1 Yohan 2
2
Gvray sháò rìí nø Àng dvkv́mkàrì cà:nò we
1Ngàcèrìé, ngàí yadv́ng pv̀n vrongò lòng nø, nàmaqí mvrà mvwàlv́m rvt íe. Íwe vsv̀ng tiqgǿgǿí mvrà la wà bǿò nìnø, Vpè yv́ngø nøngmaq dvpvt shǿna Dvbvngshú tiqpè, døngman pè Yesu Kristu èv́laìe. #Rom. 8:34; Heb. 7:25 2Nøngmaq mvrà dvpvt shvmaa we núngpà nø Àng ni wáshì bǿì. Vrá, nøngmaq dvpvt wa mvtaq, rvgaqtø̀m vsv̀ngrì shvngbe mvràrì dvpvt gø íe. #Yoh. 11:51-52; Kol. 1:20 3Àng dvkv́mkàrì cv́n dø:ngì lòng taqkèní, Àng sv̀ng jø̀ngjǿng sháì we sv̀ng sháìe. 4“Ngàí Àng sv̀ng sháng bǿngà,” wa dá:ngí, Àng dvkv́mkàrì mvcà:nò gǿ nø vyá í nø̀ dìnglòng gø àng vdòng taq màvl. 5-6Íwe Àng kà cv̀n gǿ vdòng taq nø Gvray shóngnøt tétǿngá:mì. “Ngà nø Gvray nv̀ng vzø̀me,” wa gǿ nø, Yesu wáshì yà:ngì dø àng gø wáshì ràe. Yalòng nø Gvray nv̀ng nøngmaq vzø̀:mì we shálv́m lòng íe. #Yoh. 13:15; 14:21,23; 1Yh. 5:3
Dvkv́mkà àngshv́r
7Shóngshø̀ng rìé, ngàí nàmaq sv̀ng vrongò lòng nø dvkv́mkà àngshv́r mø̀í. Nv̀mlat kèní nàmaqí èlún yv̀ngshà we dvkv́mkà ànglí lòng í nø̀, nàmaqí ètá yv̀ngshà we mòngkà íe. #Yoh. 13:34 8Íwe, nàmaq sv̀ng vrongò lòng nø dvkv́mkà àngshv́r gø íe. Yesu cúnshì yà:ngì we nv̀ng, nàmaq ècúnshìnø̀ng we taqkèní dvkv́mkà àngshv́r yalòng nø dìng we dvta:nòe. Pàwá wani dølòng nø vle mvnshì nø̀, gálòng mvdø̀ng nø gáá:mì.#2:8 Yoh. 1:5,9 9“Ngà nø gálòng taq vle,” wa dá:ngí, àngnvm àngchvng sv̀ng shvngoshì gǿ nø, akvt høqshaq dølòng taq v́ldv̀ng wa gǿ íe. #1Yh. 4:20 10Àngnvm àngchvng sv̀ng shóngshì gǿ nø, gálòng taq vl nø̀, àng vdòng taq vtøplv́mrà màvl. 11Íwe àngnvm àngchvng sv̀ng shvngoshì gǿ nø dølòng taq vl nø̀, dølòng vdòngø die. Dølù:ngí àng ne wvmkéò rvtnø̀, kakaq sv̀ng di we gø mvsháshì.
12Ngàcèrìé, nàmaq mvrà nø Kàngpè bø̀ng taqkèní chutna we èlún bǿshà rvt,
ngàí nàmaq sv̀ng vrongvtnòe.#1Kr. 6:11
13Kv́mnøt taq ètǿngnø̀ng rìé,#2:13 Àngké kà taq “Àngpèmaqé” wae. nv̀mlat nv̀mpv́ng kèní vv́lshaq pè sv̀ng nàmaqí èshánø̀ng rvt vrongvtnòe.
Kv́mnøt taq vlàngrérìé,#2:13 Àngké kà taq “Gùchàngrérìé” wae. Satan sv̀ng nàmaqí èdv́ngke bǿshà rvt vrongvtnòe. #1Yh. 1:1
14Ngàcèrìé, nàmaqí Vpè sv̀ng èshánø̀ng rvt vrongvtnòe.
