Intembauzyo 145
145
Intembauzyo ya-Davida
1Njookutembaula, O Leza Mwami wangu;
Njoolumba izina lyako lyoonse alyoonse.
2Mazuba oonse njookulumba;
Njootembaula izina lyako lyoonse alyoonse.
3Jehova mupati, uleelede kutembaulwa loko;
Bupati bwakwe tabumvwigwi.
4Izyalani limwi liyooluula milimo yako kulilimwi,
Akukanana maleele aako aagambya.
5Bulemu bupati bwa bwami bwako,
Amilimo yako iigambya, zyoonse nooziyeeya.
6Bantu bayookanana inguzu zyancito zyako ziyoosya;
Ambebo njooluula bupati bwako.
7Bayookankaizya impuwo yabubotu bwako bupati;
Bayooimbila bululami bwako cakukondwa.
8 #
Kul 34:6; My 14:18; Int 86:5,15; 57:10; Malo 3:22,23; Joh 1:17 Jehova ngusibuuya, ngusiluzyalo;
Ulamuka kukalala, ulizwide luse.
9 #
Int 100:5; Nah 1:7; Mt 5:45; Inc 14:17 Jehova mubotu kuliboonse;
Luzyalo lwakwe lulimwaikide kuzilenge zyakwe zyoonse.
10 #
Int 19:1
Milimo yako iyookulumba, O Jehova;
Basalali bako bayookulongezya.
11Bayooluula bulemu bwabwami bwako;
Bayookanana inguzu zyako;
12Kuti bazibye bana ba-Adamu maleele aakwe,
Abulemu bwabupati bwabwami bwakwe.
13Bwami bwako mbwami buteeli;
Bweendelezi bwako mbwamazyalani amazyalani,
Jehova ulasyomeka mumilimo yakwe yoonse,
Ngusiluzyalo mukucita kwakwe koonse,
14Jehova ulatabilila boonse bawa,
Ulabusya boonse bawizuka,
15Meso aaboonse alalangilila nduwe;
Ulabapa zilyo zyabo kuciindi ceelede.
16Ulafumbatula ijanza lyako,
Ulakutya kusukama kwabaumi boonse.
17Jehova uliluleme munzila zyakwe zyoonse,
Ulasalala mumilimo yakwe yoonse.
18 #
Int 91:1; Is 61:10; Joh 14:23; Jak 4:8; 1 Joh 2:24; Jud 1:23; Ciy 3:20; Joh 4:24 Jehova uli kufwaafwi kuliboonse bamwiita,
Boonse bamwiita calusinizyo.
19 #
1 Joh 5:14
Bamuyoowa, ulabacitila mbobayanda;
Ulaswiilila cililo cabo akubafutula.
20 #
1 Pet 1:5
Jehova ulabamba boonse bamuyandisya,
Pele basizibi boonse ulabanyonyoona,
21Mulomo wangu ulaamba intembauzyo zya-Jehova;
Bantu boonse balumbe izina lyakwe lisalala lyoonse alyoonse.
Sélection en cours:
Intembauzyo 145: Ibbaib63
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
The Bible in Tonga (Zambia) © United Bible Societies, 1963.