PARATU 3
3
Kameti maraku papeku
1Jàka ningu haàtu mawotu kameti maraku heu hapi nduma kameti maraku papeku, nuna na hapi peku-mana ka hapi miniya, peku-mbuna ka hapi bai-yakai, na nyuna nda ukua jàka ningu nyurana. 2Na tau na mahunggu maraku wànya lupangu-ma na-padambaku-nya lima na katiku-na nuna na banda hàla ka narupu-ya la pindu Maüna i MIRI. Da ratu wàlana i Harungu lupangu-ma daburi-ya na riana nuna na hapi la patu karaha ngia pawotu maraku. 3Nduma kameti maraku papeku lai MIRI, lupangu-ma na ratu ka nahunggu maraku wànja yiada da ma-welingu la banda nuna: na aparu-na na ma-kamburu-nya na ihi kambuna, 4da wua kadalu mangu mbokangu-da, dàngu na hangia na marihi hàmu halawàla welingu la etina. 5Nuda mbuu ndàbada pa-karia-nja da kameti maraku hawiangu lupangu tunu-maha bàdi la pinu ngia pawotu maraku. Na wau hiritu-na nuna na hunggu maraku pangangu nahàmu wànya na etina i MIRI.
6Jàka mbimbiya jàka kamàmbi-ya na kameti maraku pawotu nduma kameti maraku papeku, nuna na banda, peku-mana ka bumbuya, peku-mbuna ka bai-yakai, na nyuna nda ukua jàka ningu nyurana. 7Jàka ningu haàtu tau mawotu kameti maraku heu mbimbi, lupangu nangàndi-ya la Maüna i MIRI-ma bàdi. 8Lai nu lupangu-ma na-padambaku-nya lima na katiku-na na mbimbi hàla ka narupu-ya la hangga Maü. Hàla na ratu lupangu-ma naburi-ya na riana nuna na mbimbi la patu karaha ngia pawotu maraku. 9Nduma kameti maraku papeku lai MIRI, lupangu-ma na ratu ka nahunggu maraku wànja yiada da mawelingu la mbimbi nuna: na mbokana, nggubulu-na na kikuna na ma-pa-aparungu kadipu pahupu rii kajia-nya, na aparu-na na ma-kamburu-nya na ihi kambuna, 10da wua kadalu mangu mbokangu-da, dàngu na hangia na marihi hàmu halawàla welingu la etina. 11Na ratu na matanggu paloku lupangu natunu hàla-maya bàdi la pinu ngia pawotu maraku nduma kameti maraku pangangu lai MIRI.
12Jàka kamàmbi-ya na pahunggu maraku wàngu, na tau na mahunggu maraku wànya lupangu nangàndi-ya la Maüna i MIRI-ma bàdi. 13Lai nu lupangu-ma na-padambaku-nya lima na katiku-na na kamàmbi, hàla ka narupu-ya la hangga Maü. Na ratu lupangu-ma naburi-ya na riana nuna na banda la patu karaha ngia pawotu maraku. 14Nduma kameti maraku pangangu tungguna i MIRI lupangu-ma na ratu ka nahunggu maraku wànja yiada welingu la kamàmbi nuna: na aparu-na na ma-kamburu-nya na ihi kambuna, 15da wua kadalu mangu mbokangu-da, dàngu na hangia na marihi hàmu halawàla welingu la etina. 16Na ratu na matanggu paloku lupangu natunu hàla-maha bàdi la pinu ngia pawotu maraku. Na wau hiritu-na nuna na hunggu maraku pangangu nahàmu wànya na etina i MIRI. Mbuu ndàbana na mbokana nuna na banda ndumana i MIRI-ya. 17Na tau Ihirailu najàma ailulungu-ma bàdi pangangu mboka jàka ndia ria. Na kalaratu yiana pawàngu-maya lundu nu - nu dàngu lupangu na-karadaku-manya bàdi paraï tau Ihirailu nimbihu-da la nggi bia na-ngiangu ningu.
Trenutno odabrano:
PARATU 3: KAM
Istaknuto
Kopiraj
Usporedi
Podijeli
Želiš li svoje istaknute stihove spremiti na sve svoje uređaje? Prijavi se ili registriraj
@LAI 1995 Indonesian Bible Society (Lembaga Alkitab Indonesia)