Kv́mnøt taq ètǿngnø̀ng rìé, nv̀mlat nv̀mpv́ng kèní vv́lshaq pè sv̀ng nàmaqí èshánø̀ng rvt vrongvtnòe.
Kv́mnøt taq vlàngrérìé, nàmaq nø nònggùn èkv́ngnø̀ng rvt vrongvtnòe.
Gvray mòngkà nø nàmaq vdòng taq vl yv́ngkèní
Satan sv̀ng nàmaqí èdv́ngke bǿshà.#Eps. 6:10
15Rvgaq sv̀ng gø, rvgaq taq vl rì sv̀ng gø mèshóngshìnø̀ngni. Rvgaq sv̀ng shóngshì gǿ vdòng taq nø, Vpè sv̀ng shóngshì nøt màvl. #Yak. 4:4 16Kadø íe wani rvgaq taq vl we shagóng mapnøt, neí map we nv̀ng yalvpat dvshv́ngshìlv́m yadø í rì shvngbe nø, Vpè yv́ngkèní mø̀í, rvgaq kèní mv̀ng íe. #Ksh. 27:20; Tit. 2:12; Yak. 4:16 17Rvgaq nv̀ng rvgaq mapnøt nø vle mvnshìe. Gvray nøt cv̀n gǿ mv̀ng nø dvciqlvpat cúnshì longe. #Mat. 7:21
Kristu sv̀ng poshúrì kaq vyáshì rà we
18Ngàcèrìé, akvt nø lv̀ngdø̀m rvtø̀ íe. Kristu sv̀ng Vtúshúpè nø tuq rae, wa nàmaqí vtáshaq í dø, akvt gøni Kristu sv̀ng vtúshúrì mvme bung lú:ngì rvt, lv̀ngdø̀m rvtø̀ nø akvt í we sháìe. #Mat. 24:5,24; 1Pt. 4:7 19Àngmaq nø nøngmaq yv́ngkèní búngá:mì. Íwe, àngmaq nø nøngmaq mvdò taq màbá. Nøngmaq mvdò taq la vbá pà í nìnø, nøngmaq nv̀ng tiqdø vl ni we íe. Àngmaq nø nøngmaq mvdò kèní mø̀í we dvtánshìlv́m dvpvt búngá:mì we íe. #Dzr. 20:30
20Nàmaq mv̀ng nø Kristu yv́ngkèní Shànshér Pvlàcè èlún bǿshà we í nø̀, nàmaq shvngbeí dinglòng sv̀ng èshánø̀nge. 21Nàmaq sv̀ng shvrikàru vrongvtnò we nø dìnglòng sv̀ng nàmaqí mèshánø̀ng rvt mø̀í. Dìnglòng sv̀ng èshánø̀ng nø̀ dìnglòng kèní vyà we tiqkà gø mvbung we gø èshánø̀ng rvt íe. 22Vyá nø kagǿ íe? Yesu nø Kristu#2:22 “Kristu” wa kà nø Heleni kà í nø̀ Hebru kàí nø “Meshia” a:lòe. Àng lvjøm nø “Gvrayí rvcv́ngshaq pè” mø̀ínì “yøtìí vdørshaq pè” íe. Yesu nø Gvrayí dvzv́r daqà we Chv́ngshú nv̀ng Kàngpè í rvt, Àng sv̀ng “Kristu” wa tǿò we íe. í we sv̀ng màchà:ngò gǿ mø̀í má? Vpè sv̀ng gø, Àngcèpè sv̀ng gø màchà:ngò gǿ nø Kristu sv̀ng vtúshú íe. 23Àngcèpè sv̀ng màchà:ngò gǿ nø Vpè nv̀ng màzø̀m. Àngcèpè sv̀ng vchà:ngò gǿ nø Vpè nv̀ng vzø̀me.
