Vèsè popilè nan Bib la ki soti nan Pemansut 6

Pataje

Nya alai, padahka ngagai orang Israel Aku bejaku ngagai sida munyi tu, ‘Aku tu TUHAN. Aku deka ngelepaska lalu nebus kita ari pengidup kita ke nyadi ulun orang Ejip. Aku deka ngedarka lengan Aku ti kering lalu ngukum orang Ejip, lalu Aku deka nebus kita.

Aku deka ngaga kita nyadi nembiak Aku, lalu Aku deka nyadi Allah Taala kita. Kita deka nemu Aku endang TUHAN Allah Taala kita, lebuh Aku ngelepaska kita ari pengidup kita ke nyadi ulun di menua Ejip.

Aku deka mai kita ngagai menua ti udah disemaya Aku ngena sumpah ngagai Abraham, Isak enggau Jakop, lalu Aku deka meri menua nya ngagai kita, nyadika pesaka kita. Aku tu TUHAN.’ ” Moses lalu madahka jaku nya ngagai orang Israel, tang sida enggai mendingka iya, laban sida nyau lemi semengat ketegal merinsa nyadi ulun.

Udah nya TUHAN lalu bejaku ngagai Moses, “Diatu nuan deka meda utai ti deka dikereja Aku ngagai raja nya. Aku deka mejalka iya ngelepaska bala nembiak Aku. Aku deka mejalka iya muru sida pansut ari menua tu.”