Matiyo 7
7
N baa fu dɩpʋɛ
Luka 6:37,38,41,42
1Sɛ Yesu tawɩ sɛ, <<N baa di wʋrʋ wɩɛ, na Ɩsʋɔ gba n baa di amɩɛ wɩɛ. 2Akala takɩɛ ganaŋkʋ ɩ di wʋrʋ wɩɛ na, dɩmʋŋ sɛ Ɩsʋɔ a ja di amɩɛ wɩɛ. Mudu gaa ɩ mʋ kalaa bʋrʋ darɛ fa wʋrʋ na, gaa sɛ Ɩsʋɔ gba aja wʋ a mʋ kalaa fa amɩɛ.>>
3<<Be n yɩɛ sɛ nyaa kɩɛ kabie gaa ga jagaɩ n dɩɛtɛ dɩsɛ dʋɔ, ama dakpie gaa ga jagaɩ n tɩŋtɩŋ n dɩsɛ dʋɔ na bɩrɛ, nyaa na a? 4Sɩnɛ sɛ nyaa dɩlɛ tawɩ n dɩɛtɛ sɛ, <Yela na maa lɩsɛ kabie gaa ga jagaɩ n dɩsɛ dʋɔ,> yela dakpie jagaɩ n tɩŋtɩŋ n dɩsɛ dʋɔ? 5Nyaŋ aluguusitɛ, chɩŋkpɩɛ lɩsɛ dakpie n tɩŋtɩŋ n dɩsɛ dʋɔ na nyaa na na dieli, na nyaa dɩlɛ lɩsɛ kabie n dʋɔ dɩsɛ dʋɔ.>>
6<<N baa mʋ bʋrʋ gaa ga yɩɛ chɩrɩchɩrɩ na fa paasɛ, dɩmʋŋ sɛ n baa mʋ amɩɛ bʋɛ abama gajisi lɔ fa ɔvaaba/dɩmʋŋ sɛ n baa lɔ amɩɛ bʋɛ abama gajisi fa ɔvaaba. Ɩ yɩɛ dɩmʋŋ na baa chicha ŋɛ na paasɛ baa gba a fu amɩɛ dʋɔ na baa tawʋ amɩɛ.>>
N tasɛ Ɩsʋɔ, wʋ a fa amɩɛ
Luka 11:9-13
7Sɛ Yesu ju dʋɔ tawɩ sɛ, <<N tasɛ Ɩsʋɔ na wʋ a fa amɩɛ, n ja na ɩ na. N jɔ bʋɔlɛ na wʋ a tʋlʋ amɩɛ. 8Akala takɩɛ wʋkʋma wʋŋ wʋ tasɛ Ɩsʋɔ na, wʋ a fa ɩ. Wʋŋ wʋ a jawʋ na, wʋ a na, sɛ wʋŋ wʋ jɔ bʋɔlɛ na, wʋ a tʋlʋ ɩ.>>
9Sɛ wʋ ju dʋɔ tawɩ sɛ, <<Amɩɛ juo aba tɩba wʋ mmʋɔ bu n tasɛ ɩ bodobodo na sɛ wʋ a fa ɩ bʋɩ? 10Yaa wʋ tasɛ ɩ diji na wʋ a fa ɩ dʋm? 11Amɩɛ baa ɩ yɩɛ dɩsʋbʋ yɩɛra na gba jiŋ ganaŋkʋ ɩɩ mʋ abʋrɩ abama ɩɩ fa amɩɛ bie, be n yɩɛ sɛ amɩɛ Juo wʋŋ wʋ wɩɛ Ɩsʋɔ adugbe na ba aa mʋ abʋrɩ abama fa baa baa tasɛ ɩ naa?>> 12Dɩmʋŋ dʋɔ bʋrʋkʋma naŋ na, n yɩɛ fa dɔŋa ganaŋkʋ ɩ ja sɛ ba n yɩɛ fa amɩɛ na. Ŋina n nyina Mosesi mbara na Ɩsʋɔ bajana baa kalaa ŋii.
