פסוקים פופולריים מ- ГӀакъилал рагӀаби 19

שתפו

Инсанасул рекӀелъе гӀемераб пикру-хиял рещтӀунеб, амма БетӀергьанас хъвараб гурони лъугьунареб.

Мискинасе кьураб садакъа ккола БетӀергьанасухъе налъуе кьураб гӀарац, гьабураб лъикӀлъи Гьес бецӀичӀого толаро.

Инсанасул гӀакълуялъ гьесулъ сабру цӀикӀкӀинабула, гӀайиб-хатӀаялда тӀаса лъугьиналъ гьев машгьурлъизавула.

Малъаралъухъ гӀенекке, насихӀатги гӀадахъ босе, дудаго гӀакълу щвезе.

БетӀергьанасукьа хӀинкъулес гӀумру цӀунула, гӀорцӀунги вукӀуна гьев, квешлъиги хъатӀуларо гьесда.

Живго вокьулес гӀакълу тӀалаб гьабила, гӀакъилго-цӀодорго хьвадарасе битӀ ккела.

КӀудияв гӀелалде гьабе васасе гӀадлу, – гӀадада хвезе гурин гьев.

Гьересиго нугӀлъи гьабурав чи тамихӀалдаса ворчӀуларо, мекъаб-тӀекъаб рагӀи бицунев чиги паналъула.