Matayo 27
IBBAIB63
27
Judase mbwaakalijaya
(Incito 1:16-19)
1 # Mk 15:1; Lk 22:66; Joh 18:28 Nibwakaca boonse bapaizi basimutwe abapati babantu bakavwiya Jesu kuti bamujaye. 2#Lk 23:1; Joh 18:31,32Nkabela bakamwaanga, bamutola akumwaaba mumaanza aa-Pilato mweendelezi.
3 # Inc 1:18-19; Mt 26:15 Lino Judase sikumwaaba naakabona kuti wapegwa mulandu, wakeempwa, wakaakuboozya mali aansiliva aali makumi otatwe kubapaizi basimutwe abapati, 4waamba wati, Ndabisya! ndaaba muntu uutakwe mulandu, Balo bakaamba bati, Makaninzi kulindiswe? Makani aako omwini! 5#Inc 1:18; 2 Sam 17:23Mpawo wakawaala insiliva muntempele, elyo wakainka, waakulisina. 6#Mk 12:41Nkabela bapaizi basimutwe bakabweza insiliva, baamba bati, Taciluleme kwiibika muciyobolelo, nkaambo ngumuulo wamalowa. 7Bamane kubuzyanya, bakauzya muunda wamubumbi kuti ube mavwiko aabeenzu. 8#Inc 1:19Nciceeco muunda oyo nciwategwa muunda wamalowa kusikila sunu. 9#Zek 11:12-13; Jer 32:6-9Mpawo cakacitwa eco cakaambwa a-Jeremiya musinsimi cakuti,
Lino ndakabweza mali aansiliva aali makumi otatwe,
Muulo wamuule oyo ngubakauzya bamwi bana ba-Israyeli,
10Ndakaula muunda wamubumbi, mbwaakandilailila Mwami.
Jesu mbwaakabetekwa kwa-Pilato
(Marko 15:1-20; Luka 23:1-25; Johane 18:28–19:16)
11 # Mk 15:2-5; Lk 23:2,3; Joh 18:29-38 Lino Jesu wakaima kubusyu bwamweendelezi, nkabela mweendelezi wakamubuzya kuti, Sa nduwe mwami waba-Juda? Lino Jesu wakamwaambila wati, Waamba. 12#Mt 26:63; Is 53:7Nkabela naakali kutaminwa kubapaizi basimutwe abapati, takwakavuwa ijwi niliba lyomwe. 13Mpawo Pilato wakamwaambila wati, Sa tomvwi mbubakubika twaambo tunji? 14#Joh 19:9Pele teewakamuvwiila niliba ijwi lyomwe pe, nciceeco ncaakagamba loko. 15#Mk 15:6-15; Lk 23:13-25; Joh 18:39–19:1Lino kupobwe mweendelezi wakalizibilide kwaangunwida bantu umwi mwaange ngubayanda. 16Nkabela kuciindi eco kabajisi umwi mwaange wakali ampuwo, izina lyakwe kali Baraba, 17Nkaambo kaako ciindi ncibakabungene Pilato wabaambila wati, Ino nguli ngumuyanda kuti mwaangunwide? Sa ngu-Baraba nanka Jesu uutegwa Kristo? 18#Joh 11:47,48; 12:19Ikuti wakalizi kuti nkaambo kabbivwe ncibakamwaabide. 19Nkabela naakakede acuuno calubeteko, mwanakazi wakwe wakamutumina, wati, Kutabi makani kulinduwe akumuntu oyo mululami, nkaambo sunu ndapenzegwa loko muciloto nkaambo kanguwe. 20Nokubaboobo bapaizi basimutwe abapati bakakombelezya makamu aabantu kuti bakumbile Baraba, pele Jesu bamuvwinyaune. 21Lino mweendelezi wakavuwa, wabaambila wati, Ino nguli akati kabaaba bobile ngumuyanda kuti mwaangunwide? Nkabela bakaamba bati, Ngu-Baraba. 22Pilato wabaambila wati, Anu nkamucitilenzi, oyu Jesu uutegwa Kristo? Boonse baamba bati, Abambulwe aciingano. 23Wakati, Ma! ncibinzi ncaakacita? Pele bakaindilizya kuongolola bati, Abambulwe aciingano. 24#Dt 21:6-9Lino Pilato naakabona kuti takonzyi kucita cintu, pele kwaba lupyopyongano buyo, wakabweza maanzi, wasamba kumaanza aakwe kumeso aabantu boonse, waamba wati, Nsikwe mulandu kubulowa bwamuntu oyu mululami, makani aanu nywebo. 25#Inc 5:28Nkabela bantu boonse bakavuwa, bati, Bulowa bwakwe abube kulindiswe akubana besu. 26Mpawo wakabaangunwida Baraba, pele Jesu wakamukwipaula akumwaaba kuti abambulwe aciingano.
