Luka 23
IBBAIB63
23
Jesu mbwaakabetekwa Pilato a-Heroda
(Matayo 27:1,2,11-31; Marko 15:1-20; Johane 18:28–19:16)
1 # Mt 27:2,11-31; Mk 15:1-20; Joh 18:28–19:16 # Lk 20:25 Ndilyonya bakanyamuka boonse babuleya bamutola kuli-Pilato. 2Batalika kumubika kaambo, baamba kuti, Twakamujana oyu ulenga­ wida cisi cesu, ukasya kupa Kaisara mutelo, uamba kuti, Ndime Kristo Mwami. 3#1 Tim 6:13Pilato wakamubuzya wakati, Nduwe Mwami waba-Juda na? Wakavuwa kuti, Waamba, 4Pilato wakaambila bapaizi bapati amakamu aabantu kuti, Nsijene kaambo kulooyu muntu, 5Pele balo bakaambisisya bakati, Ukopa bantu, uiisya mucisi coonse ca-Judaya, kutalikila ku-Galilaya mane kusikila akokuno. 6Kwalo Pilato naakamvwa obo, wakabuzya kuti, Sena oyu muntu mu-Galilaya? 7#Lk 3:1Eno naakaziba kuti ngwabwami bwaHeroda, wakamutumina kuli-Heroda, uwakali ku-Jerusalemu kuciindi eco.
8 # Lk 9:9 Heroda naakamubona Jesu wakabotelwa kwiindilila nkaambo ciindi cilamfu wali kuyanda kumubona mbwaakamumvwide, alimwi wali kusyoma kuti uzoobona zitondezyo izicitwa nguwe. 9Wakamubuzya majwi manjimanji, pele taakwe naakamuvuwa cintu. 10Abapaizi bapati abalembi bakaima, bamutikizya mulandu eenguzu. 11Heroda abasilumamba bakwe bakamunyansya, bamusabwida, bamusamika cakusama ceebeka, bamubweedezya kuli-Pilato, 12Kuliboobo buzuba Pilato a-Heroda bakayanzana, nkaambo lutaanzi bakalisulene.
13Eno Pilato wakayobola bapaizi bapati abeendelezi abantu, 14wabaambila kuti, Mwandiletela muntu oyu mwati ulengawida bantu, eno mebo mbwendamubuzya kubusyu bwanu, nsimubwene kaambo kulaayo makani ngomutikizya, 15awalo Heroda takamujene mulandu pe, mbwaakamuboozya kulindiswe. Eno amuswiilile, taakwe ncaakacita iceelede lufu, 16nkaako ndiyoomuuma akumwaangununa. 17Nkaambo wakeelede kubaangunwida umwi kupobwe. 18Anukuti bakoompolola antoomwe bati, Azwe oyo muntu, utwaangunwide Baraba, 19Walo wakabikidwe muntolongo nkaambo kalupyopyongano ulwakabusigwa mumunzi akaambo kakujaya. 20Nkabela Pilato mbwaali kuyanda kumwaangununa Jesu, waindulula kwaamba kulimbabo, 21pele boompolola kuti, Mubambule, mubambule. 22Elyo wakabaambila alwatatu wakati, Nkaambonzi ino? Ncibinzi ncaakacita? Mebo nsimujene mulandu uuelede lufu pe, nkaako ndiyoomuuma akumwaangununa, 23Pele bakajatisya koompololesya kuti, Abambulwe. Nkabela majwi aabo akazunda. 24Pilato wakakosola kuti kucitwe mbuli mbobakakumbila. 25Wakabaangunwida oyo ngobakakumbila, uwakabikidwe muntolongo nkaambo kalupyopyongano akujaya, pele Jesu wakamwaaba kukuyanda kwabo.
Jesu mbwaakainka ku-Golgota
26 # Mt 27:32; Mk 15:21 Nobakacili kumutola bakajata umwi uwali kutegwa Simoni wakuKurene, uwali kuzwa kumatungu, bamutwika ciingano, kuti aciyumune munsi lya-Jesu.
27Eno kwakali kumucilila nkamu mpati yabantu abakaintu abakali kuza bulila akumuusila, 28Jesu wakabacebukila wakati, Nobakaintu bakuJerusalemu, mutandilili mebo, amulilile nobeni abana banu. 29#Lk 21:23Nkaambo alasika mazuba ngobazooamba mulingao kuti, Bali acoolwe abatazyali, amada aatakatumbuka, enkolo izyatakanyonkwa. 30#Hos 10:8; Ciy 6:16; 9:6Ndilyonya bayootalika kwaambila malundu kuti, Amutuwide, akutulundu kuti, Amutuvumbe. 31#1 Pet 4:17Kuti bacita obo kucisamu citete, ino kuyoocitwa buti kulicakayuma.
