Matayo 24
24
Jesu mbwaakasinsima makani aaciindi ciza
1 #
Mk 13:1-37; Lk 21:5-36 Lino Jesu naakazwa muntempele wakaamba kwiinka, nkabela basikwiiya bakwe bakeza kuzoomutondezya mayake aantempele, 2#Lk 19:44Elyo wakabavwiila, wakati, Sa tamuboni zintu ezi zyoonse? Ncobeni ndamwaambila kuti takukoozoosyaala okuno ibbwe niliba lyomwe atala alyeenzinyina litakoozoowaalwa ansi.
3Nkabela naakakede acilundu ca-Elaioni basikwiiya bakamuzida kumbali, bakati, Utwaambile, ino makani aya azooba lili? alimwi ncinzi cizooba citondezyo cakuboola kwako acamamanino aaciindi? 4Lino Jesu wakabavwiila, wakati, Amucenjele kuti muntu atamweeni. 5#Mt 24:24; Joh 5:43; Inc 5:36,37; 1 Joh 2:18Nkaambo kuzoosika banji kuzina lyangu, bati, Ndime Kristo, nkabela bazooena banji. 6#Dan 2:28Alimwi mulamvwa inkondo ampuwo zyankondo. Amulange, mutayoowi. Nkaambo makani aya aleelede kuba, pele mamanino taana kusika. 7#Is 19:2; 2 Mak 15:6Nkaambo cisi cizoolwana acisinyina, abwami buzoolwana abwaminyina. Alimwi kuzooba inzala amizuzumo yanyika mumasena aansininsini. 8Zintu ezi zyoonse ngimasaangunino aamapenzi. 9#Mt 10:17,22; Joh 16:2Lino bazoomwaabila mapenzi akumujaya. Nkabela muzoosulwa kumisyobo yoonse nkaambo kazina lyangu. 10#Dan 11:41Lino banji bazoofumpuzigwa, bazooabana akusulana. 11#Mt 7:15; 1 Joh 4:1Alimwi kuzooba basinsimi babeji banji, bazooena banji. 12#2 Tes 2:10; 2 Tim 3:1-5Nkabela nkaambo kakuvula kwamilandu bantu banji bazooya buleka luyandisyo lwabo. 13#Mt 10:22; Ciy 13:10Pele oyo uuliyumya kusikila kumamanino uzoofutuka. 14#Mt 28:19; 10:18Nkabela aya Makani Mabotu aa-Bwami azookambaukwa munyika yoonse kuti abe citondezyo kumisyobo yoonse. Elyo mamanino azoosika.
15 #
Dan 9:27; 11:31; 12:11 Lino nimuzoobona cisesemyo cabusaale cakaambwa a-Daniele musinsimi ciimvwi mubusena busalala (oyo uubala amvwisye), 16elyo abo bali mu-Judaya baloboke kuzilundu. 17#Lk 17:31Alakwe oyo uuli atala alululi ataseluki kuti agwisye cintu cili muŋanda. 18Alakwe oyo uuli mumuunda atabooli kuzootola cikobela cakwe. 19Lino kumazuba ayo maawe kulibaabo bamisi abanyonsya. 20#Inc 1:12Amukombe kuti lucijo lwanu lutabi kuciindi campewo nimuba mu-Sabata. 21#Dan 12:1; Ciy 7:14; Joel 2:2Nkaambo kuciindi eco kuzooba mapenzi mapati aatana kubonwa kuzwa kumalengelo aanyika kusikila sunu, alimwi takoozooba limbi aali boobu pe, 22Nkabela mazuba ayo naatakafwiinsigwa nikwatazooba muntu naba umwi wali kunoozoofutulwa, pele mazuba ayoofwiinsigwa nkaambo kabasale. 23Lino kuciindi eco, kuti muntu umwi aumwi akamwaambile kuti, Amulange, ngooyu Kristo! antela, Ngooyo! mutazumini. 24#Mt 5:11; Dt 13:1-3; 2 Tes 2:8,9Nkaambo kuzooba bakristo babeji abasinsimi babeji, bazootondezya zitondezyo zipati amalele, kuti kwakukonzeka bakeene abalo basale. 25Amulange, ndamwaambila kale. 26#Lk 17:23-24Nkaambo kaako, kuti bakamwaambile kuti, Amulange, mwali munkanda! mutainki, antela, Amulange, mwali muzimpetu! mutakazumini. 27Nkaambo mbuli lulabo luzwa kujwe akusikila kumbo, mbubonya obo mbukuzooba kuboola kwa-Mwana a-Muntu. 28#Job 39:30; Hab 1:8; Lk 17:37Nkuubede mutunta, nkukonya oko nkubayoobungana basikube.