#
Yoh. 5:23; 15:23; 1Yh. 4:15 24Nv̀mlat kèní ètá yv̀ngshà we kàrì sv̀ng nøt vdòng taq shèdøngshìnø̀ng. Wedø shèdøngshìnø̀ng kvt nø, Àngcèpè nv̀ng Vpè ó vzø̀m we taq èdøng lóngnø̀nge. 25Yadø vzø̀m lòng nø Kàngpèí nøngmaq sv̀ng èdv́na yv̀ngshà we dvciqlvpat gø̀nshaq íe.
26Yadv́ng pv̀n nø nàmaq sv̀ng shvmànlv́m dvzaqshì rì dang dvshatlv́m vrongò we íe. 27Íwe, nàmaq sv̀ng kagǿí gø shvngøt mvrà. Pàwá wani Kristu kèní èlún bǿshà we Shànshér Pvlàcè nø nàmaq vdòng v́l døng rvt íe. Shànshér Pvlàcèí pv̀n vrv̀m shèngøtnvtnø̀nge. À:ngí shèngøtnvtnø̀ng lòng nø dìnglòng íe. Vyà lòng mø̀í. A:ngí nàmaq sv̀ng shèngøtnvtnø̀ng dø, nàmaq nø Kristu nv̀ng vzø̀m we taq shèdø̀ngshìnø̀ng. #Yer. 31:34; Yoh. 14:26; 16:13
Gvray Àngcèrì
28Ngàcèrìé, Àng di daq kvt, nøngmaq nø Àng mv́rdv̀ngø nvrø̀m dvtéshì nø̀ màshvraqshìlv́m dvpvt, Kristu nv̀ng vzø̀m we taq shèdø̀ngshìnø̀ng. #1Yh. 4:17 29Àng nø døngman pè í we nàmaqí èshánø̀nge. Wervt, døngman lòng wàò gǿ vrv̀m nø Gvray àngcè í we sv̀ng gø èshánø̀nge. #1Yh. 3:7,10
Sélection en cours:
1 Yohan 2: GSM
Surbrillance
Copier
Comparer
Partager
Tu souhaites voir tes moments forts enregistrés sur tous tes appareils? Inscris-toi ou connecte-toi
© 2025 Rvcv́ngcè Kàru Gomidi Kristu Shvngø̀mré. All Rights Reserved.
1 Yohan 2
2
Gvray sháò rìí nø Àng dvkv́mkàrì cà:nò we
1Ngàcèrìé, ngàí yadv́ng pv̀n vrongò lòng nø, nàmaqí mvrà mvwàlv́m rvt íe. Íwe vsv̀ng tiqgǿgǿí mvrà la wà bǿò nìnø, Vpè yv́ngø nøngmaq dvpvt shǿna Dvbvngshú tiqpè, døngman pè Yesu Kristu èv́laìe. #Rom. 8:34; Heb. 7:25 2Nøngmaq mvrà dvpvt shvmaa we núngpà nø Àng ni wáshì bǿì. Vrá, nøngmaq dvpvt wa mvtaq, rvgaqtø̀m vsv̀ngrì shvngbe mvràrì dvpvt gø íe. #Yoh. 11:51-52; Kol. 1:20 3Àng dvkv́mkàrì cv́n dø:ngì lòng taqkèní, Àng sv̀ng jø̀ngjǿng sháì we sv̀ng sháìe. 4“Ngàí Àng sv̀ng sháng bǿngà,” wa dá:ngí, Àng dvkv́mkàrì mvcà:nò gǿ nø vyá í nø̀ dìnglòng gø àng vdòng taq màvl. 5-6Íwe Àng kà cv̀n gǿ vdòng taq nø Gvray shóngnøt tétǿngá:mì. “Ngà nø Gvray nv̀ng vzø̀me,” wa gǿ nø, Yesu wáshì yà:ngì dø àng gø wáshì ràe. Yalòng nø Gvray nv̀ng nøngmaq vzø̀:mì we shálv́m lòng íe. #Yoh. 13:15; 14:21,23; 1Yh. 5:3
Dvkv́mkà àngshv́r
