Anders As EkPrimjer

Die verskille tussen ons is soms baie groot. Gelowiges verskil van taal, kultuur, ras, voorkeure, politieke oortuigings, hoe ons groot geword het, hoe ons God graag wil aanbid ... ons kan ‘n lang lys maak van ons verskille. Soms raak hierdie verskille vir ons net te veel. Dis baie belangrik om dan te sien waarheen God ons fokus rig.

Met ‘n oog op ons verskille gaan ons soms oorweldig voel. Maar God sê hierdie verskille is glad nie so belangrik soos wat ons dink nie. Ons fokus moet nie wees op wat “anders” is nie — ons fokus moet wees op Jesus. Jesus Christus, die Een wat in ons almal is. Die Een wat alles is! Wanneer ons lewens op Hom gefokus is, sien ons Hom, eerder as oppervlakkige verskille, raak. Wanneer hierdie verskille van ander vir jou te groot word, is dit heel moontlik tyd om te vra hoe jou fokus op Jesus lyk? Is Hy die middelpunt van jou lewe of het jy jou fokus ietwat verskuif?

• Wanneer jy vandag paaie kruis met die “ander” mense, vra God om jou fokus te wees.