29 #
Is 13:10; 34:4; Ezk 32:7; Joel 2:10; 3:4; Ciy 6:12-13; 2 Pet 3:10 Ndilyonya musule lyamapenzi aamazuba ayo, izuba liyoosizigwa, awalo mweezi uyooleka kupa mumuni wawo, azyalo inyenyeezi ziyooloka kuzwa kujulu, nkabela inguzu zyakujulu ziyoozunganisigwa. 30#Dan 7:13; Zek 12:10-14; Ciy 1:7; 19:11; Mt 26:64Lino kuyooboneka citondezyo ca-Mwana a-Muntu kujulu, mpawo misyobo yoonse yaansi iyoolila, nkabela bayoobona Mwana a-Muntu uuboola amayoba aakujulu anguzu abulemu bupati. 31#1 Kor 15:52; 1 Tes 4:16; Ciy 8:1,2; Is 27:13; Zek 2:6; Dt 30:4Lino uyootuma baangelo bakwe amweembo, nkabela bayoobunganya basale bakwe kuzwa kumabazu one, kuzwa kumpela yomwe yakujulu kusikila kuliimwi.
32Lino amuliiye cikozyano camukuyu. Mutabi nuucili mutete akusyuuka indelema, mulizi kuti mainza ali afwiifwi. 33Mbubonya obo anywebo nimuyoobona zintu ezi zyoonse, amukazibe kuti uli afwiifwi nikuba kumilyango. 34Ncobeni ndamwaambila kuti izyalani elino talikooyoomana mane zintu ezi zyoonse zizoobe. 35#Mt 5:18Ijulu anyika ziyooloba zyoonse, pele majwi aangu taakonzyi kuloba pe. 36#1 Tes 5:1,2Pele taakwe muntu naba umwi uuzi buzuba obo nanka ciindi, nibaba baangelo bakujulu naba Mwana, pele Taata luzutu nguuzi. 37#Matl 6:5-8; Lk 17:26,27Nkabela kuboola kwa-Mwana a-Muntu kuyooba mbuli kumazuba aa-Nowa, 38#2 Pet 3:5,6; Matl 7:7Nkaambo kumazuba ayo maanzi naatakalina kupaya bakali kulya akunywa, bakali kukwata akukwatizigwa, kusikila kubuzuba obo mbwaakanjila mubwaato Nowa, 39#Matl 7:6-24nkabela teebakezi mane kupaya kwamaanzi kwakasika akubatola. Mbubonya obo mbukuzooba kuboola kwa-Mwana a-Muntu. 40#Lk 17:35,36Lino kuzooba bantu bobile mumuunda, umwi uzootolwa, umwi uzoosyaala. 41Kuzooba banakazi bobile baziya aziyo, umwi uzootolwa, umwi uzoosyaala. 42#Mt 25:13Nkaambo kaako amulangile, nkaambo tamuzi buzuba mbwazoosika mwami wanu. 43#Lk 12:39-40Mulasinizya kuti mwiniŋanda naakaakuzi ciindi ncati sike mubbi, naakali kulindila, naatakazumina kuti iŋanda yakwe itululwe. 44#Ciy 16:15Mbubonya obo anywebo amulibambe, nkaambo kuciindi ncimutezi nciconya ncazoosika Mwana a-Muntu. 45Nguni muzike musyomesi uucenjede ngwaakakazika mwami wakwe kuti abe mwami wabo basiŋanda bakwe, abaabile zilyo zyabo kuciindi ceelede. 46Uli acoolwe muzike oyo, mwami wakwe asika, ngwazoojana ulacita obo. 47#Mt 25:21,23Ncobeni ndamwaambila kuti uzoomukazika kuti abe mupati wazintu zyoonse nzyajisi. 48#Muk 8:11Pele kuti oyo muzike mubi ulaamba mumoyo wakwe kuti, Mwami wangu wamuka, 49nkabela ulasaanguna kuuma bazikenyina akulya akunywa aabo bakolwi, 50lino mwami wamuzike oyo uzoosika mubuzuba mbwatalangili akuciindi ncatezi, 51#Mt 8:12nkabela uzoomugonka akumwaabila mbuli mbubaabilwa basikuupaupa ameso. Oko kuyooba kulila akuluma ntwino.
Sélection en cours:
Matayo 24: Ibbaib63
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
The Bible in Tonga (Zambia) © United Bible Societies, 1963.