उत्पत्ति 36
36
एसाव की पीढ़ी
1एसाव जो एदोम भी कुह्वावै सै, उसकी या पीढ़ी सै। 2एसाव नै तो कनानी छोरियाँ तै ब्याह कर लिया; यानिके हित्ती एलोन की बेट्टी आदा, अर ओहोलीबामा तै जो अना की बेट्टी, अर हिब्बी सिबोन की नातिन थी। 3फेर उसनै इश्माएल की बेट्टी बासमत ताहीं भी, जो नबायोत की भाण थी, ब्याह लिया। 4आदा नै तो एसाव कै जरिये एलीपज ताहीं, अर बासमत नै रूएल ताहीं जन्म दिया। 5अर ओहोलीबामा नै यूश, यालाम, अर कोरह ताहीं पैदा करया, एसाव के येए बेट्टे कनान देश म्ह पैदा होए।
6एसाव अपणी बिरबानियाँ, अपणे बेट्टे-बेटियाँ, अर घर के सारे प्राणियाँ, अर अपणी भेड़-बकरी, गां-बळध लगभग सारे पशुआं, यानी अपणी सारी सम्पत्ति ताहीं, जो उसनै कनान देश म्ह कठ्ठी करी थी, उननै लेकै अपणे भाई याकूब धोरै तै दुसरे परदेस म्ह चल्या गया। 7क्यूँके उनकी सम्पत्ति इतणी होगी थी, के वे कठ्ठे न्ही रह सके; इसहाक नै एसाव ताहीं भोत घणे डांगर अर धन दिया ताके वो अलग तै जिन्दगी बिता सकै। 8एसाव जो एदोम भी कुह्वावै सै, सेईर नाम के पहाड़ी देश म्ह रहण लाग्या। 9सेईर नाम के पहाड़ी देश म्ह रहण आळे एदोमियां के पूर्वज एसाव की पीढ़ी या सै 10एसाव के बेट्याँ कै नाम ये सैं; यानिके एसाव की पत्नी आदा का बेट्टा एलीपज, अर उस्से एसाव की पत्नी बासमत का बेट्टा रूएल। 11अर एलीपज के ये बेट्टे होए; यानिके तेमान, ओमार, सपो, गाताम, अर कनज। 12एसाव के बेट्टे एलीपज की तिम्ना नाम की एक रखैल थी, जिसनै एलीपज कै जरिये अमालेक ताहीं जन्म दिया: एसाव की पत्नी आदा के वंश म्ह येए होए। 13रूएल के बेट्टे ये होए; यानिके नहत, जेरह, शम्मा, अर मिज्जा एसाव की पत्नी बासमत के वंश म्ह येए होए। 14ओहोलीबामा जो एसाव की पत्नी, अर सिबोन की नातिन अर अना की बेट्टी थी, उसकै ये बेट्टे होए यानिके उसनै एसाव कै जरिये यूश, यालाम अर कोरह ताहीं जन्म दिया।
एदोम के अधिपति
15एसाववंशियां के अधिपति ये होए यानिके एसाव के जेठ्ठे एलीपज कै वंश म्ह तै तो तेमान, ओमार, सपो, कनज, 16कोरह, गाताम, अमालेक अधिपति एलीपज वंशियाँ म्ह तै, एदोम देश म्ह येए अधिपति होए अर येए आदा के वंश म्ह होए। 17एसाव के बेट्टे रूएल के वंश म्ह ये होए; यानिके नहत, जेरह, शम्मा, मिज्जा अधिपति रूएलवंशियाँ म्ह तै, एदोम देश म्ह येए अधिपति होए; अर ये एसाव की पत्नी बासमत के वंश म्ह होए। 18एसाव की पत्नी ओहोलीबामा के वंश म्ह ये होए; यानिके यूश, यालाम, कोरह अधिपति, अना की बेट्टी ओहोलीबामा जो एसाव की पत्नी थी उसकै वंश म्ह येए होए। 19एसाव जो एदोम भी कुह्वावै सै, उसकै वंश के येए सैं, अर उनके अधिपति भी येए होए।
सेईर की पीढ़ी
