1 Samuele 10
10
Samuele mbwaakananika Saulo kuti abe mwami waba-Israyeli
1 #
1 Sam 16:13; 2 Bam 9:3; Kul 19:6; Dt 32:9; Jer 10:16 Lino Samuele wakabweza insazi yamafuta, wakaatila kumutwe wakwe, wakamumyouta, wakaamba wati, Sa Jehova takaakutila mafuta kuti ube musolozi wabantu bakwe? 2#Matl 35:19; Jos 18:28Sunu wainka buyo kuzwa kulindime, ulajana baalumi bobile kukabanda ka-Rakele kumunyinza wacisi ca-Benjamini kuZeliza, nkabela balakwaambila kuti, Imbongolo zyajanwa kale nzowakaya kulangaula, nkabela lino bauso baleka makani aambongolo, bakatazigwa nkaambo kanu, bati, Ncite buti nkaambo kamwanaangu? 3#Jos 19:22; Bab 4:6,12; 8:18; Int 89:12; Matl 28:22; 35:1Lino kuzwa oko ulaya kunembo kusikila kumusamu mupati wa-Tabori, nkabela oko kulakujana bantu botatwe baya butanta kuŋanda ya-Leza ku-Beteli, umwi ulinyampwide tupongo totatwe, umwi ulinyampwide zinkwa zyotatwe, aumwi ulinyampwide inkomo yawaini. 4#Bab 18:15Nkabela balakujuzya, bai akupa zinkwa zyobile, nzoelede kutambula kumaanza aabo. 5#1 Sam 13:3; 9:12; Kul 15:20; 2 Bam 3:15; 1 Kor 14:1Caba ciindi ulasika kucilundu ca-Leza, oko nkubabede basinkondo baba-Filisti, nkabela wasika oko kumunzi mulaswaanana ankamu yabasinsimi bali mukuseluka kuzwa kucilundu nkabela kunembo lyabo bali akantimbwa akagoma anyeele anamalwa, lino balasinsima. 6#My 11:25; 1 Sam 16:13; 19:23; Mt 7:22Mpawo Muuya wa-Jehova ulakuselukila canguzu nkabela ayebo ulasinsima abo, ulasanduka akuba muntu umbi. 7#Kul 4:8; Matl 21:20; Dt 20:1; Bab 6:12; Mt 1:23Lino zyakusikila buyo ezi zitondezyo, ucite mbuli mbokonzya, nkaambo Leza uli ayebo. 8#1 Sam 11:14; 13:8Nkabela uleelede kundisolweda kuya ku-Giligala, ambebo nzooseluka kulinduwe kuzootuula cituuzyo akupaila zipaizyo zyakutontozya, Uleelede kulindila mazuba aali musanu aabili mane nkasike kulinduwe akukutondezya mboelede kucita. 9Lino naakacebuka kwiinka kuzwa kuliSamuele, Leza wakamusandula akumupa moyo umbi, nkabela zitondezyo ezi zyoonse zyakaba mubuzuba obo mbubonya.
Saulo akati kabasinsimi
10 #
1 Sam 19:20; Mt 7:21-23 Lino nibakasika oko kucilundu bakaswaanana ankamu yabasinsimi, nkabela Muuya wa-Leza wakamuselukila canguzu mpawo wakasinsima akati kabo. 11#Mt 13:54; Joh 7:15; Inc 4:13Lino boonse ibakamuzi kale nibakabona kuti ulasinsima antoomwe abasinsimi bakaamba umwi aumwi bati, Ino ncinzi eci casika kumwana waKisi? Sa Saulo alakwe musinsimi?
12 #
1 Sam 19:23-24; Is 54:13; Joh 3:8 Mpawo umwi muntu wakooko wakavuwa wati, Pele wisaabo nguni? Nkaambo kako kwakaba kasimpi kati, Sa Saulo alakwe musinsimi? 13Lino naakamana kusinsima wakasika kucilundu.
