞈ tehꞈ-a.” Yeˬsuˇ ehˇ-eu, “Nymˬ-mˇ nawˬ-ahˇ dawˬ ngehˬ cawˬ luꞈ-eu ngaˇ-aˬ, aˬ yawꞈ ma.”

“Ngaˬ neh kʼaˇ mˇ dzeuˇ yaꞈ-euˬ yawˬ jeˬ na luꞈ ehˇ mehˬ laꞈ nya-eu tsawˇ haˬ tiˬ gʼaˬ-ahˇ haw le sheˇ. Meˬsiˇya maˬ ngeuˇ nga lehˇ maˬ ehˇ nya luꞈ-a.”