Matalikilo 31
31
Jakobo mbwaakapiluka kunyika yakwabo
1 #
Job 5:2; 31:31; Int 57:4; Rom 13:13; Tit 3:3; Jak 3:8; Int 49:16 Lino wakamvwa majwi aabana ba-Labani aakuti, Jakobo watola zyoonse izyakali zyatateesu. Mumbono zyatateesu mwaalijanina buvubi obu boonse. 2#Matl 4:5; Dt 28:54Alimwi Jakobo wakabona kuti Labani tacimulangi kabotu mbuli muciindi cakamana. 3#Matl 28:15; 32:9Elyo Jehova wakaambila Jakobo kuti, Piluka kunyika yabamauso akunzubo zyako, Njooba ayebo. 4Mpawo Jakobo wakatumina Rakele a-Leya mulazyo wakubaita musokwe mwaakali kweembelela. 5#Matl 21:22; Is 41:10; Heb 13:5Nkabela wakabaambila kuti, Ndabubona busyu bwausowanu, Tabucindilangi kabotu mbuli mumazuba aakamana. Pele Leza wabamataata wali andime. 6#Matl 30:29Anywebo mulizi kuti ndabelekela usowanu milimo anguzu zyangu zyoonse, 7#Matl 15:1; 20:6; Job 22:25; Int 5:11; 7:10; Tus 30:5pele usowanu wandeena, wasandulasandula zyakuvola zyangu ziindi zili ikumi. Nekubaboobo Leza taakwe naakamuzuminina kundibisizya. 8#Matl 30:32Amba kuti, Zyabusaasa nzeziyooba zyakuvola zyako, —lino imbelele zyoonse zyakazyala zyabusaasa, Aamba kuti, Zyamyambo nzeziyooba zyakuvola zyako-lino imbelele zyoonse zyakazyala zyamyambo. 9#Matl 31:16Aboobo Leza wanyanzya matanga aausowanu, wapa ndime. 10Lino kuciindi cakuminta cambelele ndakatambya meso aangu, ndabona makani muciloto, ndabona kuti boonse basijembwe balimba ambelele bali abusaasa amyambo amabala mabala. 11#Matl 48:16Elyo angelo waJehova wakandaambila muciloto, wati, Jakobo. Ndakati, Mpondi. 12#Kul 3:7; Dt 24:15; Int 12:5; Ef 6:9Wakati, Tambya meso aako, ubone basijembwe bali mba ambelele. Boonse bali abusaasa amyambo amabala mabala, nkaambo ndibwene zyoonse Labani nzyakucitila. 13#Matl 28:18-22; 32:9Ndime Leza wa-Beteli, nkukonya oko nkowakananika malende, nkowakandikonkela cikonke. Nyampuka, uzwe munyika ino, upiluke kunyika yabuzyalwe bwako. 14#Matl 2:24Mpawo Rakele a-Leya bakavuwa kuti, Sa tucijisi caabilo na lukono kuŋanda yatateesu? 15#Bab 17:5; 1 Sam 19:13; Ezk 21:21; Hos 3:4Sa tatuli mbuli beenzu buyo mumeso aakwe? Nkaambo watuulisya, alimwi wamana kulya muulo wesu. 16Nkaambo imbono zyoonse Leza nzyaakanyanzya wiseesu, nzizyesu abana besu, Mbubo, kocita mbubonya mbuli Leza mbwaakwaambila.
17Elyo Jakobo wakanyamuka, watantika bana bakwe abanakazi bakwe ankamele. 18Nkabela wakabinga matanga aakwe, banyama boonse mbaakavubide, matanga oonse ngaakajana ku-Padanaramu, kuti ainke kuliwisi Izaka munyika ya-Kanana. 19#Matl 35:2Lino Labani katawo, kainkide kuku gela imbelele zyakwe, nkabela Rakele wakabba zimpangaliko zyawisi. 20Jakobo wakeena Labani mu-Aramu, nkaambo taakwe naakamulwiida kuti ulacija. 21#Matl 46:28; 2 Bam 12:17; Lk 9:51Wakacija aboonse mbaakajisi, wazubuka mulonga, watozya kucilundu ca-Gileadi.
