Kulonga 19
19
Jehova mbwaakalibonya ku-Sinai
1Mumwezi watatu, bana ba-Israyeli kabazwide munyika ya-Egepita, mubuzuba obo mbubonya bakasika kunkanda ya-Sinai. 2Elyo nebakazwa ku-Refidimu bakasika kunkanda ya-Sinai, akuyaka zilao zyabo oko kunkanda. Nkabela bantu bakakala-kala kunembo lyacilundu. 3#Inc 7:38Lino Musa wakatanta nkwaakabede Leza, Jehova wakamwiita kuzwa kucilundu, wati, Mbuboobu mboelede kwaambila luzubo lwa-Jakobo akulwiida luzubo lwa-Israyeli. 4#Dt 32:11; Is 63:9; Ciy 12:14Mulibwene ncindakacitila ba-Egepita, ambundakamunyampula amababa aamusika akumuleta kulindime. 5#Dt 4:20; 7:6; 10:14; 14:2; 26:18; 32:8; 1 Bam 8:53; Int 50:12; 135:4; Tit 2:14; 1 Kor 10:26Lino ncobeni, na mwazumina kuswiilila ijwi lyangu akubamba cizuminano cangu, muyeeyandika mumeso aangu kwiinda bamasi boonse; nkaambo nyika yoonse njiyangu. 6#Ciy 1:6; 5:10; 20:6; 1 Pet 2:5,9; Lev 20:24; Dt 7:6; Is 62:12; 1 Tes 5:27Muyoondibeda cisi cabapaizi, musyobo uusalalisya. Ngaayo majwi ngoelede kwaambila bana ba-Israyeli,
7Mpawo Musa wakaakwiita bapati babantu, wabaambila majwi aya oonse Jehova ngaakamulailila. 8#Kul 24:3,7; Dt 26:17Nkabela bantu boonse bakavuwa camoyo womwe kuti, Coonse buyo Jehova ncaamba tulacicita. Elyo Musa wakapilusizya Jehova majwi aabantu. 9#Dt 4:11,12; Int 97:2; Mt 17:5; Joh 12:29Nkabela Jehova wakaambila Musa kuti, Bona! Ndeza kulindinywe mujoba idemu, kuti bantu bateelele nenambaula ayebo, kuti bakusyome lyoonse.
Lino Musa wakaambila Jehova majwi aabantu. 10#Heb 10:22; Lev 15:5Nkabela Jehova wakaambila Musa kuti, Koya kubantu, ubasalazye sunu ajunza, Basanzye zyakusama zyabo, 11#Kul 34:5; Dt 33:2balibambile buzuba bwatatu, nkaambo mubuzuba bwatatu Jehova uyooseluka acilundu ca-Sinai mumeso aabantu boonse. 12#Heb 12:18-20Lino uleelede kubikila bantu migaano koonse koonse akubaambila kuti, Amucenjele kuti mutatanti mucilundu nekuba kusika akumugaano waco. Kufumbwa uulyata acilundu ncobeni ulafwa. 13Takooyooumwa ajanza pe, uyoofuswa mabwe nanka kuyaswa mivwi. Naba munyama naba muntu, takooyoopona pe. Mweembo waakulila ciindi cilamfu, baboole kucilundu. 14Elyo Musa wakaseluka kuzwa kucilundu, wasalazya bantu; nkabela bakasanzya zyakusama zyabo. 15#1 Kor 7:5Wakaambila bantu kuti, Amulibambile buzuba bwatatu. Kutabi uuguma mwanakazi.
16 #
Ciy 4:5
Lino nebwakaca buzuba bwatatu kwakaba mizumo amalabi ajoba idemu atala acilundu, alimwi kwakamvwigwa mweembo wabukali, mane bantu boonse bamuzilao bakakankama. 17#Dt 4:10Elyo Musa wakaita bantu kuti bazwe muzilao kuzooswanaana a-Leza, nkabela bakaima munsi acilundu. 18#Bab 5:5; Int 68:7,8; 2 Mak 7:1; Matl 15:17; Ciy 15:8; Jer 4:24Lino cilundu coonse ca-Sinai cakali kuuntumuka busi, nkaambo Jehova wakaselukila mpawo mumulilo. Busi bwaco bwakali kulundumuka mbuli busi bwaceengelo, acilundu coonse cakali kukankama loko. 19#Neh 9:13; Int 81:7Lino ijwi lyamweembo nelyakali kuya bukomenesya, Musa wakatalika kwaamba, alakwe Leza wakamuvwiila akudilima. 20Jehova wakaselukila acilundu ca-Sinai atala lyacilundu, elyo Jehova wakaita Musa kuti atante atala lyacilundu, nkabela Musa wakatanta. 21#1 Sam 6:19Lino Jehova wakaambila Musa kuti, Seluka, ubacenjezye bantu, ambweni inga balalisinikizya kwaandula inzila yakuzooebela Jehova, aboobo banjibanji akati kabo balafwa. 22#Lev 10:3; 2 Sam 6:7Abalo bapaizi baswenenena kuli-Jehova abalisalazye, kuti Jehova ataboonzomokeli. 23Nkabela Musa wakaambila Jehova kuti, Bantu tabakonzyi kutanta ano acilundu ca-Sinai, pe, nkaambo wakatulailila kuti, Amubikile cilundu migaano, citondwe. 24Jehova wakamwaambila kuti, Koya, seluka, ukatante yebo a-Aroni. Pele bapaizi abantu boonse bataanduli inzila yakutanta kuli-Jehova pe, kuti ataboonzomokeli. 25Mpawo Musa wakaseluka, waakwaambila bantu.
Sélection en cours:
Kulonga 19: Ibbaib63
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
The Bible in Tonga (Zambia) © United Bible Societies, 1963.