7Shóngshø̀ng rìé, ngàí nàmaq sv̀ng vrongò lòng nø dvkv́mkà àngshv́r mø̀í. Nv̀mlat kèní nàmaqí èlún yv̀ngshà we dvkv́mkà ànglí lòng í nø̀, nàmaqí ètá yv̀ngshà we mòngkà íe. #Yoh. 13:34 8Íwe, nàmaq sv̀ng vrongò lòng nø dvkv́mkà àngshv́r gø íe. Yesu cúnshì yà:ngì we nv̀ng, nàmaq ècúnshìnø̀ng we taqkèní dvkv́mkà àngshv́r yalòng nø dìng we dvta:nòe. Pàwá wani dølòng nø vle mvnshì nø̀, gálòng mvdø̀ng nø gáá:mì.#2:8 Yoh. 1:5,9 9“Ngà nø gálòng taq vle,” wa dá:ngí, àngnvm àngchvng sv̀ng shvngoshì gǿ nø, akvt høqshaq dølòng taq v́ldv̀ng wa gǿ íe. #1Yh. 4:20 10Àngnvm àngchvng sv̀ng shóngshì gǿ nø, gálòng taq vl nø̀, àng vdòng taq vtøplv́mrà màvl. 11Íwe àngnvm àngchvng sv̀ng shvngoshì gǿ nø dølòng taq vl nø̀, dølòng vdòngø die. Dølù:ngí àng ne wvmkéò rvtnø̀, kakaq sv̀ng di we gø mvsháshì.
12Ngàcèrìé, nàmaq mvrà nø Kàngpè bø̀ng taqkèní chutna we èlún bǿshà rvt,
ngàí nàmaq sv̀ng vrongvtnòe.#1Kr. 6:11
13Kv́mnøt taq ètǿngnø̀ng rìé,#2:13 Àngké kà taq “Àngpèmaqé” wae. nv̀mlat nv̀mpv́ng kèní vv́lshaq pè sv̀ng nàmaqí èshánø̀ng rvt vrongvtnòe.
Kv́mnøt taq vlàngrérìé,#2:13 Àngké kà taq “Gùchàngrérìé” wae. Satan sv̀ng nàmaqí èdv́ngke bǿshà rvt vrongvtnòe. #1Yh. 1:1
14Ngàcèrìé, nàmaqí Vpè sv̀ng èshánø̀ng rvt vrongvtnòe.
Kv́mnøt taq ètǿngnø̀ng rìé, nv̀mlat nv̀mpv́ng kèní vv́lshaq pè sv̀ng nàmaqí èshánø̀ng rvt vrongvtnòe.
Kv́mnøt taq vlàngrérìé, nàmaq nø nònggùn èkv́ngnø̀ng rvt vrongvtnòe.
Gvray mòngkà nø nàmaq vdòng taq vl yv́ngkèní
Satan sv̀ng nàmaqí èdv́ngke bǿshà.#Eps. 6:10
15Rvgaq sv̀ng gø, rvgaq taq vl rì sv̀ng gø mèshóngshìnø̀ngni. Rvgaq sv̀ng shóngshì gǿ vdòng taq nø, Vpè sv̀ng shóngshì nøt màvl. #Yak. 4:4 16Kadø íe wani rvgaq taq vl we shagóng mapnøt, neí map we nv̀ng yalvpat dvshv́ngshìlv́m yadø í rì shvngbe nø, Vpè yv́ngkèní mø̀í, rvgaq kèní mv̀ng íe. #Ksh. 27:20; Tit. 2:12; Yak. 4:16 17Rvgaq nv̀ng rvgaq mapnøt nø vle mvnshìe. Gvray nøt cv̀n gǿ mv̀ng nø dvciqlvpat cúnshì longe. #Mat. 7:21
Kristu sv̀ng poshúrì kaq vyáshì rà we
18Ngàcèrìé, akvt nø lv̀ngdø̀m rvtø̀ íe. Kristu sv̀ng Vtúshúpè nø tuq rae, wa nàmaqí vtáshaq í dø, akvt gøni Kristu sv̀ng vtúshúrì mvme bung lú:ngì rvt, lv̀ngdø̀m rvtø̀ nø akvt í we sháìe. #Mat. 24:5,24; 1Pt. 4:7 19Àngmaq nø nøngmaq yv́ngkèní búngá:mì. Íwe, àngmaq nø nøngmaq mvdò taq màbá. Nøngmaq mvdò taq la vbá pà í nìnø, nøngmaq nv̀ng tiqdø vl ni we íe. Àngmaq nø nøngmaq mvdò kèní mø̀í we dvtánshìlv́m dvpvt búngá:mì we íe. #Dzr. 20:30