Buonɔ mɔmɔkyɩ
Luka 13:24
13Sɛ Yesu tawɩ sɛ, <<N mʋna buonɔ mɔmɔkyɩ gaa naŋ. Akala takɩɛ buonɔ ga yalagisa na gbɩɛ ga yalagisa aaŋ ju dɩwarɩɛ naŋ. Dɩmʋŋ dʋɔ bakpa fɔɩ aaŋ mʋna ga baa jʋʋ. 14Ama buonɔ pii na gbɩɛ mɔmɔkyɩ aaŋ ju nkpa naŋ. Dɩmʋŋ dʋɔ bakpa pii barɛ aaŋ na ga baa mʋna.>>
Daŋ na ga bie
Luka 6:43,44
15Sɛ Yesu ju dʋɔ tawɩ sɛ, <<N kɩɛ amɩɛ wʋsɛ dʋɔ na dieli akarɩɛ bajana dʋɔ. Baa kɔŋ amɩɛ jaŋ takɩɛ feŋ, ama ba tɩba bɩrɛ ba kɩɛna bɛ takɩɛ gbogboo aba baa ba libi na. 16Ba ayɩɛsa sɛ ɩ mʋ jiŋ ba. Bakpa a kɔ ponponsi bie lɩɩ sɔba daŋ dʋɔ yaa dikutu lɩɩ didiŋpo daŋ dʋɔ? 17Dɩmʋŋ sɛ daŋ bam kʋma a si bie abama, sɛ daŋ sʋbʋ kʋma dʋɔ a si bie asʋbʋɛ. 18Daŋ bam baa dɩlɛ si bie asʋbʋɛ ɛ, sɛ daŋ sʋbʋ dʋɔ baa dɩlɛ si bie abama a. 19Daŋ kʋma gaa gaa si bie abama na, baa wʋŋ ga bɛ lɔ na baa mʋ ga dʋ bʋala naŋ. 20Dɩmʋŋ dʋɔ ba ayɩɛsa sɛ ɩ mʋ jiŋ ba.>>
Ma ba jiŋ amɩɛ ɛ
Luka 13:25-27
21Sɛ Yesu ju dʋɔ tawɩ sɛ, <<Naa wʋkʋma wʋŋ wʋ a yagɛ maŋ sɛ Kpaŋjuo, kpaŋjuo na aaŋ ja wʋ a ju Ɩsʋɔ Juori gaa naŋ ŋ, amʋɔ wʋŋ wʋ a yɩɛ Majuo wʋŋ wʋ wɩɛ Ɩsʋɔ adugbe jawʋ na.>> 22Ɩsʋɔ dɩpʋɛ fuu wɩɩ gaa na, bakpa fɔɩ aja tawɩ maŋ sɛ, <<Kpaŋjuo, Kpaŋjuo, naa n yɩrɛ naŋ sɛ dɩɩ tawɩ Ɩsʋɔ wɩɛ, naa n yɩrɛ naŋ sɛ dɩɩ geŋ feliŋ sʋbʋ dɩɩ lɩɩ bakpa tɩba, sɛ dɩɩ yɩɛ adaŋgana fɔɩ? 23Ama maa tawɩ tʋlʋ ba sɛ, ma ba jiŋ amɩɛ ɛ. N lɩɩ ma jaŋ, amɩɛ dɩsʋbʋ yɩɛra!>>
Danɛ maara bala barɛ dʋɔ wɩɛ
Luka 6:47-49
24Sɛ Yesu ju dʋɔ tawɩ sɛ, <<Dɩmʋŋ dʋɔ, wʋkʋma wʋŋ wʋ a nyii ma wɩɛ ŋina sɛ wʋ a di ŋɩ dʋɔ na kɩɛna bɛ takɩɛ baalɛ wɩɛ jɩmɩrɛ wʋŋ wʋ ma wʋ danɛ jaga bʋɛ dʋɔ. 25Duoni janɛ nɩɛ sɛ buosɛ suu, sɛ feliŋ janɛ jɔ danɛ gaa ama ga n sala a, akala takɩɛ ba si tie dɩpɔrɛ jaga bʋɛ dʋɔ. 26Ama wʋkʋma wʋŋ wʋ a nyii ma wɩɛ ŋina, sɛ wʋ aa di ŋɩ dʋɔ na kɩɛna bɛ takɩɛ baalɛ wʋmalaŋpʋ wʋŋ wʋ ma wʋ danɛ jaga tɩɛra dʋɔ. 27Duoni janɛ nɩɛ sɛ buosɛ suu, sɛ feliŋ janɛ jɔ dɩmʋŋ danɛ gana sɛ ga salɩɛ kpiniŋ-kpiniŋ.>>
28Gʋ Yesu tawɩ ŋina taŋ na, wʋ kalaa ŋii yɩɛ bakpa baa doba. 29Akala takɩɛ wʋ kalaa-kalaa ba takɩɛ wʋkpa wʋŋ wʋ wɩɛna yikuo, ama naa takɩɛ ba mbara bakalaasa baa a.
