פסוקים פופולריים מ- ГӀакъилал рагӀаби 20

שתפו

«Дуца гьабураб квешлъи дица бецӀила», – ян абуге, БетӀергьанасде тӀамун те, Гьес кумек гьабила дуе.

БетӀергьанасул амру гьечӀого гали бахъуларо инсанас. Кинха гьесда лъалеб жиндирго нухалъ гьев киве вачуневали.

БетӀергьанас инсанасул рухӀ чирахъалъ гӀадин гвангъизабула, гьесул рекӀел тӀиналда бугелъулги хӀалбихьула.

Инсанасул рекӀел ният-къасд – гъваридаб ралъад, цӀодорав чиясда гьелъул тӀину батула.

МацӀихъанас божилъи хвезабула; кӀалгӀемерилгун гӀахьаллъиги гьабуге.

ДагӀба-къецалдаса цӀунун чӀеялъ инсанасул къадру борхула, амма цониги гӀабдаласда кӀоларо жиндирго квелъ къан вукӀине.

Муъминчи хӀалаллъиялда хьвадула, гьардарал гурищ гьесдасан лъугьарал лъимал.