1 Johane 4
4
Makani aabaiyi babeji
1 #
1 Tes 5:21; Mt 7:15 Nobayandwa, mutazuminini myuuya yoonse, pele amusoleke myuuya na njiya-Leza, nkaambo basinsimi banji babeji mobali kale munyika, 2#1 Kor 12:3Mbuboobu mbumuti zibe Muuya wa-Leza! woonse muuya uuzumina kuti Jesu Kristo wakaboola munyama nguwa-Leza. 3#1 Joh 2:18; Joh 8:17Pele muuya woonse uutazumina kuti Jesu Kristo wakaboola munyama tuuli wa-Leza, oyu ngomuuya wa-Sikulwanya-Kristo, nkaambo mwakamvwa kuti ulaboola, lino kuciindi ecino muuli kale munyika. 4#Mt 12:29Nobana bangu, inywe muli ba-Leza, aboobo mwakabazunda, nkaambo oyo uuli mulindinywe mupati kwiinda oyo uuli munyika. 5#Joh 15:19Balo mbaansi ano, nkaambo kaako balaambaula makani aansi, alimwi insi ilabaswiilila. 6#Joh 8:47Swebo tuli ba-Leza. Oyo uumuzi Leza ulatumvwa, oyo uutali wa-Leza tatumvwi. Mbubonya obo mbutuzi muuya walusinizyo amuuya wabubeji.
Makani aakuyandana
7 #
1 Joh 2:29
Nobayandwa, aruyandane, nkaambo kakuti luyando ndulwa-Leza, nkabela umwi aumwi uuyanda ulizyedwe kuli-Leza, alimwi ulizi Leza 8Oyu uutayandi tamuzi Leza, nkaambo Leza nduluyando, 9#Joh 3:16Luyando lwa-Leza lwamulindiswe lwakaboneka boobu, nkaambo Leza wakatuma Mwanaakwe simuzyalwa-alike munyika, kuti tujane buumi kumaanza aakwe. 10#1 Joh 2:2Olu nduyando ncobeni, Teensi kwaamba kuti swebo twakayanda Leza, pe, pele walo nguwakatuyanda swebo akutuma Mwanaakwe kuti azoobe mulungo wazibi zyesu, 11#Mt 18:33Nobayandwa, kuti Leza wakatuyanda boobo, aswebo tuleelede kuyandana umwi aumwi, 12#Joh 1:18Taakwe muntu wakabwene Leza, nociba cimwi ciindi. Kuti twayandana umwi aumwi, Leza ulatukalilila, alimwi luyando lwakwe lulilondokede mulindiswe. 13#1 Joh 3:24; Rom 5:5Tulizi kuti tulakala mulinguwe, awalo ulakala mulindiswe, nkaambo wakatwaabila muuya wakwe. 14#Joh 3:17Nkabela twakabona, alimwi tulalungulula kuti Taata wakatuma Mwana kuzooba Mufutuli wanyika. 15#1 Joh 5:5Kufumbwa muntu uuzumina kuti Jesu ngo-Mwana wa-Leza, Leza ulikalilide mulinguwe, alakwe ulikalilide muli-Leza. 16Lino swebo twakaluziba akuluzuminina luyando Leza ndwaakatuyandisya. Leza nduyando, aboobo oyo uukalilila muluyando ulakalilila muli-Leza, alakwe Leza ulakalilila mulinguwe. 17#1 Joh 2:28Lino luyando lwakulindiswe lulalondoka boobu, kuti tukabe akaanzambwene mubuzuba bwalubeta, nkaambo mbuli mbwabede walo, mbubonya mbutubede aswebo ansi ano. 18Taakwe kuyoowa muluyando, pele luyando lulondokede ndolugwisya kuyoowa, nkaambo kuyoowa nkokujisi mapenzi. Oyo uuyoowa talondoledwe muluyando. 19Swebo tulamuyanda nkaambo nguwakasaanguna kuyanda ndiswe. 20Na muntu wati, Ndamuyanda Leza, nekubaboobo ulasula mweenzinyina, oyo mubeji, Nkaambo oyo uutayandi mweenzinyina ngwabwene takonzyi kuyanda Leza ngwatanabwene. 21#Mk 12:29-31Nkabela ngooyu mulazyo ngutwakajana uuzwa kulinguwe, wakuti oyo uuyanda Leza uleelede kuyanda mweenzinyina alakwe.
Sélection en cours:
1 Johane 4: Ibbaib63
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
The Bible in Tonga (Zambia) © United Bible Societies, 1963.