Sélection en cours:
Matiyo 7: CLL
Surbrillance
Copier
Comparer
Partager
Tu souhaites voir tes moments forts enregistrés sur tous tes appareils? Inscris-toi ou connecte-toi
2025 Ghana Institute of Linguistics Literacy amp Bible Translation
Matiyo 7
7
N baa fu dɩpʋɛ
Luka 6:37,38,41,42
1Sɛ Yesu tawɩ sɛ, <<N baa di wʋrʋ wɩɛ, na Ɩsʋɔ gba n baa di amɩɛ wɩɛ. 2Akala takɩɛ ganaŋkʋ ɩ di wʋrʋ wɩɛ na, dɩmʋŋ sɛ Ɩsʋɔ a ja di amɩɛ wɩɛ. Mudu gaa ɩ mʋ kalaa bʋrʋ darɛ fa wʋrʋ na, gaa sɛ Ɩsʋɔ gba aja wʋ a mʋ kalaa fa amɩɛ.>>
3<<Be n yɩɛ sɛ nyaa kɩɛ kabie gaa ga jagaɩ n dɩɛtɛ dɩsɛ dʋɔ, ama dakpie gaa ga jagaɩ n tɩŋtɩŋ n dɩsɛ dʋɔ na bɩrɛ, nyaa na a? 4Sɩnɛ sɛ nyaa dɩlɛ tawɩ n dɩɛtɛ sɛ, <Yela na maa lɩsɛ kabie gaa ga jagaɩ n dɩsɛ dʋɔ,> yela dakpie jagaɩ n tɩŋtɩŋ n dɩsɛ dʋɔ? 5Nyaŋ aluguusitɛ, chɩŋkpɩɛ lɩsɛ dakpie n tɩŋtɩŋ n dɩsɛ dʋɔ na nyaa na na dieli, na nyaa dɩlɛ lɩsɛ kabie n dʋɔ dɩsɛ dʋɔ.>>
6<<N baa mʋ bʋrʋ gaa ga yɩɛ chɩrɩchɩrɩ na fa paasɛ, dɩmʋŋ sɛ n baa mʋ amɩɛ bʋɛ abama gajisi lɔ fa ɔvaaba/dɩmʋŋ sɛ n baa lɔ amɩɛ bʋɛ abama gajisi fa ɔvaaba. Ɩ yɩɛ dɩmʋŋ na baa chicha ŋɛ na paasɛ baa gba a fu amɩɛ dʋɔ na baa tawʋ amɩɛ.>>
N tasɛ Ɩsʋɔ, wʋ a fa amɩɛ
Luka 11:9-13
7Sɛ Yesu ju dʋɔ tawɩ sɛ, <<N tasɛ Ɩsʋɔ na wʋ a fa amɩɛ, n ja na ɩ na. N jɔ bʋɔlɛ na wʋ a tʋlʋ amɩɛ. 8Akala takɩɛ wʋkʋma wʋŋ wʋ tasɛ Ɩsʋɔ na, wʋ a fa ɩ. Wʋŋ wʋ a jawʋ na, wʋ a na, sɛ wʋŋ wʋ jɔ bʋɔlɛ na, wʋ a tʋlʋ ɩ.>>
9Sɛ wʋ ju dʋɔ tawɩ sɛ, <<Amɩɛ juo aba tɩba wʋ mmʋɔ bu n tasɛ ɩ bodobodo na sɛ wʋ a fa ɩ bʋɩ? 10Yaa wʋ tasɛ ɩ diji na wʋ a fa ɩ dʋm? 11Amɩɛ baa ɩ yɩɛ dɩsʋbʋ yɩɛra na gba jiŋ ganaŋkʋ ɩɩ mʋ abʋrɩ abama ɩɩ fa amɩɛ bie, be n yɩɛ sɛ amɩɛ Juo wʋŋ wʋ wɩɛ Ɩsʋɔ adugbe na ba aa mʋ abʋrɩ abama fa baa baa tasɛ ɩ naa?>> 12Dɩmʋŋ dʋɔ bʋrʋkʋma naŋ na, n yɩɛ fa dɔŋa ganaŋkʋ ɩ ja sɛ ba n yɩɛ fa amɩɛ na. Ŋina n nyina Mosesi mbara na Ɩsʋɔ bajana baa kalaa ŋii.