14 #
1 Sam 14:50
Nkabela basimizyaabo Saulo bakaambila nguwe amulanda wakwe bati, Ino mwakaya kuli? Wakaamba wati, Twakaya kukulangaula imbongolo, nkabela nitwakabona kuti ta ziko twakeza kuli-Samuele. 15Lino basimizvaabo Saulo bakaamba bati, Undaambile ncinzi ncaakamwaambila Samuele: 16Lino Saulo wakaambila basimizyaabo wati, Kwambila wakatwaambila kuti imbongolo zyajanwa kale. Pele makani aabwami ngaakaamba Samuele teewakamwaambila ngao pe.
Bantu mbubakazuminina Saulo kuti abe mwami wabo
17 #
Bab 11:11; 20:1; 1 Sam 11:15; 7:5 Nkabela Samuele wakabunganya bantu kuli-Jehova ku-Mizipa. 18#Kul 3:7,8; 14:11; Dt 4:34; Bab 6:8; Neh 9:9-12,27,28Lino wakaambila bana ba-Israyeli wati, Mbuboobu mbwaamba Jehova Leza wabaIsrayeli, wati, Ndime ndakagwisya ba-Israyeli kuzwa ku-Egepita akumuvuna kumaanza aaba-Egepita amumaanza aabamasi boonse ibamufwabya. 19#1 Sam 8:7; 12:12; Lk 18:16Pele inywe sunu mwakaka Leza wanu, nguwe wamufutula kuzwa kumapenzi aanu oonse akuzwa kumafwabi aanu oonse, mwaamba mwati, Ne! Pele utubikile mwami. Lino amwiimikile kubusyu bwa-Jehova mbuli misyobo yanu azyuulu zyanu. 20#Jos 7:14; Inc 1:24Mpawo Samuele wakaswenya afwiifwi misyobo yoonse yaba-Israyeli, nkabela musyobo wa-Benjamini wakasalwa. 21Lino wakaswenya afwiifwi musyobo wa-Benjamini mbuli mikowa mikowa, nkabela mukowa waba-Matri wakasalwa, alimwi a-Saulo mwanaakwe Kisi wakasalwa. Pele nibakamulangaula takakajanwa pe. 22#1 Sam 23:2Lino bakabuzya alimwi kuliJehova, bati, Sa oyo muntu weza okuno? Nkabela Jehova wakaamba wati, Amubone! Wayuba akati kazintu. 23Mpawo bakacijaana, bakamugwisya kuzwa oko akumwiimika akati kabantu. Nkabela wakali mulamfu kwiinda bantu boonse kuzwa kuziwezo zyakwe. 24Lino Samuele wakaambila bantu boonse wati, Sa mwamubona oyu ngwaasala Jehova? Taakwe umbi uuli boobu akati kabantu boonse, Mpawo bantu boonse bakoongolola bati, Mwami apone!
25 #
Dt 17:14; 1 Sam 8:11 Lino Samuele wakaambila bantu ziimbo zyabwami mbuzibede, wakazilemba mubbuku akulibika kubusyu bwa-Jehova, nkabela elyo Samuele wakatuma bantu boonse kumaanda aabo. 26Alakwe Saulo wakaya kuŋanda yakwe ku-Gibeya, nkabela kwakamusindikila basilumamba mbaakaampa Leza kumyoyo yabo. 27#Dt 13:13; 1 Sam 11:12; Inc 7:35,51,52; 2 Sam 8:2; 1 Bam 4:21; 10:25; 2 Mak 17:5; Int 72:10; Mt 2:11Pele bamwi bana ba-Saatani bakaamba bati, Oyu ulatufutula buti? Nkabela bakamusampaula, teebakamuletela cipo, nekubaboobo wakaumuna.
Sélection en cours:
1 Samuele 10: Ibbaib63
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
The Bible in Tonga (Zambia) © United Bible Societies, 1963.