Jesu mbwaakajayigwa aciingano
(Marko 15:16-41; Luka 23:26-49; Johane 19:17-37)
27 # Mk 15:16-19; Joh 19:2,3 Lino basinkondo bamwami bakanjizya Jesu mu-Booma, akubunganya impi yoonse. 28Mpawo bakamusamununa akumusamika ijansi lisalalisya. 29Alimwi bakaluka musini wamamvwa, bakamuzambaila kumutwe akubika itete mujanza lyalulyo lwakwe. Mpawo bukafugama kubusyu bwakwe, bamuwela, baamba bati, Mwabonwa, numwami waba-Juda! 30#Is 50:6Nkabela bakamuswida mate, elyo bakabweza itete akumuumya ndilyo amutwe, 31#Mk 15:20-41; Lk 23:26,33-49; Joh 19:16-30Bamane buyo kumuwela, bakamusamununa ijansi, bamusamika zikobela zyakwe mwini, bamutola kuyoomubambula aciingano.
32Lino nibakali kuzwa, bakajana muntu mu-Kurene, uwakategwa Simoni, oyo bakamusungilizya kuti ayumune ciingano cakwe. 33Nkabela nibakasika kubusena butegwa Golgota (nkukwaamba kuti, Busena bwacanza), 34#Int 69:22bakamunywisya waini uuvwelene andulwe, elyo naakalabila wakakaka kunywa. 35#Int 22:19Lino nibakamana kumubambula aciingano, bakawaala cisolo cakwaabana zyakusama zyakwe, 36Mpawo bakakala nkukonya, bakali kumulangilizya. 37Nkabela kujulu amutwe wakwe bakabika lugwalo lwamulandu wakwe lulembedwe kuti, Ngooyu Jesu mwami waba-Juda. 38#Is 53:12Lino kwakabambulwa anguwe bafumpi bobile, umwi kululyo lwakwe, umwi kucimwensi cakwe. 39#Int 22:8; 109:25Nkabela abo ibakali kwiinda munzila bakali kumusampaula akugunaguna mitwe yabo, 40#Mt 26:61; Joh 2:19baamba bati, Uwe uukonzya kuvwinyauna intempele akwiiyakulula mumazuba otatwe, lifutule! Kuti koli Mwana a-Leza, seluka kuzwa kuciingano. 41Mbubonya obo mbubakali kumuwela abalo bapaizi basimutwe antoomwe abalembi bapati, kuti, 42Wakafutula bamwi, anukuti takonzyi kulifutula mwini. Ngu-Mwami waba-Israyeli, aseluke lino kuzwa kuciingano kuti tukamuzuminine. 43#Int 22:9Wakasyoma Leza. Lino amufutule, kuti kamuyanda. Nkaambo wakati, Ndime Mwana a-Leza. 44Abalo bafumpi mbaakabambulwa abo bakali kumusampaula mbubonya.