32Kwakali abamwi bobile, abakabisya, abakatolwa awe kuyoojayigwa.
Jesu mbwaakabambulwa aciingano
(Matayo 27:33-56; Marko 15:21-41; Johane 19:17-37)
33 # Mt 27:33-56; Mk 15:22-41; Joh 19:17-30 Nobakasika mpawo abusena ubutegwa Kaanza, bakamubambula awo abaabo abakabisya, umwi kululyo, umwi kulumwesi. 34#Int 22:18; Mt 5:44; Is 53:12Elyo Jesu wakaamba kuti, Taata, ubajatile, nkaambo tabezi ncobacita. Eno bakaabana zyakusama zyakwe kukuwaala cisolo. 35#Int 22:7Abantu bakaliimvwi, balalangilila. Abalo beendelezi bakamuseka bati, Wakafutula bamwi, alifutule mwini anooli Kristo wa-Leza, musale wakwe. 36#Int 69:21Abalo basilumamba bakamusabwida, baboola kulinguwe, bamutambika waini uulula, 37bati, Wanooli Mwami waba-Juda, lifutule. 38Alimwi kwakali lugwalo ulwakalembwa atala lyakwe muci-Helene, amuci-Roma, amuci-Hebrayo lwakuti, oyu ngoMwami waba-Juda.
39Umwi kulibaabo abakabisya, abakabambulwa, wakamutukana kuti, Sena nduwe Kristo? Lifutule omwini aswebo, 40Pele umwi wakavuwa wamutapatila, wati, Sena a-Leza tomuyoowi yebo ooumwa mbubonya? 41Alimwi swebo ncobeni kuliluleme nkaambo twatambula iceelede milimo yesu, pele walo taakwe naabisya cintu. 42#Mt 16:28Elyo wakati kuli-Jesu, Ukandiyeeye, Mwami, waakusika mubwami bwako. 43Jesu wakati kulinguwe, Ncobeni ndakwaambila kuti, Sunu tunooli ayebo mu-Paradaiso.
44 # Am 8:9 Eno cati kabe ciindi caamutwe esikati, nkabela kwakaba mudima ansi oonse mane kusikila kumazuba. 45#Kul 26:31-33; 36:35; Am 9:1Izuba lyakasia, alimwi cisitilizyo camuntempele cakaanduka akati. 46#Int 31:5; Inc 7:59Jesu wakoompolola ejwi pati lyakuti, Taata, nduupeda muuya wangu mumaanza aako. Ucimana buyo kwaamba obo wafwa. 47Silumamba naakabona icakacitwa, wakalumbaizya Leza wakati, Nkasimpe oyu mwaalumi waliluleme. 48Amakamu oonse aabantu aakayobolokede kuzoolangilila, nobakabona izyakacitwa bakabweeda, baya bulyuumauma azyamba zyabo. 49#Lk 8:2-3; Int 38:11; 88:8Boonse abakali kumuzi, abakaintu abakamusindikila kuzwa ku-Galilaya, bakaliimvwi kulekule balalangilila zintu ezyo.
Jesu mbwaakazikwa
(Matayo 27:57-66; Marko 15:42-47; Johane 19:38-42)
50 # Mt 27:57-61; Mk 15:42-47; Joh 19:38-42 Eno kwakali muntu uwali kutegwa Josefa, mubetesi, mubotu, uululeme, 51#Lk 2:25,38(walo takazuminide ukukanza akucita kwabo). Wakali waku-Aremateya, munzi waba-Juda, wakali kulindilila bwami bwa-Leza. 52Walo wakainka kuli-Pilato kuyookumbila mutunta wa-Jesu. 53Wakuuangula wuuvunga mucisila cituba, wuubika mucuumbwe icakabezedwe mukati kabbwe pati, momwatakalinazikwa muntu. 54Bwakali buzuba bwakulibamba, abuzuba bwa-Sabata bwakali afwaafwi kuca. 55Abalo bakaintu abakamusindikila kuzwa ku-Galilaya bakacilila, bazoobona cuumbwe akubikwa kwamutunta wakwe. 56#Kul 12:16; 20:10; Dt 5:14; Lev 23:8Nkabela bakabweeda, baakubamba tununkilizyo amafuta. Elyo bakalyokezya buzuba bwa-Sabata mbuli mulazyo.