20सेईर जो होरी नाम की जात का था, उसकै ये बेट्टे उस देश म्ह पैहल्या तै रहवैं थे; यानिके लोतान, शोबाल, सिबोन, अना, 21दीशोन, एसेर, अर दीशान: एदोम देश म्ह सेईर के येए होरी जात्ति आळे अधिपति होए। 22लोतान के बेट्टे, होरी, अर हेमाम होए; अर लोतान की भाण तिम्ना थी। 23शोबाल के ये बेट्टे होए यानिके आल्वान, मानहत, एबाल, शपो, अर ओनाम। 24अर सीदोन के ये बेट्टे होए अय्या, अर अना; यो वोए अना सै जिस ताहीं जंगळ बियाबान म्ह अपणे पिता सिबोन कै गधां ताहीं चरान्दे-चरान्दे गरम पाणी के झरणे मिले। 25अर अना कै दीशोन नाम का बेट्टा होया, अर उस्से अना कै ओहोलीबामा नाम की बेट्टी होई। 26दीशोन के ये बेट्टे होए: हेमदान, एशबान, यित्रान, अर करान। 27एसेर के ये बेट्टे होए: बिल्हान, जावान, अर आकान। 28दीशान के ये बेट्टे होए: ऊस, अर अरान। 29होरियाँ के अधिपति ये होए: लोतान, शोबाल, सिबोन, अना, 30दीशोन, एसेर, दीशान अधिपति; सेईर देश म्ह होरी जात्ति आळे येए अधिपति होए।
एदोम का राजा
31फेर जिब इस्राएलियाँ पै किसे राजा नै राज न्ही करया था, तोभी एदोम कै देश म्ह ये राजा होए; 32बोर के बेट्टे बेला नै एदोम म्ह राज करया, अर उसकी राजधानी का नाम दिन्हाबा सै। 33बेला कै मरण पै, बोस्रानिवासी जेरह का बेट्टा योबाब उसकी जगहां पै राजा बण्या। 34योबाब कै मरण पै, तेमानी जात के माणसां म्ह तै हूशाम उसकी जगहां पै राजा बण्या। 35फेर हूशाम कै मरण पै, बदद का बेट्टा हदद उसकी जगहां पै राजा बण्या, यो वोए सै जिसनै मिद्यानियाँ ताहीं मोआब कै देश म्ह हराया था, अर उसकी राजधानी का नाम अबीत सै। 36हदद कै मरण के बाद, मस्रेकावासी सम्ला उसकी जगहां पै राजा बण्या। 37फेर सम्ला कै मरण के बाद, शाऊल जो महानद कै तटआळे रहोबोत नगर का था, वो उसकी जगहां पै राजा बण्या। 38शाऊल कै मरण पै, अकबोर का बेट्टा बाल्हानान उसकी जगहां पै राजा बण्या। 39अकबोर के बेट्टे बाल्हानान कै मरण के बाद, हदर उसकी जगहां पै राजा बण्या, अर उसकी राजधानी का नाम पाऊ सै; अर उसकी घरआळी का नाम महेतबेल सै, जो मेज़ाहाब की नातिन अर मत्रेद की बेट्टी थी।
40फेर एसाववंशियां के अधिपतियाँ कै कुलां, अर जगहां कै मुताबिक उनके नाम ये सैं तिम्ना, अल्वा, यतेत अधिपति, 41ओहोलीबामा, एला, पीनोन, 42कनज, तेमान, मिबसार, 43मग्दीएल अधिपति, ईराम राजा एदोमवंशियाँ नै जो देश अपणे बस म्ह कर लिया था, उसकै निवास-स्थानां म्ह उनकै येए राजा होए; अर एदोमी जात का मूलपुरुष एसाव सै।
Trenutno odabrano:
उत्पत्ति 36: BGC
Istaknuto
Kopiraj
Usporedi
Podijeli
Želiš li svoje istaknute stihove spremiti na sve svoje uređaje? Prijavi se ili registriraj
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.