1 YOANE 2
2
Kristo Aluahani Hohoi
1Aduri hoŋ, egiorok ni erre huna jihatai jio, ŋadi itai iyyauna. Buo elle iyyau obo, owon atulo alla attana 'to Monye te eram hohoi; inyi Yesu Kristo labisani. 2Ara Kristo a hikoi onno ohohinierek eyyata hohoi; obiaŋara eyyata hohoi hama, ati eyyau tulo 'daŋ ta fau.
3Elle eniŋio efahita Hollum, itahutak ania luŋa jio emijak inyi. 4Elle ejio jio, emijak inyi buo emesio efahita honyi, era agesomok; obeŋ buo fe obo nelahode jihohoi. 5Buo elle egottiere ekiana honyi, ottuba adi luŋa abuaran atajia hohoi Hollum. Ariŋ ania enne eremihiniere imijaniere jiojio, enoso iko Hollum. 6Elle ejio jio, enoso iko Hollum, ijiara ti luŋa emanya ihuo ninyia amanyari Yesu Kristo.
Efahi Aŋejuk
7 #
Yoa 13:34
Illarak iko haniyarak hoŋ, abeŋ ni egiorok jihatai obo efahi aŋejuk; ati efahi amaruani, ninyia owon 'to ikatai many tetteri. Efahi amuarani ania, inyi asayyo hunyia itayiruna itai. 8Ati, hode, ara efahi enne egiorok ni ana jihatai aŋejuk. Nyio, aleyo nelahode honyi jio Kristo iko jihatai. Tania, alilitoro edumele, awon afaŋan ahode hode. 9Elle ejio jio, ewon ifaŋan, buo eliwari aati hullomuk, hèrasa luŋa idumele. 10Elle etabuor atajia jio aati hullomuk, emanya ifaŋan. Obeŋ obo ariŋ jihohoi onno oremik 'to iyaŋuno eyyau jio obo atulo#2:10 obo atulo : kuyya isi.. 11Ati, elle eliwari illarak iko haniyarak hohoi, ewon idumele buo fe edaha idumele, ebeŋ emijak efuo ajia; nyio, itaŋodo edumele hohoi.
12Egiorok ni jihatai, aduri hoŋ, nyio, ahohinie eyyata hatai te eram Kristo. 13Egiorok ni jihatai monyie, nyio, imijana itai lia, linyia owon 'to many tetteri. Egiorok ni jihatai nyarhalu, nyio, igalihina itai Olorroho.
14Egiorok ni jihatai aduri hoŋ, nyio, imijana itai Monye. Egiorok ni jihatai monyie, nyio, imijana itai lia, linyia owon 'to many tetteri. Egiorok ni jihatai nyarhalu, nyio, iwanata itai iko agolon; owon ekiana Hollum itajia hatai, igalihina buo fe itai Olorroho.
15Hèmunoti afau ana kuyya erre hunno owoni 'to ifau dini. Elle imunoti itai afau ana, obeŋi atajia hatai obuori Monye. 16Erre 'daŋ hutta fau…ewahiti huan, erre hunne igonyuni aati ette iwahan, iko erre 'daŋ huttono afau ana hunne itadararik aati…obeŋi isi 'daŋ ofuonni jio Monye, ati ofuonni isi 'daŋ jio afau ana. 17Iliaha atuhoro afau ana iko erre honyi 'daŋ hunna awahi aati; ati amanya adi 'tulaŋ atulo elle ihanio 'to erre hunna awak Hollum.
Amiottononi Kristo
18Aduri hoŋ, iliaha esidi fau! Itaniŋuna nyia itai jio ottu adi amiottononi olo Kristo. Ihuania, aleye amiorok Kristo arriai, tania, emijak tibuo jio iliaha esidi fau. 19Obeŋi nyiadi hode aati hulia arai a hulohoi; inyi onno ofuarik isi addi jihohoi. Ara nyia anna arai isi a hulohoi, arasai duo fe isi ikohoi. Ati, afuoi isi addi jio, oŋida bati omijani jio, obeŋi nyia isi luŋa arai a hulohoi. 20Ati isiarak nyia Kristo jihatai Loholio Olibo, ania, imijaniette itai nelahode. 21Egiorok ni jihatai, obiaŋara jio itimoti itai nelahode; ati ta amijana hatai inyi. Imijana itai jio, obeŋ agesemi ottutta jio nelahode. 22Ŋai ti ologesem? Inyi atulo ollo ojio 'to jio, obeŋ Yesu ara Olonyimoto. Inyi alia, alla ara 'to amiottononi Kristo. Iha inyi Monye iko Lonyi 'daŋ. 23Nyio, atulo elle iha 'to Lonyi, iha buo fe Monye; buo atulo elle iruk 'to Lonyi, iruk buo fe Monye. 24Ogottiette luŋa itajia hatai asayyo hunyia itaniŋuna itai tetteri. Elle igottiette itai asayyo hunia, tania, iduloro adi itai enoso jio Lonyi iko Monye. 25Nesu onno osio 'to 'tulaŋ, inyi ariŋ ninyia ocorok Kristo jio, esiarak adi inyi jihohoi.
26Egiorok ni erre hunia jihatai, te eram ono aati hulla awahi 'to inyobio itai. 27Ati odulo Oloholio ninyia isiarak Kristo iwanan jihatai. Ibiaŋata itai inyiahata iwahan obo atulo ittiyenio itai, nyio, ittiyenio Oloholio ania itai erre 'daŋ. Arai erre hunne ittiyenio inyi hode, obeŋi isi arai enyobita. Oniŋiete ettiyenio ono Oloholio, oduloro buo fe enoso iko Kristo.
28Ihuania, aduri hoŋ, oduloro enoso ikonyi jio, alla aleyo inyi, oŋida bati ewon iko agolon tajia. Hèlaha ariri oŋiye hohoi to hosiere honyi jio Noloŋ onno ottuniere inyi. 29Imijana itai jio obis Kristo; omijana buo fe luŋa jio, atulo 'daŋ elle ihanio 'to erre abisak, ara a hito Hollum.
હાલમાં પસંદ કરેલ:
1 YOANE 2: EA2003
હાઇલાઇટ
નકલ કરો
તુલના કરો
શેર કરો
શું તમે તમારા બધા ઉપકરણો પર તમારા હાઇલાઇટ્સ સાચવવા માંગો છો? સાઇન અપ અથવા સાઇન ઇન કરો
© The Bible Society in South Sudan 2003