Lir. 3
3
Sileka sio omundu
1 #
Lif. 12.9; 20.2 Nono, endemu yaba engesikesi khukhila chisaang'i nicho Wele Omunyali Owa Bioosi aabuumba. Endemu yareeba omukhasi eli, “Ng'ali Wele aloma ali se muliakho kamatuunda ke kumurongooro kwosi kwosi kuuli mu mukuunda tawe?”
2Omukhasi akobosia endemu ali, “Khunyala khwalia kamatuunda ke kimirongooro kie mu mukuunda, 3ne kakhali Wele aloma ali, ‘Mukhalia kamatuunda ke kumurongooro kuuli akari we kumukuunda tawe, lundi mukhakutiilakho tawe. Mwakhola murio, mulafwa.’ ”
4Endemu yakobosia omukhasi eli, “Se mufwa tawe. 5Sikila Wele amanyile ali mwaliaakho kamatuunda kakwo, chimoni chenywe chilekulibwa mala mube busa nga Wele,#3.5 Wele: namwe Bawele.mumanye kamalayi ne kamamayaanu.”#3.5 kamalayi ne kamamayaanu: lola 2.9.
6Nio nga omukhasi ne abona ali kumurongooro okwo kuli kumulayi khu siakhulia, kusiimisia, ne lundi kuli kumurongooro kwe khukhwekoombwa, khukhola omundu abe omukesi, abuta lituunda liakwo mala alia, ne liliindi aelesia omuseecha wewe yesi alia. 7Nio chimoni chabwe chekulibwa mala bamanya bali bali sichula. Banaba kamasaafu ke kumutuli bang'oonamo chingubo bebiimba.
8Nio ekolooba bweene ao, enje ne elengaalile, baulila Wele Omunyali Owa Bioosi ne alikho akeenda mu mukuunda. Omuseecha no mukhasi wewe bekisa khukhwama khu Wele mu mirongooro kie mu mukuunda. 9Nio Wele Omunyali Owa Bioosi alaanga omuseecha mala amureeba ali, “Oli waena?”
10Omuseecha akobosia ali, “khuuliile ne olikho okeenda mu mukuunda naba ne buuri, sikila ndi sichula khwako nekisile.”
11Wele amureeba ali, “Naanu okhuboolele ali oli sichula? Oliile kamatuunda ke kumurongooro nikwo nakhulaka ndi okhalia tawe?”
12Omuseecha aloma ali, “Omukhasi niye ewe wamba oli amenye nase niye oumbele lituunda nalia.”
13 #
2 Bakor. 11.3; 1 Tim. 2.14 Wele Omunyali Owa Bioosi areeba omukhasi ali, “Siina nisio okholile sino?” Omukhasi aloma ali, “Endemu imbombeleesie mala nalia.”
Wele abisia likhalaka
14Wele Omunyali Owa Bioosi aboolela endemu ali,
“Sikila wakholile kano,
oli omulaame khukhila bibaywa bioosi,
khukhila chisaang'i che mundaa choosi,
Okhekhururirenge enda yowo,
ne okhalie lipukhuulu,
mu bulamu bwowo bwoosi.
15 #
Lif. 12.17
Ndara busiku akari wowo no mukhasi,
lundi akari we lulwibulo lwowo ne lulwibulo lwewe.
Lulikhutubundula kumurwe,
ne lulwibulo lwowo lulimuluma ekhukunyu.”
16Khu mukhasi Wele aloma ali,
“Ndakhutasa buchuuni bukali mu khusaala.
Mu buchuuni okhasaale babaana,
ne kakhaba kario, liliekoomba liowo liliba khu museecha wowo,
ne niye alikhwamiia ewe.”
17 #
Baeb. 6.8
Khu Adamu aloma ali,
“Sikila warekereesie kamakhuwa ko mukhasi wowo,
mala waliile kamatuunda ke kumurongooro nikwo nakhulaka ndi okhaliakho tawe.
Liloba lili lilaame sikila ewe.
Mu khunanisibwa okhalie khukhwama khwiloba
chindaalo che bulamu bwowo choosi.
18Liloba likhakhurusile enyoonyi ne kamawa,
mala okhalie bimelwa bie mundaa.
19Mu maani kowo okhalie siakhulia,
khukhwola nga ne okobola khu liloba.
Sikila ewe waama khu liloba, oli lipukhuulu,
ne okhakobole khu lipukhuulu.”
20Adamu#3.20 Adamu: sifuno sie lisina lino mu Lueburania sili lukano lwe babaandu. atiuukha omukhasi wewe ali Hawa#3.20 Hawa: sifuno sie lisina lino mu Lueburania sili “bulamu” ne mu lunyilili luno Hawa lilangibwa lili babaandu., sikila niye aaba maayi owe babaandu boosi. 21Nio Wele Omunyali Owa Bioosi akholela Adamu no mukhasi wewe chingubo che kamasieelo mala abafwara.
Wele aoona Adamu no mukhasi wewe barure mu mukuunda
22 #
Lif. 22.14
Nio, Wele Omunyali Owa Bioosi aloma ali, “Nono omundu abeele nga mulala khwifwe, amanyile bulayi ne bumayaanu.#3.22 bulayi ne bumayaanu: lola 2.9. Se enyekhana abutakho kamatuunda ke kumurongooro kwe bulamu kwosi mala alia amenya mindali na mindali tawe.” 23Khwako Wele Omunyali Owa Bioosi aamuoona arura mu mukuunda kwa Edeni, alime liloba nilio arusibwakho. 24Wele aoona omundu khukhwama mu mukuunda kwa Edeni, mala e bukwe we kumukuunda okwo araayo chikerubi#3.24 chikerubi: lili lisina liliakukha khu lisina lie Lueburania “chikerubi.” Chikerubi chili bilala khu bibuumbe bie mwikulu. ne mbalu eye bumemu eyabotookhelelanga chimbeka choosi khuliinda engila eecha khu murongooro kwe bulamu.
Trenutno odabrano:
Lir. 3: LUBUKUSU
Istaknuto
Podijeli
Kopiraj
Želiš li svoje istaknute stihove spremiti na sve svoje uređaje? Prijavi se ili registriraj
©Bible Society of Kenya, 2019