1 YOANE 3
3
Aduri Hollum
1 #
Yoa 1:12
Ike imijata, aŋai itabuorio Monye ataji honyi jihohoi! Obolo abuaran taji honyi bebe many iloŋorik hohoi aduri Hollum. Hode, era aduri honyi. Inyi ania, eram onno otimorik aati afau ana hohoi, nyio, otimoi isi Hollum. 2Illarak iko haniyarak hoŋ, era ihuania aduri Hollum; ati hobeŋ ihum leyo efuo adi irahan aŋai. Ati emijak jio, alla aleyo Kristo, efuonni adi irahan ihuo inyi; nyio, efuo adi igonyuna ahuan honyi luŋa, luŋa. 3Tania, atulo 'daŋ elle iyihi 'to jihonyi, ogottiere adi inyi alibori huan honyi ihuo onno oliborori Kristo.
4Lia, elle iyyau 'to, omesio inyi efahita Hollum nyio, ara eyyau amesio ono efahita. 5#Yoa 1:19Imijana itai jio, ottu nyia Kristo iyari eyyata#3:5eyyata : igioroni omuk egierita jio, eyyata hohoi. addi, nyio, obeŋ eyyau jihonyi 'tuŋ. 6Tania, obeŋ atulo alla amanya 'to te enoso iko Kristo odulo eyyautta; buo ollo odulo 'to eyyautta, obeŋ igonyu Kristo buo fe obeŋ omijak inyi.
7Aduri hoŋ, hèlaha obo atulo inyob itai! Lia, elle ihanio 'to erre abisak, obis inyi ihuo onno obisari Kristo. 8Lia, ollo odulo 'to eyyautta, ara inyi a holo Sittan, nyio, iyyau nyia Sittan many tetteri fau. Inyi eram ania ninyia ottuniere Lonyi Hollum, itatturiere ehanita huno Sittan 'daŋ.
9Obeŋ bunyi atulo alla ara 'to a hito Hollum odulo eyyautta, nyio, owon nesu ono Hollum jihonyi. Ta arahan Hollum Monyonyi, ittallik inyi iduloro eyyautta. 10Eremik iheruna aduri Hollum jio hulo Sittan te eram ana: hia, hullo obeŋi 'to ihanie onno obis kuyya obeŋ abuaran taji owon ihiji hosi, obeŋi isi arai aduri Hollum.
Ijiara Abuaran Tajia Owon Ihiji Hatai
11 #
Yoa 13:34
Asayyo huna hunyia itaniŋuna itai many tetteri jio: ijiara luŋa abuaran taji hatawana ihiji hohoi. 12#Etterita 4:8Hèlaha luŋa era ihuo Kaino. Ara nyia Kaino a holo Olorroho, ette ittohoro illanyi, Abele. Nyio nyia ti ottoho inyi illanyi? Ottoho nyia inyi illanyi nyio, ipali nyia ehanita honyi, buo huno illanyi obisi.
13Tania, illarak iko haniyarak hoŋ, hèllillihati alla aliwarik aati hutta fau itai. 14#Yoa 5:24Te etabuorio tajia hohoi jio aati hullomuk, emijak jio, ediehuno naye, efuonni jio nesu. Buo lia, ollo obeŋ 'to itabuor ataji honyi jio aati hullomuk, harasa inyi imanya igolon ono naye. 15Lia, ollo oliwari 'to aati hullomuk, ara inyi a hattohoni. Imijana buo fe itai jio, obeŋ attohoni owon iko nesu onno osio 'to 'tulaŋ. 16Emijak anyio abuaran taji nyio, iruk nyia Kristo naye te eram hohoi. Tania, ijiara buo fe luŋa eye te eram aati hullomuk. 17Aŋai attadi oremehini aati asamak, hulle igonyuni 'to elociaŋ illarak iko haniyarak hosi, jiaran jio, obuori atajia hosi Hollum, buo obeŋi igigilo tesi? 18Aduri hoŋ, hèlaha abuaran tajia hohoi ara eram hutuk ijiai. Ijiara luŋa hétara hode buo fe oleyo te ehanita hohoi.
Agolon Taji to Hosiere Hollum
19Ekoi ania enne emijaniere jio, era a hulo nelahode; inyi buo fe enne etoŋori ta allalla ihosiere Hollum. 20Buo alla aŋotoni atajia hohoi epali jihohoi, emijak jio obolo Hollum agalik atajia hohoi, buo fe omijak erre 'daŋ. 21Illarak iko haniyarak hoŋ, alla abeŋi atajia hohoi oŋotoni epali jihohoi, egol adi to hosiere Hollum. 22Efuotu erre 'daŋ hunne emojo jihonyi, nyio, eniŋio efahita honyi, buo fe ehanio erre hunno omuno inyi. 23#Yoa 13:34; 15:12, 17Awak inyi oŋida luŋa eruk jio Yesu Kristo, Lonyi honyi, buo fe oŋida luŋa abuaran taji owon ihiji hohoi, ihuo iramak nyia Kristo hohoi. 24Hia 'daŋ, hullo oniŋie 'to efahita Hollum, amanyai adi isi te enoso ikonyi; odulo adi buo fe inyi enoso ikosi. Tania, to Oloholio ninyia isiarak Hollum jihohoi, emijak jio enoso iko Hollum.
હાલમાં પસંદ કરેલ:
1 YOANE 3: EA2003
હાઇલાઇટ
નકલ કરો
તુલના કરો
શેર કરો
શું તમે તમારા બધા ઉપકરણો પર તમારા હાઇલાઇટ્સ સાચવવા માંગો છો? સાઇન અપ અથવા સાઇન ઇન કરો
© The Bible Society in South Sudan 2003