Kwan 33
33
Woth wok i Misir tundo i Mowab
1Me apaka Joisiraili jowok i piny ma Misir i can ma lweny i tel pa Musa kodi Aron. 2Musa ondiko kama joay iye gine, i woth theketheke pajo, paka Rwoth owodho or ri Musa, aka me apaka jowotho.
3Joay gi Rameses k'apar g'abic ma dwe marapena. I ndelo m'oluwo kalima ma Kadho Joisiraili joay gi miseni ruwaŋ Jomisir, 4kareno Jomisir joyiko okayin pajo je, ma Rwoth oyido oneko i dier jo. Rwoth othumo banja kiri ri werin pajo.
5Joisiraili joay Rameses aka joketho kambi i Sukoth. 6Jowok Sukoth, aka joketho kambi i Etham, manitie i gike ma thim. 7Jowok Etham, to jowire gik i Pihahiroth, m'otitere gi Balzefon, aka joketho kambi i Migdol. 8Jowok i Pihahiroth, joluwo gi Nam M'obokere kiri i thim. Jowotho ma ndelo adek i thim ma Etham, aka joketho kambi i Mara. 9Wok i Mara jobino i Elim, aka i Elim oyido nitie waŋ pi apar g'ario kodi yen thith piero abirio, aka joketho kambi kenyo.
10Jowok i Elim to joketho kambi i thengi Nam M'obokere. 11Jowok i Nam M'obokere aka joketho kambi i thim ma Sin. 12Jowok i thim ma Sin aka joketho kambi i Dofika. 13Jowok i Dofika aka joketho kambi i Alus. 14Jowok i Alus to joketho kambi i Refidim, kam'oyido ongoye pi amadha ri ji.
15Jowok i Refidim to joketho kambi i thim ma Sinai. 16Jowok i thim ma Sinai to joketho kambi i Kibroth Hatava. 17Jowok i Kibroth Hatava to joketho kambi i Hazeroth. 18Jowok i Hazeroth to joketho kambi i Rithma. 19Jowok i Rithma to joketho kambi i Rimon Perez. 20Jowok i Rimon Perez to joketho kambi i Libina. 21Jowok i Libina to joketho kambi i Risa. 22Jowok i Risa to joketho kambi i Kehelatha. 23Jowok i Kehelatha to joketho kambi i Got Sefer. 24Jowok i Got Sefer to joketho kambi i Harada. 25Jowok i Harada to joketho kambi i Makeloth. 26Jowok i Makeloth to joketho kambi i Tahath. 27Jowok i Tahath to joketho kambi i Tera. 28Jowok i Tera to joketho kambi i Mithka. 29Jowok i Mithka to joketho kambi i Hasmona. 30Jowok i Hasmona to joketho kambi i Moseroth. 31Jowok i Moseroth to joketho kambi i Bene Yakan. 32Jowok i Bene Yakan to joketho kambi i Hor Hagidad. 33Jowok i Hor Hagidad to joketho kambi i Yotbatha. 34Jowok i Yotbatha to joketho kambi i Abirona. 35Jowok i Abirona to joketho kambi i Eziongeber. 36Jowok i Eziongeber to joketho kambi i thim ma Zin meno Kades. 37Jowok i Kades aka joketho kambi i Edom.
38Aron jacway ri Were i wi migam oidho wi Got Hor i or pa Rwoth to otho kenyo rumacen ma oro piero aŋwen wok cuka Joisiraili jowok i lowo ma Misir, k'acel ma dwe mar'abic. 39Aron oyido jaoro 123 munyo tho wi Got Hor.
40Kere ma Aradi Jakanan, m'oyido bedo yupiny ma lowo ma Kanan owinjo nike Joisiraili oyido jobino.
41Joisiraili jowok i Got Hor to joketho kambi i Zalmona. 42Jowok i Zalmona to joketho kambi i Punon. 43Jowok i Punon to joketho kambi i Oboth. 44Jowok i Oboth to joketho kambi i Iye Abarim, iy'adec ma Mowab. 45Jowok i Iye Abarim to joketho kambi i Dibongad. 46Jowok i Dibongad to joketho kambi i Almon Diblathayim. 47Jowok i Almon Diblathayim to joketho kambi i gote ma Abarim, cegin gi Nebo. 48Jowok i gote ma Abarim to joketho kambi i kam'obipere ma Mowab cegin gi Yordan i Yeriko 49Joketho kambi cegin gi Yordan wok i Bethyesimoth tundo kiri Abel Sitim i kam'obipere ma Mowab.
Or ma mako Kanan
50Rwoth oluwo gi Musa i kam'obipere ma Mowab i thengi Yordan i Yeriko ka waco ni: 51“Luw gi Joisiraili, iwaci rijo ni, ka wiŋado Yordan donjo i lowo ma Kanan, 52wiripo riemo woko ji je ma jobedo i lowo no ruwaŋ win, reyo woko cal pajo je ma telin kodi ma nyweny kodi kalamo pajo je manyakafir. 53Wiripo mako lowo no to wibed'iye, kwoŋbedo atieko miyo win lunjo. 54#Kwan 26:54-56Wiripo poko lowo gigoyo kwir cungo kwoŋ nonin mewin. Nonin madongo jolalimo lim madwoŋ, aka nonin mathindho jolalimo lim mathin. Lim labedo apa nono ma kwir opodhi kwoŋe, cungo kwoŋ nonin pa kwarere mewin. 55To ka wikiriemo woko ji ma jobedo i lowo no ruwaŋ win, jono ma winowey jo jolalokere riwin cowirok i waŋ win kodi kudhin i ŋeti win. Jolabedo riwin teko i lowo ma wikidho bed'iye. 56Kenyo alatimo riwin paka aparo timo rijo.”
נבחרו כעת:
Kwan 33: DHOPE
הדגשה
העתק
השווה
שתפו
רוצים לשמור את ההדגשות שלכם בכל המכשירים שלכם? הירשמו או היכנסו
Dhopadhola DC Bible © Bible Society of Uganda, 2018.