PSALMS 61
61
U is vir my 'n toevlug
1Vir die koorleier: met snarespel. Van Dawid.
2Hoor tog my hulpgeroep, o God,
slaan tog ag op my gebed.
3Ver uit die vreemde uit, in wanhoop, roep ek na U.
Bring my op 'n rots waar ek veilig sal wees.
4U is vir my 'n toevlug,
'n sterk vesting buite bereik van die vyand.
5Laat my by U 'n blywende tuiste vind.
Laat my skuil onder u vleuels. Sela
6U, o God, hoor my geloftes,
U vervul die wens van hulle wat u Naam eer.
7Laat die koning lank lewe,
laat sy lewensjare oor geslagte strek.
8Mag hy sy lewe lank regeer voor God,
mag u liefde en trou hom bewaar!
9Dan sal ek u Naam altyd besing
en dag na dag my geloftes betaal.
Trenutno odabrano:
PSALMS 61: AFR83
Istaknuto
Kopiraj
Usporedi
Podijeli
Želiš li svoje istaknute stihove spremiti na sve svoje uređaje? Prijavi se ili registriraj
© Bybelgenootskap van Suid-Afrika 1983, 1992. Gebruik met toestemming. Alle regte voorbehou.