Intembauzyo 147
147
1Amutembaule Jehova!
Nkaambo ncibotu kwiimbila Leza wesu,
Nkaambo ngusiluzyalo, ulatembaulika.
2 #
Dt 30:3; Is 27:13; Jer 32:37; Ezk 36:24 Jehova ulayaka Jerusalemu;
Ulayobolola batandidwe ba-Israyeli.
3 #
Is 61:1; Lk 4:18 Ulaponya batyokedemyoyo,
Ulaanga zilonda zyabo,
4 #
Matl 15:5; Is 40:26 Ulabala mweelwe wanyenyeezi;
Ulaziita zyoonse kumazina aazyo.
5 #
1 Mak 16:25; Nah 1:3 Mwami wesu mupati, ngusinguzu loko;
Busongo bwakwe tabubaliki.
6 #
Int 146:8
Jehova ulasumpula babombumyoyo,
Pele basizibi ulabalyataula ansi,
7 #
Ef 5:20
Amwiimbile Jehova cakulumba;
Amutembaule Leza wesu akantimbwa.
8 #
Job 38:20
Nguuvumba ijulu amayoba,
Nguubambila nyika imvula,
Nguumeneka bwizu azilundu.
9 #
Job 38:41; Mt 6:26; Lk 12:24 Ulaabila banyama zilyo zyabo,
Abana babacikwangala nebalila.
10 #
Hos 1:7
Tabotelwi inguzu zyabbiza lyankondo,
Tayandi maulu aamuntu.
11Jehova ulabotelwa kulibaabo bamulemeka,
Kulibaabo basyoma luzyalo lwakwe.
12Tembaula Jehova, O Jerusalemu;
Tembaula Leza wako, O Zioni.
13Nkaambo wayumya minkulu yazitendele zyako;
Walongezya bana bako mukati kako.
14Ulapa luumuno mucisi cako;
Ulakukutya bulotwe bubotu.
15 #
Job 37:12
Ula tuma makani aakwe ansi,
Ijwi lyakwe lilacijaana aluno.
16Ulapa caandwa cituba mbuli lukobo,
Ulamwaya caandwa mbuli itwe,
17Ulasisya civulamabwe cakwe mbuli minsuma.
Ngwani uukonzya kwiima kumpeyo yakwe?
18Ula tuma ijwi lyakwe, ulazyeenzununa.
Ulaungya muuwo wakwe, lino maanzi alakunka.
19 #
Dt 33:4; Mal 4:4; Rom 3:2 Ulakananina Jakobo ijwi lyakwe,
Aba-Israyeli imbeta zyakwe amilazyo yakwe.
20 #
Dt 4:32; Inc 14:16; Rom 3:1-2 Taakwe cisi cimbi ncaakacitila obo pe.
Tabezi imbeta zyakwe,
Amutembaule Jehova.
Sélection en cours:
Intembauzyo 147: Ibbaib63
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
The Bible in Tonga (Zambia) © United Bible Societies, 1963.