20Nàmaq mv̀ng nø Kristu yv́ngkèní Shànshér Pvlàcè èlún bǿshà we í nø̀, nàmaq shvngbeí dinglòng sv̀ng èshánø̀nge. 21Nàmaq sv̀ng shvrikàru vrongvtnò we nø dìnglòng sv̀ng nàmaqí mèshánø̀ng rvt mø̀í. Dìnglòng sv̀ng èshánø̀ng nø̀ dìnglòng kèní vyà we tiqkà gø mvbung we gø èshánø̀ng rvt íe. 22Vyá nø kagǿ íe? Yesu nø Kristu#2:22 “Kristu” wa kà nø Heleni kà í nø̀ Hebru kàí nø “Meshia” a:lòe. Àng lvjøm nø “Gvrayí rvcv́ngshaq pè” mø̀ínì “yøtìí vdørshaq pè” íe. Yesu nø Gvrayí dvzv́r daqà we Chv́ngshú nv̀ng Kàngpè í rvt, Àng sv̀ng “Kristu” wa tǿò we íe. í we sv̀ng màchà:ngò gǿ mø̀í má? Vpè sv̀ng gø, Àngcèpè sv̀ng gø màchà:ngò gǿ nø Kristu sv̀ng vtúshú íe. 23Àngcèpè sv̀ng màchà:ngò gǿ nø Vpè nv̀ng màzø̀m. Àngcèpè sv̀ng vchà:ngò gǿ nø Vpè nv̀ng vzø̀me.
#
Yoh. 5:23; 15:23; 1Yh. 4:15 24Nv̀mlat kèní ètá yv̀ngshà we kàrì sv̀ng nøt vdòng taq shèdøngshìnø̀ng. Wedø shèdøngshìnø̀ng kvt nø, Àngcèpè nv̀ng Vpè ó vzø̀m we taq èdøng lóngnø̀nge. 25Yadø vzø̀m lòng nø Kàngpèí nøngmaq sv̀ng èdv́na yv̀ngshà we dvciqlvpat gø̀nshaq íe.
26Yadv́ng pv̀n nø nàmaq sv̀ng shvmànlv́m dvzaqshì rì dang dvshatlv́m vrongò we íe. 27Íwe, nàmaq sv̀ng kagǿí gø shvngøt mvrà. Pàwá wani Kristu kèní èlún bǿshà we Shànshér Pvlàcè nø nàmaq vdòng v́l døng rvt íe. Shànshér Pvlàcèí pv̀n vrv̀m shèngøtnvtnø̀nge. À:ngí shèngøtnvtnø̀ng lòng nø dìnglòng íe. Vyà lòng mø̀í. A:ngí nàmaq sv̀ng shèngøtnvtnø̀ng dø, nàmaq nø Kristu nv̀ng vzø̀m we taq shèdø̀ngshìnø̀ng. #Yer. 31:34; Yoh. 14:26; 16:13
Gvray Àngcèrì
28Ngàcèrìé, Àng di daq kvt, nøngmaq nø Àng mv́rdv̀ngø nvrø̀m dvtéshì nø̀ màshvraqshìlv́m dvpvt, Kristu nv̀ng vzø̀m we taq shèdø̀ngshìnø̀ng. #1Yh. 4:17 29Àng nø døngman pè í we nàmaqí èshánø̀nge. Wervt, døngman lòng wàò gǿ vrv̀m nø Gvray àngcè í we sv̀ng gø èshánø̀nge. #1Yh. 3:7,10
Sélection en cours:
:
Surbrillance
Copier
Comparer
Partager
Tu souhaites voir tes moments forts enregistrés sur tous tes appareils? Inscris-toi ou connecte-toi
© 2025 Rvcv́ngcè Kàru Gomidi Kristu Shvngø̀mré. All Rights Reserved.