Vikolwa 15
15
1Kandi avandu valala va sulunguta va twula Ebuyuda ni vegidza avamitu, va vola, Ni mu ta kevwa kuli miima gya Musa si mu nyala kuhonnywa. 2Kandi Paulo na Baranaba lwa va li namahangali namateva ga ta li makekeke navo avamitu va haana munwa, Paulo na Baranaba navandi kuvo vanegire Yerusalemi ku vatumwa navakulundu kigira inkuva yiyi. 3Kunangwa, livugana lya va hereka, ni va vita Foinike na Samaria, va mannya lyeganira lye Tsihiri: ni va yanzidza avamitu vosi ubuyanzi bunene. 4Kandi lwa va duka Yerusalemi na livugana navatumwa navakulundu va vingiridza, vilwadza amakuva gosi ga Nyasaye ya kola navo. 5Navutswa avalala va twula ku lyahuka lya Vafarisayo, ava suuvira, ni va vola Ga dukira va kevwe, ni va lagwa va gumire amalago ga Musa.
6Kandi avatumwa navakulundu va vugana kuhenza inkuva yiyi. 7Inyinga ya ga li amateva manyingi, Petro ya singira na a vola.
Avamitu, mu manya Nyasaye ya tovola kale ku kwinye, Tsihiri tsi hulire ku munwa gwange likuva lyevangeli, va suuvire. 8Kandi Nyasaye u manya myoyo, ya va lolekidza, na a va ha Roho Mutakatifu kuli ya ha kwinye; 9si yavukanya kwinye navo, ni yogidza myoyo gyavo nelisuuvira, 10Ku, kalunu kigira ki mu geridza Nyasaye, mu duke kuvika inira ku magoti gavegidzwi yavaguga kandi kwinye kwa tamwa kuginga? 11Navutswa kwinye ku suuvira ku la honnywa ne tsimbabasi tsyo Mwami Yesu, kuli yava.
12Kandi kiduma kyosi kya kiring'ana; ni va hulira Baranaba na Paulo va vuulira vilolekidzu nevyokugenya vya Nyasaye ya kola navo mu Tsihiri. 13Kandi lwa va kiring'ana, Yakobo ya tivula na a vola, Avamitu, mu mbulire: 14Simeoni u mali kukuvuulira kuli Nyasaye ya tanga kuhenza Tsihiri, a duke kuvugula kuvo avandu ku lieta lilye. 15Kandi amakuva gavaprofeti ga leng'ana na yaga; kuli ga ng'odwa,
16Inyima wa vindu yivi nda hunzuka,
Na ndombaka kandi inyumba ya Daudi, va li ya gwa;
Kandi ndombaka ing'anye yeye, Kandi nda gi lomba:
17Avandu ava tigaye va duke kwenva Mwami,
Kandi Tsihiri tsyosi tsyelieta lyange li talirwa kuvo
18Mwami a vola, wa kola vindu yivi vi manyekar e kutwula kale.
19Kigira yaga, ng'anagana ndi, ku ta va nyangidza yava ava twula ku Tsihiri vadza kuyeka ku Nyasaye; 20navutswa ku va ng'odera va leke ubudamano bwemisambwa, nobuheyi, ne tsinyama tsi migangwa, namasahi. 21Kigira kutwula ku makula ga kale Musa a veye navo mu madala gosi avilwadza amakuva gege, na a somwa mu masomero masabato gosi.
22Hene yaho ga yanzidza avatumwa navakulundu halala nelivugana lyosi, kutovola avandu kuvo nokuvatuma halala na Paulo na Baranaba kutsia Antiokia. Yavo ni Yuda wa langwa Barsaba, na Sila, avandu vanene ku vamitu: 23ni va ng'oda mu makono gavo ndi: Avatumwa navakulundu navamitu, ibarull a yetu ku vamitu ve Tsihiri tsya Antiokia na Siria na Kilikia, mirembe. 24Kwinye kigira ku huliye avalala ava twula ku kwinve va mu nyangidza ku makuva gavo ni vononnya myoyo gyenyu; ava ku ta laga; 25ku lola bulahi ku mali kuvugana nomwoyo mulala, kutovola avandu nokuvahila ku mwinye halala navayanze vetu Baranaba na Pauio, 26avandu avituma kuhaana livamwoyo lyavo kigira lieta lyo Mwami wetu Yesu Kristo. 27Kigira yaga ku mali kutuma Yuda na Sila, ava li mu volera vindu yivi nomunwa. 28Kigira Roho Mutakatifu na kwinye ku loli bulahi ku ta mu dwika musigo gu vita yigu gwevindu yivi vi ta nyala kulekwa: 29mweyahule ku vindu vi salisirwa misambwa, namasahi, nevindu vya migwa, nobuheyi; ni mweyahula ku vindu yivi mu kola bulahi. Mu menye bulahi.
30Kunangwa lwa va mala kuhebwa munwa, va tsia Antiokia; kandi lwa va mala kuvugannya kiduma, va va ha ibaruwa. 31Lwa va mala kugisoma va yanza kigira lileminnya lyemyoyo. 32Kandi Yuda na Sila, avene va li avaprofeti, veganehidza avamitu namakuva manyingi, ni va va luviridza. 33Kandi lwa va mala kumenya inyinga i duki, va hebwa munwa nemirembe kwirana ku va va tuma. 34Navutswa Sila ya lola bulahi kumenya yo. 35Na Paulo na Baranaba va menya Antiokia, ni vegidza ni vilwadza likuva lyo Mwami, halala navandi vanyingi.
36Inyima ya madiku ga duki, Paulo ya volera Baranaba, Kwiranire kalunu kutsia kulola avamitu mu madala gosi ha kwilwadza likuva lyo Mwami, ku lole va veye ndi. 37Baranaba yenva kuhila Yohana wa langwa Marko kandi. 38Navutswa Paulo si ya lola bulahi kumuhila wa va leka yaho Pamfulia, na a vula kutsia navo mu miyinzi. 39Bwa li ubuhangalidzani bunene, kuduka vavukana; na Baranaba ya hila Marko na a nina mu bwnto na a tsia Kuporo: 40navutswa Palllo ya tovola Sila na a twula, avamitu va mu vika mu tsimbabasi tsyo Mwami. 41Naye ya vita mu Siria na Kilikia na a luviridza mavugana.
वर्तमान में चयनित:
Vikolwa 15: MBE
हाइलाइट
शेयर
तुलना
कॉपी
Want to have your highlights saved across all your devices? Sign up or sign in
©Bible Society of Kenya, 1967
