Johane 10
10
Sikweembela mubotu
1Ncobeni ndamwaambila kasimpe, oyo uutanjilili kucilyango cacaanda cambelele, pele watantila kumbi, ngonguwe mufumpi amubbi. 2Pele uunjilila kucilyango ngosikweembela mbelele. 3Uulindila cilyango ulamujulila, embelele zilamvwa ijwi lyakwe, alimwi ulaziita mbelele zyakwe amazina aazyo, ulazitola anze, 4Amana kugwisya zyakwe zyoonse, ulazisolwedela, azyalo mbelele zilamucilila, nkaambo zililizi ijwi lyakwe. 5#Joh 10:27Umweenzu tazimucilili, pele zilamutija, nkaambo tazilizi ijwi lyabeenzu. 6#Joh 16:25Jesu wakabaambila kalabi aka, pele tabakamvwide makani ngaakali kwaamba kulimbabo.
7 #
Int 118:20; Joh 14:6; Mt 7:13,14 Nkaambo kaako Jesu wakabaambila alimwi kuti, Ncobeni ndamwaambila kasimpe, Ndime cilyango cambelele. 8#Jer 23:1,2Abo boonse abakasika nkentanasika mbabbi abafumpi, pele imbelele tazikabamvwide. 9#Int 118:20; Joh 14:6; 1 Kor 3:15Ndime cilyango, mulindime muntu woonse uunjila, ulafutuka, ulanjila akuzwa, ulajana macelelo. 10Mubbi uzida buyo kubba akujaya akunyonyauna, mebo ndazida kuti babe abuumi, akuti buvule. 11#Int 23:1; Lk 15:4-7Ndime sikweembela mubotu, sikweembela mubotu ulatulila mbelele buumi bwakwe. 12#Is 40:11; Ezk 34:11-23; 37:24; Joh 15:13; Mt 10:16; Inc 20:29; Tit 1:11; 1 Pet 5:2,3Oyo uubbadelwa mali, uutali ngomukamwini mbelele, imbelele tazili zyakwe, abona umpe uleza, ulasia mbelele, ulatija, mpoonya umpe ulaziluma akuzimwaisya, 13nkaambo ubbadelwa buyo, taakwe makani ambelele. 14#2 Tim 2:19Ndime sikweembela mubotu, ndilizizi zyangu, azyalo zyangu zilindizi, 15#Mt 11:27; Lk 10:22Mbubonya Taata mbwandizi, amebo ndilimuzi Taata, ndatulila mbelele buumi bwangu, 16#Ezk 37:24; 34:23; Joh 11:52; 1 Pet 2:25; Ef 4:5Alimwi ndijisi mbelele zimwi izitali zyacaanda cino. Azyalo ndyeelede kuzileta, ziyoolimvwa ijwi lyangu, ziyooba itanga lyomwe asikweembela omwe, 17#Flp 2:8,9Taata ncandiyandila, nkaambo nditula buumi bwangu, kuti nkabubweze alimwi. 18#Joh 5:26; 19:11Takukwe uundinyanga mbubo, pele ndabutula ndemwini, Ndijisi bwami bwakubutula, alimwi ndijisi bwami bwakububweza, Ngomulao ngwendakatambula kuli-Taata,
19 #
Joh 7:43; 9:16 Kwakaba kwaanzaana alimwi akati kaba-Juda nkaambo kamajwi aya. 20#Joh 7:20; 8:48; Mk 3:21Abanjibanji bambabo bakati, Ujisi daimona, ulisondokede, Nkaambonzi ncomumuswiilila? 21Bamwi bakati, Oku takuli kwaamba kwamuntu uuli adaimona. Sena daimona ulakonzya kubonya meso aamoofu?
22Kwakali ipobwe lyakusalazya ntempele ku-Jerusalemu, akali mapeyo 23#Inc 3:11; 5:12Eno Jesu wakali kweendeenda muntempele, mukota lya-Solomoni. 24#Lk 22:67Nkaambo kaako ba-Juda bakamubunganina, bakamwaambila kuti, Ino ulaleka lili kutubikilila? Anooli nduwe Kristo, twaambile antangalala. 25#Joh 4:26; 5:36; 9:37Jesu wakabavuwa kuti, Ndakamwaambila, pele tamusyomi. Milimo njencita muzina lya-Taata, njiindilungulula. 26#Joh 6:64; 8:45Pele nywebo tamusyomi, nkaambo tamuli mbelele zyangu, 27#Joh 8:47; 10:3,4Imbelele zyangu zilamvwa ijwi lyangu, ndilizizi, zilandicilila. 28#Joh 5:28; 6:39; 17:12; 18:9Ndazipa buumi ubutamani, tazikooyoofwa limbi, takukwe uuyoozikwempa mujanza lyangu. 29Taata uwakandipa nzizyo, mupati kwiinda boonse, takukwe uukonzya kuzikwempa mujanza lya-Taata. 30Mebo a-Taata tuli umwi. 31#Joh 8:59Ba-Juda bakabweza mabwe alimwi kuti bamufuse. 32Jesu wakabavuwa kuti, Ndakamutondezya milimo minjiminji mibotu iizwa kuli-Taata, ino kai nguli mulimo enaawa ngomundifusila mabwe? 33#Lev 24:16; Joh 5:18; Mt 26:65Ba-Juda bakamuvuwa kuti, Kumulimo mubotu tatukufusi mabwe pe, pele nkaambo kakusanka, akuti yebo, mboli muntu, ulipa kaLezaleza. 34#Int 82:6Jesu wakabavuwa wakati, Sena takulembedwe mumulao wanu kuti, Ndati, Muli baleza? 35#Mt 5:17,18Na ubaamba kuti mbaleza abo mbolyakazida ijwi lya-Leza (nkaambo Magwalo takonzya kususigwa), 36#Joh 5:17-20sena mwaamba oyo ngwaakasalazya Taata, akumutuma ansi kuti, Wasanka yebo, nkaambo ndati ndi Mwana a-Leza? 37Kuti nsiciti milimo ya-Taata, mutandisyomi. 38Pele kuti ndiicita, nomutandisyomi mebo, amusyome milimo, kuti muzibe akumvwa kuti Taata uli mulindime, amebo ndi muli-Taata. 39#Joh 8:59; Lk 4:30Bakakanza alimwi kumujata, pele wakazwa mumaanza aabo.
40 #
Joh 1:28
Nkabela wakainka alimwi kutala lya-Jordano nkwaakali kubapatizya Johane kusaanguna, wakaakukala nkuko. 41Banjibanji bakeza kulinguwe bakati, Ncobeni Johane takacitide citondezyo, anu zyoonse zintu zyamuntu oyu nzyaakali kwaamba Johane zyakali zyakasimpe. 42#Joh 8:30Eno oko banjibanji bakasyoma nguwe.
Sélection en cours:
Johane 10: Ibbaib63
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
The Bible in Tonga (Zambia) © United Bible Societies, 1963.