45Lino kuzwa kuciindi casikati kusikila nilyaungaunga, kwakaba mudima anyika yoonse. 46#Int 22:2Nkabela nilyaungaunga, Jesu wakoongolola ajwi ipati, waamba wati, Eli, Eli, lama sabaktani, nkukwaamba kuti, Leza wangu, Leza wangu, wandisiilanzi? 47Nibakamvwa obo, bamwi ibakaimvwi oko bakaamba bati, Muntu oyu ulaita Eliya. 48#Int 69:22Mpawo umwi akati kabo wakazuza, wabweza insinsa, waizuzya waini uulula, waibika atete akumunywisya. 49Abamwi bakaamba bati, Muleke, tubone na ulaboola Eliya kuzoomufutula. 50Nkabela Jesu wakoongolola lwabili ajwi ipati, elyo wakafwa. 51#Kul 26:31-33; Heb 10:19,20Lino mpawo cisitilizyo camuntempele cakadeluka kujulu akusikila ansi. Alimwi nyika yakazungaana, ayalo myala yakaanduka. 52Atubanda twakavunuka, nkabela mibili minji yabasale ibakali kuona yakabuka, 53#Inc 26:23; Dan 12:2yazwa mutubanda musule lyabubuke bwakwe, yanjila mumunzi mulemu, akubonekela bantu banji. 54Lino silutwe ambaakali abo mukulangilizya Jesu, nibakabona muzuzumo wanyika aamwi makani, bakayoowa loko, baamba bati, Ncobeni oyu muntu kali Mwana a-Leza. 55#Lk 8:2-3Nkabela kakuli banakazi banji, bakali kweebelezezya kulekule, mbabonya bakatobela Jesu kuzwa ku-Galilaya amukukutaukila. 56#Mt 20:20Akati kabo kakuli Maliya mu-Magdala, a-Mariya banyina Jakobo a-Jose, abanyina bana ba-Zebedayo.
Jesu mbwaakazikwa
(Marko 15:42-47; Luka 23:50-56; Johane 19:38-42)
57 # Mk 15:42-47; Lk 23:50-55; Joh 19:38-42 # Kul 34:25 Lino nikwakaba kumazuba, kwakasika muntu muvubi uuzwa ku-Aremateya, izina lyakwe kali Josefa, alakwe kali sikwiiya wa-Jesu. 58Oyu muntu wakaya kuli-Pilato, wakumbila mubili wa-Jesu. Mpawo Pilato wakalailila kuti apegwe. 59Lino Josefa wakabweza mubili, wauvunga mumulembo uutuba uusalala, 60#Is 53:9akuulazika mukabanda kakwe kapya nkaakafokola mumwala, Nkabela wakakunkulizya ibbwe ipati kumulyango wakabanda, elyo wainka. 61Nkabela nkukonya kakuli Maliya mu-Magdala a-Mariya oyo umwi, bakakede kukabanda.
62Nibwakaca buzuba butobela bwakulibamba bapaizi basimutwe abaFarisi bakabungana kwa-Pilato, 63#Mt 16:21; 27:40; 12:40; 17:23; 20:19; Mk 8:31; 9:31; 10:33-34; Lk 9:22; 18:31-33baamba bati, Mwami twaibulukwa kuti oyo mubeji naakacili kupona wakaamba kuti, Aakumana mazuba otatwe njoobuka. 64Nkaambo kaako lailila kuti kabanda kajatisigwe mane kusikila kubuzuba bwatatu, nkaambo basikwiiya bakwe inga balasika kuzoomubba akwaambila bantu kuti wabuka kubafu, elyo lweeno lusyaalizi lulabija kwiinda lutaanzi. 65Pilato wakabaambila wati, Mulijisi balindizi, Kamuya, mujatisye mbuli mbumukonzya. 66#Dan 6:17Mpawo bakainka, bajatisya kabanda kukusinkilizya ibbwe akubika balindizi.