22Lino buzuba bwatatu nibwakaca, Labani wakalwiidwa kuti, Jakobo waloboka. 23#Matl 13:8Amvwe obo, wakatola bazyalwanyina, wamutobela, weenda musinzo wamazuba aali musanu aabili, wamujana kucilundu ca-Gileadi. 24#Matl 20:3; Job 33:15; Mt 1:20; Matl 24:50Pele Leza wakasikila Labani mu-Aramu muciloto camasiku, wamwaambila kuti, Cenjela! Utaambili Jakobo cintu niciba comwe, niciba cibotu niciba cibi.
25Aboobo Labani wakeenzya Jakobo. Nkabela Jakobo kayakide cilao cakwe kucilundu, Alakwe Labani abazyalwanyina kayakide cilao cakwe mucilundu ca-Gileadi. 26#1 Sam 30:2Mpawo Labani wakaambila Jakobo kuti, Wacitanzi? Wandeena, watolelela bana bangu basimbi mbubonya mbuli basibuzike bwapanga. 27Ino nkaambonzi wacija kumbali? Nkaambonzi wanyweleleka? Nkaambonzi tokwe nondaambila, elyo nindakakonzya kukuleka cakusekelela anyimbo, cakulizya nyeele akantimbwa? 28#Rut 1:9; 1 Bam 19:20; Inc 20:37; 1 Sam 13:13; 2 Mak 16:9Nkaambonzi tokwe nowandizumizya kumyonta bana bangu balombe abasimbi akubalaya? Ncobeni wacita cabufubafuba. 29#Matl 28:13; Int 5:11; 84:11; 115:9Ndakali anguzu zyakukucitila bubi, Pele Leza wabamauso wakandaambila jilo masiku, wati, Cenjela kuti utaambili Jakobo cintu niciba comwe, niciba cibi niciba cibotu. 30#Matl 31:19; Jos 24:2; Bab 18:24; Inc 19:26Lino kuya, waya nkaambo kakuti moyo wako kuusukeme iŋanda yauso. Pele nkaambonzi nowabba baleza bangu? 31Mpawo Jakobo wakavwiila Labani kuti, Ndakali kuyoowa, nkaambo ndakali kuyeeya kuti ulandinyanzya bana bako basimbi kuti ntainki abo. 32#Matl 44:9Lino baleza bako, kufumbwa uubajisi ncobeni takooyoopona. Okuno kumeso aabakwesu lingula, ubone na imbono zyako nkuzili kulindiswe, uzitole. (Nkaambo Jakobo katazi kuti Rakele kababbide),
33 #
Matl 44:9
Mpawo Labani wakanjila mucilao ca-Jakobo, amucilao ca-Leya, amuzilao zyabalanda bobile basimbi, pele takwakazijana pe, Lino naakazwa mucilao ca-Leya wakanjila mucilao ca-Rakele. 34Nkabela Rakele kabwezede zimpangaliko, wazibika mucikalilo cankamele, wakala alincico, Lino Labani wakaampaampa moonse mucilao, pele taakwe ncaakajana nee! 35#Kul 20:12; Lev 19:32; Ef 6:1Nkabela wakaambila wisi kuti, Kutabiji mu meso aasimalelaangu kuti nsikonzyi kunyampuka kubusyu bwako, nkaambo ciindi cakutondwa cili kulindime. Aboobo wakayandaula koonse koonse pele takwakajana zimpangaliko pe.
