1 YOANE 1
1
Nekiana ono Nesu
1 #
Yoa 1:1
Egiorok hohoi jihatai eram ono Ekiana enne iyaŋuno 'to Nesu. Owon nyia Ekiana ania many tetteri. Etaniŋu nyia inyi, egonyu to oŋite hohoi. Hode, egonyu nyia inyi, buo fe ettir ta ahas. 2#Yoa 1:14Ninyia italeyehini nesu ania jihohoi, egonyu nyia hohoi inyi; ania, erari hohoi asuuti honyi. Ihuania eramak hohoi jihatai eram ono nesu ania, onno osio 'to 'tulaŋ, ninyia owon 'to iko Monye, ette italeyehina jihohoi. 3Ariŋ ninyia egonyu hohoi buo fe etayiru, inyi enne eramak hohoi ania jihatai jio, oŋida itai ittubaniete ikohoi arabotie jio enoso hohoi iko Monye buo Lonyi honyi, Yesu Kristo. 4Egiorok hohoi erre hunia jio, oŋida bati luŋa amuno ifut jihohoi#1:4 jihohoi : igioroni omuk egierita jio, jihatai..
Hollum, inyi Afaŋan
5Ihuania, asayyo hunyia etaniŋu hohoi jio Lonyi honyi, hunyia eramak hohoi jihatai, isi huna: Hollum, inyi afaŋan. Obeŋ edumele jihonyi 'tuŋ. 6Elle ejio jio, enoso iko Hollum, buo emanya idumele, era agesomok; ebeŋ emanya te elahode. 7Buo elle emanya ifaŋan ihuo inyi, owon buo fe enoso ihiji hohoi; buo nooto Yesu, Lonyi honyi, ette italibo hohoi jio eyyau 'daŋ. 8Elle ejio jio, ebeŋ ewon iko eyyau, enyobio ahuattek hohoi; obeŋ buo fe elahode jihohoi. 9Buo elle eruhok eyyau hohoi ihosiere Hollum, ogottiere adi inyi ecorit honyi, ette ihan ariŋ onno obis. Ohohi adi inyi eyyau hohoi, ette italibo hohoi jio epalita hohoi 'daŋ. 10Elle ejio jio, hèbeŋ eyyau, etagesemio fe Hollum, buo fe ekiana honyi obeŋ jihohoi.
હાલમાં પસંદ કરેલ:
1 YOANE 1: EA2003
હાઇલાઇટ
નકલ કરો
તુલના કરો
શેર કરો
શું તમે તમારા બધા ઉપકરણો પર તમારા હાઇલાઇટ્સ સાચવવા માંગો છો? સાઇન અપ અથવા સાઇન ઇન કરો
© The Bible Society in South Sudan 2003