MÁFIYU Kɔlɔí sí lówawondai
Kɔlɔí sí lówawondai
Ngalángi géélai Máfiyu lɔ í kɔ́lɔi sí vɔ́nɛngɔ. Yáá tɔ́ ngáá Máfiyu í ɣɛngɔ náa Ngalángi géélai Máa ndá gɔ́lɔi gálani kílii ɔ́ɔ́ ɣɛ́a ngi ndái sí vɔ́nɛ. Kíya bɛ́lɛ Máfiyu í kɔ́lɔi sí vɔ́nɛngɔ ngáá nuu kpɛ́lɛɛ tí kála, kɛ́ yáa tɔ́ ngáá í pɔ́nɛngɔ Júsuai sítii ngele tɔ́ɔ gilísi woí lé sífaa, í faa bíh̃ingɔ yákɛngɔ ngáá ti ye í Kɛ́lɛ Pɔlɔí h̃u. Máfiyu í ngakɛ́ngɔ kíya Ngalángi gúúlongi í mbóni Kɛ́lɛ Pɔlɔí h̃u í hítɛngɔ nga. Aáva múl̃ɔ áá Júsuai ti lúva véleitii ngákɛngɔ ɔ́ɔ́ tí laa wóitii kɛ kíya Máa í kɛ́ngɔ.
Kɔlɔí sí vá tɔ í ngáá hésendaa gɔlɔí Kɛ́lɛ Niinaí h̃u í Ngalá Kɔ́lɔi h̃u. I pɔnɛngɔ́ ngáá í ngákɛ ngáá kɛ Jísu lɔ í ngáá Ngumaawó Mɔ́i Ngalá ngí nungáitii kuulóni la Kɛ́lɛ Pɔlɔí h̃u. I mɔ́ɔ́ ngakɛ́ngɔ ngáá kíya Jísu í ngáá kalambo mɔ́ɔ́ wála ngakpángi ngeyá ngáá áá hómbo í Ngalángi hávai h̃uu ɣɛ ɛ́ɣɛ í kálambo mbó kɔwɔ́ato Ngalángi w̃ásandai wa.
Sítii pɔnɛngɔ́i kɔlɔí sí h̃u
Jísu Kílisitii lé kpámbii lɔlɔ́ndai ɛ́ɣɛ ndendái 1:1–2:23
Nguya Wo Mɔ́i Njɔú Yála ngéngengi 3:1-12
Jísu Kílisitii wúyandai ɛ́ɣɛ suugɔvɔ́ndai 3:13–4:11
Jísu Yala ngengengí í mbóni Galéli 4:12–18:35
Jísu i gulaí Galéli lataí h̃u ngáá í lí Jɛlúsɛl̃ɛ taa walái h̃u 19:1–20:34
Sí Jísu í kɛ́ni ngakɛɛlɛ́maa lɔ́wɔi h̃u Jɛlúsɛl̃ɛ beláá ɛ́ɣɛ Jɛlúsɛl̃ɛ taí h̃u 21:1–27:66
Ndemɔí Jísu yooɣéndai sái h̃u ɛ́ɣɛ kulaláitii polú yélaitii ngaah̃ú 28:1-20
Trenutno odabrano:
MÁFIYU Kɔlɔí sí lówawondai: KNNT
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
Bandi New Testament © Bible Society in Liberia, 2000