Hebrayo 3
3
Kristo Mupati kwiinda Musa
1 #
Heb 4:14
Nkaambo kaako, nobakwesu basalala, nomusalilwa bukalilo kujulu, kamuyeeya Jesu Apostolo a-Mupaizi Mupati waluzumino lwesu. 2#My 12:7Walo wakali kusyomekede kulooyo uwakamusala, mbubonya awalo Musa mbwaakali kusyomekede muŋanda ya-Leza yoonse. 3Walo Jesu uleelede bulemu kwiinda Musa, mbubonya mbwajana bulemu muntu uwakayaka ŋanda kwiinda ŋanda njaakayaka, 4Anu maanda oonse alijisi bakaayaka, pele Leza walo ngowakayaka zintu zyoonse.
5 #
My 12:7
Musa ncobeni wakalisyomekede muŋanda yoonse ya-Leza, mbubonya mbuli mulanda, kukulungululwa kwamakani aakayubululwa munsi, 6#Ef 2:19; Kol 1:23anu walo Kristo ulisyomekede mbuli Mwana muzyale muŋanda ya-Leza. Ndiswe ŋanda eyo ya-Leza kuti twajatisya, akuya kumamanino, kulitakata kwesu akulindila kwesu nkotulumbaizya.
Bacenjezegwa kuti batabi bayumu myoyo
7 #
Int 95:7-11
Mboobo, mbubonya mbwaamba Muuya Uusalala kuti,
Kuti mwalimvwa ijwi lyakwe sunu, buno buzuba,
8 #
Kul 17:7; My 20:2-5 Mutanooyumya myoyo yanu, mbuli muciindi cakusumunwa,
Mubuzuba bwakusunkwa munkanda,
9Bamauso nkobakandisunka akundisoleka,
Alimwi bakabona milimo njendakamana kumyaaka iili makumi one,
10Boobo ncendakabijilwa kumukowa oyo,
Ndakati, Lyoonse mbasweesi mumyoyo yabo,
Pele tabakwe nobakaziba nzila zyangu.
11 #
My 14:21-23
Ncendakakonka mukunyema kwangu, kuti,
Tabakooyoonjila mukulyokezya kwangu pe.
12Nobakwesu, amulangisye kuti kulindinywe kutabi muntu uuba amoyo mubi wakulimbulula, uumusowa kuzwa kuli-Leza muumi,
13 #
1 Tes 5:11
Kwalo kamunga kamusungilizyanya mazuba oonse, mbuli mbobucili Buno Buzuba, kuti kutabi umwi akati kanu uuyumya moyo kukucengwa cibi. 14#Heb 6:11; 11:1Nkaambo kakuti twaba beenzinyina Kristo, kuti kusyoma kwesu nkotwakali kujisi kumatalikilo katujatisya mane do kumagolelo, 15#Int 95:7-8Kwalo tulamvwa aya lyoonse kwategwa,
Kuti mwalimvwa ijwi lyakwe sunu, buno buzuba,
Mutanooyumya myoyo yanu, mbuli muciindi cakusumunwa.
16 #
My 14:1-35; Kul 17:1 Ino balo abo abakamvwa akusumuna mbaani? Sena embo abo boonse abakazwa mu-Egepita abakagwisigwa Musa? 17#My 14:29; 1 Kor 10:10Alimwi mbaani abo abaamukalazya Leza kumyaaka iili makumi one? Sena embo abo abakacita cibi abali amitunta iyakaalabana munkanda? 18#My 14:22,23Alimwi sena takuli kulibaabo abakali kuunduluzya, nkwaakakonka kuti tabakooyoonjila mukulyokezya kwakwe? 19Eno twabona kuti bakakakilwa kunjila mukulyokezya nkaambo kakutasyoma.
Sélection en cours:
Hebrayo 3: Ibbaib63
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
The Bible in Tonga (Zambia) © United Bible Societies, 1963.