Vèsè popilè nan Bib la ki soti nan Pemansut 7

Pataje

Ku TUHAN bejaku, “Aku deka ngaga nuan nyadi baka Allah Taala di mua raja, lalu menyadi nuan Aron deka bejaku ngagai iya, nyadi nabi nuan.

Tang Aku deka ngasuh ati raja kieh, lalu iya enggai mendingka nuan, taja pen Aku ngereja mayuh macham utai ti tau ngasuh ati takut di menua Ejip. Udah nya baru Aku deka ngukum menua Ejip ngena ukum ti berat, lalu nguluka nembiak Aku pansut ari menua nya.

Orang Ejip deka nemu Aku endang amat TUHAN, lebuh Aku ngedarka jari Aku ngelaban sida, lalu mai orang Israel pansut ari menua sida.”

Raja lalu mesanka bala nembiak iya ti bepenemu-dalam, enggau orang ke tau keramat. Sida ngena keramat sida, lalu ngereja utai baka ke dikereja Aron. Sida nikauka tungkat sida ke tanah, lalu tungkat sida bebali nyadi ular. Tang tungkat Aron nelan tungkat sida.

Nya alai, Tuan Raja, diatu TUHAN madahka nuan deka nemu sapa TUHAN, ari utai ti deka dikereja Iya. Peda nuan, aku deka malu ai sungai tu ngena tungkat tu, lalu ai tu deka bebali nyadi darah.

“Enti raja ngasuh seduai ngereja kereja ajih, asuh Aron mai tungkat iya, lalu nikauka tungkat nya ke tanah, di mua raja, lalu tungkat nya deka bebali nyadi ular.” Moses seduai Aron lalu mansang ngagai raja, lalu ngereja utai ti udah diasuh TUHAN. Aron nikauka tungkat iya ke tanah di mua raja enggau di mua bala pemesai iya, lalu tungkat nya bebali nyadi ular.