פסוקים פופולריים מ- ГӀакъилал рагӀаби 18

שתפו

МацӀалца чиги чӀвала, чӀаголъизеги гьавула, гӀемерго кӀалъалесда лъазе ккола гьеб.

БетӀергьанасул цӀар – щулияб хъала; муъминчи гьениве векерула, гьесие щибниги хӀинкъи букӀунаро.

Гьудулин абунщинав чи гьудул вукӀунаро, амма цо-цо гьудул вукӀуна вацасдасаги лъикӀав.

Лъади щварасе – лъикӀлъи щола, БетӀергьанасул баркатги щола.

Бицун бахъиналдего дандиясе жаваб кьолев чи гӀабдаллъун рикӀкӀуна, гӀантлъи сабаблъун хӀакъирлъиги тӀаде бачӀуна гьесде.

БичӀчӀизе-лъазе гуро гӀабдаласе бокьулеб, гьесие бокьула рекӀелъ бугеб пикру загьир гьабизе.

Паналъилалде цебе инсанасул ракӀ кӀодолъула, машгьурлъилалде цебе гьесул хӀалимлъи-хӀеренлъи цӀикӀкӀуна.