Buonɔ mɔmɔkyɩ
Luka 13:24
13Sɛ Yesu tawɩ sɛ, <<N mʋna buonɔ mɔmɔkyɩ gaa naŋ. Akala takɩɛ buonɔ ga yalagisa na gbɩɛ ga yalagisa aaŋ ju dɩwarɩɛ naŋ. Dɩmʋŋ dʋɔ bakpa fɔɩ aaŋ mʋna ga baa jʋʋ. 14Ama buonɔ pii na gbɩɛ mɔmɔkyɩ aaŋ ju nkpa naŋ. Dɩmʋŋ dʋɔ bakpa pii barɛ aaŋ na ga baa mʋna.>>
Daŋ na ga bie
Luka 6:43,44
15Sɛ Yesu ju dʋɔ tawɩ sɛ, <<N kɩɛ amɩɛ wʋsɛ dʋɔ na dieli akarɩɛ bajana dʋɔ. Baa kɔŋ amɩɛ jaŋ takɩɛ feŋ, ama ba tɩba bɩrɛ ba kɩɛna bɛ takɩɛ gbogboo aba baa ba libi na. 16Ba ayɩɛsa sɛ ɩ mʋ jiŋ ba. Bakpa a kɔ ponponsi bie lɩɩ sɔba daŋ dʋɔ yaa dikutu lɩɩ didiŋpo daŋ dʋɔ? 17Dɩmʋŋ sɛ daŋ bam kʋma a si bie abama, sɛ daŋ sʋbʋ kʋma dʋɔ a si bie asʋbʋɛ. 18Daŋ bam baa dɩlɛ si bie asʋbʋɛ ɛ, sɛ daŋ sʋbʋ dʋɔ baa dɩlɛ si bie abama a. 19Daŋ kʋma gaa gaa si bie abama na, baa wʋŋ ga bɛ lɔ na baa mʋ ga dʋ bʋala naŋ. 20Dɩmʋŋ dʋɔ ba ayɩɛsa sɛ ɩ mʋ jiŋ ba.>>
Ma ba jiŋ amɩɛ ɛ
Luka 13:25-27
21Sɛ Yesu ju dʋɔ tawɩ sɛ, <<Naa wʋkʋma wʋŋ wʋ a yagɛ maŋ sɛ Kpaŋjuo, kpaŋjuo na aaŋ ja wʋ a ju Ɩsʋɔ Juori gaa naŋ ŋ, amʋɔ wʋŋ wʋ a yɩɛ Majuo wʋŋ wʋ wɩɛ Ɩsʋɔ adugbe jawʋ na.>> 22Ɩsʋɔ dɩpʋɛ fuu wɩɩ gaa na, bakpa fɔɩ aja tawɩ maŋ sɛ, <<Kpaŋjuo, Kpaŋjuo, naa n yɩrɛ naŋ sɛ dɩɩ tawɩ Ɩsʋɔ wɩɛ, naa n yɩrɛ naŋ sɛ dɩɩ geŋ feliŋ sʋbʋ dɩɩ lɩɩ bakpa tɩba, sɛ dɩɩ yɩɛ adaŋgana fɔɩ? 23Ama maa tawɩ tʋlʋ ba sɛ, ma ba jiŋ amɩɛ ɛ. N lɩɩ ma jaŋ, amɩɛ dɩsʋbʋ yɩɛra!>>
Danɛ maara bala barɛ dʋɔ wɩɛ
Luka 6:47-49
24Sɛ Yesu ju dʋɔ tawɩ sɛ, <<Dɩmʋŋ dʋɔ, wʋkʋma wʋŋ wʋ a nyii ma wɩɛ ŋina sɛ wʋ a di ŋɩ dʋɔ na kɩɛna bɛ takɩɛ baalɛ wɩɛ jɩmɩrɛ wʋŋ wʋ ma wʋ danɛ jaga bʋɛ dʋɔ. 25Duoni janɛ nɩɛ sɛ buosɛ suu, sɛ feliŋ janɛ jɔ danɛ gaa ama ga n sala a, akala takɩɛ ba si tie dɩpɔrɛ jaga bʋɛ dʋɔ. 26Ama wʋkʋma wʋŋ wʋ a nyii ma wɩɛ ŋina, sɛ wʋ aa di ŋɩ dʋɔ na kɩɛna bɛ takɩɛ baalɛ wʋmalaŋpʋ wʋŋ wʋ ma wʋ danɛ jaga tɩɛra dʋɔ. 27Duoni janɛ nɩɛ sɛ buosɛ suu, sɛ feliŋ janɛ jɔ dɩmʋŋ danɛ gana sɛ ga salɩɛ kpiniŋ-kpiniŋ.>>
28Gʋ Yesu tawɩ ŋina taŋ na, wʋ kalaa ŋii yɩɛ bakpa baa doba. 29Akala takɩɛ wʋ kalaa-kalaa ba takɩɛ wʋkpa wʋŋ wʋ wɩɛna yikuo, ama naa takɩɛ ba mbara bakalaasa baa a.
2025 Ghana Institute of Linguistics Literacy amp Bible Translation