36 #
Ef 4:26
Mpawo bukali bwa-Jakobo bwakabuka, nkabela wakakazyanya a-Labani, Jakobo wakaambila Labani kuti, Ino mulandunzi ngundabisya? Nkaambonzi nowanditobela obo cabukali. 37#1 Sam 12:3; 1 Kor 6:5Waampaampa muzintu zyangu zyoonse, Ncinzi ncowajana cazintu zyako? Kocileta, ucibike ano kumeso aabakwesu boonse, kuti batubeteke toonse tobile. 38Bona! Myaka iili makumi obile ndakakala kulinduwe. Imbelele zyako ampongo zyako tazikwe nizyakasowa, alimwi bagutu bamatanga aako nsikwe nindakabalya. 39#Kul 22:10,12Kufumbwa cintu icakalumwa banyama bamusokwe, nsikwe nindakacileta kulinduwe pe, wakali mulandu wangu; kujanza lyangu nkowakaciyandawida, niciba cakabbigwa isikati niciba cakabbigwa masiku. 40Mbombede. Inkasaalo yakali kundikola isikati, ampeyo masiku, nkabela ŋonzi zyakacija kumeso aangu. 41#Matl 29:27; 31:7Myaka iili makumi obile ndakali kulinduwe. Ndakakubelekela milimo myaka iili ikumi aine kuti nkwate bana bako basimbi bobile, amyaka iili musanu aumwi ndakabelekela imbelele zyako, pele zyakuvola zyangu wakazisandula-sandula ziindi zili ikumi. 42#Int 124:1; Is 8:13; Kul 3:7; 1 Mak 12:17Leza wa taata, Leza wa-Abrahamu a-Mulemu wa-Izaka, natakali ambebo, ncobeni nowakandi tanda acinkwamaanza. Pele Leza wakubona mapenzi aangu amilimo yamaanza aangu, aboobo wakakutapatila jilo masiku.
43Mpawo Labani wakavwiila Jakobo kuti, Bana basimbi mbana bangu, bana balombe mbana bangu, imbelele nimbelele zyangu, azyoonse nzobona nzezyangu. Pele aba bana basimbi bangu abana mbebazyede, mbacitilenzi buzuba obuno? 44#Matl 26:28; Jos 24:27Boola, tutangane cizuminano, webo ambebo, cibe kamboni akati kesu tobile. 45#Matl 28:18Mpawo Jakobo wakabweza ibbwe, waliimikizya kuti libe malende. 46Alimwi Jakobo wakaambila banyina boonse kuti, Amubungike mabwe. Nkabela bakabweza mabwe, balundika citantaala, balya mpoonya awo acitantaala. 47Lino Labani wakacuulika izina lyaJegara-sahaduta, alakwe Jakobo wakaamba kuti ngu-Galeeda. 48#Jos 24:27Labani wakati, Eci citantaala caba kamboni akati kandime awebo buzuba obuno. Ncencico ncakacuulikila izina lya-Galeeda. 49#Bab 11:29; 1 Sam 7:5Aalo malende wakaaulika izina lya-Mizipa, nkaambo wakati, Jehova alange akati kangu ayebo netunoozooandeene. 50Na wapenzya bana bangu basimbi, nanka kukwata banakazi abamwi atala abana bangu, nekuba kuti taakwe muntu uuli aswebo, bona! Leza ngukamboni akati kesu.
51Mpawo Labani wakaambila Jakobo kuti, Bona citantaala eci amalende aya ngendabika akati kesu. 52Citantaala eci ngukamboni, aalo malende ngukamboni, wakuti mebo ncobeni nsikooyooinda kucitantaala eci kuza kulinduwe, ayebo tokooyooinda kucitantaala eci kuza kulindime, kuzoocita bubi. 53#Matl 16:5; 21:23Leza wa-Abrahamu, a-Leza wa-Nahori, Leza wawisaabo, abeteke akati kesu. Elyo Jakobo wakakonkezya muzina lya-Mulemu wa-Izaka wisi. 54Nkabela Jakobo wakatuula cipaizyo mpoonya awo acilundu, waita babunyina kuzoolya insima. Bamane kulya insima, bakoona awo acilundu.
55 #
Matl 28:1; 2 Sam 6:20 Nibwakaca, Labani wakafuma, wamyonta bana bakwe balombe abasimbi, wabalongezya, wanyamuka, wapiluka kulinguwe.
Sélection en cours:
Matalikilo 31: Ibbaib63
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
The Bible in Tonga (Zambia) © United Bible Societies, 1963.