1 Yoane 1
1
Ekĩnywa kyʼengebe
1Tukabasakira omwatsi wʼEkĩnywa kyʼengebe, ekitula erĩtsũka erĩmbere. Twabĩrĩowakyo, kandi twabirilangirakyo omo meso wetu. Inga, twabirilola kukyo, kandi ebyala byetu byabĩrĩtũla kukyo. 2Nʼengebe eyo moyaminyikala, netu twabirilola kuyo nʼeribya balangĩrĩ bayo, kandi tũkabatũlĩra engebe yʼerikota, eyabya haguma na Tata nʼerĩmĩnyĩkalĩbwa ũkwʼĩtwe. 3Tũkabatũlĩra nibya ekyo twalangira nʼekyo towa, neryo mutoke eribya buguma netu; kandi Obuguma bwetu buli haguma na Tata, nʼomugala wuwe Yesu Kristo. 4Tukasaka emyatsi eyĩ, obutseme bwetu bũhĩkane.
Nyamuhanga ni kyakakala
5Omwatsi ogo twabĩrĩowa uku Mugala wuwe nʼerĩbatũlĩrago goyũ: tuti, Nyamuhanga ni kyakakala, kandi sihali omwĩrĩmya nʼahake omwisi wuwe. 6Twamabũga tuti tukasakana naye, itunemulendera omo mwĩrĩmya, tukabiha, isitulikwama ekwenene omo migendere yetu. 7Nĩkwa emibere yetu yamabya yʼekyakakala ngoko Kristo ali omo kyakakala, tukabya haguma omo buguma, nʼomusasi wa Yesu Omugala wa Nyamuhanga akatweraya kwʼebibi byosĩ. 8Twamabũga tuti situwite kibi, tukayiteba, nʼomwatsi wʼekwenene siali netu. 9Nĩkwa twamakangya kwenene, ebibi byetu, Nyamuhanga sialiregula, kandi akakola ekitunganene. Asyatubuyira ebibi byetu nʼerĩtwerya kwʼekitatunganene kyetu kyosĩ. 10Twamabũga tuti sitwetakola kibi, itukayira Nyamuhanga mo mũbehĩ, nʼekĩnywa kiwe isikiri ũmwʼĩtwe.
נבחרו כעת:
1 Yoane 1: KB80
הדגשה
העתק
השווה
שתפו
רוצים לשמור את ההדגשות שלכם בכל המכשירים שלכם? הירשמו או היכנסו
Bible in Kinandi © Bible Society of the Democratic Republic of Congo, and Bible Society of Uganda, 1980.