'Olic 2
2
O Nipili'an no Kawas a Palahongti
1Nawiro rarawraw sa ko kasakitakit to saka foriforaw?
Nawiro misafaloco' ko kasafinawlan to awaay ko ^poc a dmak?
2Tihlom sa ko hongtingti no kasakitakit a tayni a masa'opo.
Malaccay ko mikowanay nangra a misahalaka,
pacoliaw ita ko Tapang ato nipili'an Ningra a palahongti.
3Pasowal sa cangra, <<Palasawadaw ita ko pikowan ato pirikec nangra!
Palasawaden ita ko pikowan nangra!>> saan.
4Matawa ko maro'ay i kakarayan a Tapang,
milikaf Cingra tonini a maapaay a tamdaw.
5Kakteren no Ningra cangra a somowal,
mapackok cangra to kter Ningra.
6Sowal sa, <<Mapatirengto Ako ko nipili'an Ako a hongti i Cion a fangcalay a lotok Ako,>> saan.
7Sowal sa ko hongti, <<Pasowalaw ako ko nano sowal no Tapang.
O sowal no Tapang i takowanan i, o wawato Ako kiso.
MalaWamato iso Kako anini.
8Pilongoc i Takowanan, ta paflien Ako kiso to kasakitakit no hkal a ma^min,
o malo no miso to ko polong no hkal.
9O marad a cokor ko sapikowan iso i cangraan,
pelpelen cangra, matiya o pipelpel to koreng a lalosidan,>> saan.
10Kamo o hongtingti, pina'on.
Kamo o mikowanay, pinanam to sowal no taneng.
11Ka o mangodoay a faloco' a matayal ko sapita'ong to Tapang,
kamirmir i ka'ayaw Ningra a lipahak.
12Katayal to saki wawa Ningra#2.12 Katayal to saki wawa Ningra -- ano ^ca i, pihinokop i ka'ayaw no hongti, roma i, takecen a micocop ko wawa iso.,
ano caay pihaen kamo i, o mamatiyato o 'anapar no namal ko kter no Tapang,
wa talifahal sa kamo a matkop.
Nikawrira, o pasayraay i Cingraan a milongoc to pidipot Ningra i,
tada o malmeday.
Trenutno odabrano:
'Olic 2: AMIS2019
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
© The Bible Society in Taiwan, 2019