ၥ မိ 20
20
20
စအၫဘြဟၫ့ဒဲစအဘံမလ့ၭ.
1စအၫဘြဟၫ့စဲၪ့ထၪ့ခွံၬထီးနီၪ ထီၩ့လၧခးအီၪလၧ မုခံၫ့လခီၫတၭ, အီၪဝ့ၫလၧကၫဒ့ၭ ဒဲၡၧၫအဘိၩ့ဆၧၩ့ တၭ,အီၪၦမွံၩ လၧဂံရၫအဖၧၩ့လီၫ.- တၭစအၫဘြဟၫ့ စံၭလၧအမၫနးစၫရၫအဂဲးနီၪ, အဝ့ၫဒၪမွဲယထၧၫ့ဖုဝဲ မုၪလီၫ. တၭဂံရၫအစဎွၩအဘံမလ့ၭ အၪ့မၧၫ့ဝ့ၫတၭ 2မၩန့နးစၫရၫလီၫ.- ယွၩဂဲၫလၧစအဘံမလ့ၭအအီၪ လၧဆၧမံၫမးအဖၧၩ့ လၧမုနၩတၭ, စံၭအဝ့ၫ, ယိခွါ,နမွဲ ၦၥံၫလၧၦမုၪ လၧနမၩန့ဝ့ၫအကၠီၩ့လီၫ. အဂဲးဘဲၫယီၩ 3အဝ့ၫဒၪနီၪ မွဲၦလဂၩအမၫလီၫ.- တၭစအဘံမလ့ၭ လ့ၩဘူၭဘၪဝ့ၫဒံၭအ့ၬ. စံၭဝ့ၫဒၪ, ကဆါဧ့, မွဲနမိမၩၥံၫ 4ၦအတီၩလဆၨၩဆ့ဧၪ.- အဝ့ၫအနၫ့ဆါဒၪဝ့ၫစံၭ ယၧၩ,အဝ့ၫနီၪ, မွဲယထၧၫ့ဖုဝဲမုၪ, မွဲအ့ၬဧၪ. တၭၦမုၪ ဆ့, အနၫ့ဆါဒၪဝ့ၫနီၪ,စံၭ, အဝ့ၫနီၪ, မွဲယထၧၫ့ဖုဝဲခွၫ လီၫ. ယမၩဆၧယီၩ လၧယၥၭထၧၫ့ဖျိၪ့ယၫ, ဒဲယစူၪ 5အဆၧဒဲၩဘၭလအီၪဘၪလီၫ.- တၭယွၩလီၩဘၪအဝ့ၫ ဒၪလၧဆၧမံၫမးအဖၧၩ့နီၪ, ယနၫ့ဆါဒၪယဝ့ၫ ယၥ့ၪ ယၫလၧနမၩဆၧယီၩ လၧနၥၭထၧၫ့ဖျိၪ့ယၫလီၫ. တၭ ဘဲၫၥိၭနထီးမၩမၪဘၪယၧၩလဂ့ၩ, ယနၫ့ဆါဒၪယဝ့ၫ ဒၪလ့ၬ, ယပဒၩ့ထၬနၧၩဆ့လီၫ. မၩအၥၭဘဲၫနီၪတၭ, 6ယဖ့ၪလၫ့နထိၭဘၪဝ့ၫအ့ၬ.- အခိးမွဲဘိၩ့နဲၪ့ယီၩ ဖ့ၪ ထဲၩ့ၦလဂၩနီၪအမၫဆံၭ, အဂဲးဘဲၫယီၩ အဝ့ၫနီၪမွဲမီၪ 7လဂၩတၭ, မိဘၩဆိၪဖၪန့နဂးတၭ, နမိမၧၫ့လီၫ.-အ့ၪမွဲ နအ့ၪလဖ့ၪထဲၩ့ဘၪတၭ, ၥ့ၪယၫနဝ့ၫ လၧနမိၥံၫတၡါ, နဝ့ၫဒၪ, ဒဲကယဲဆၧဘၪဆဲၫ့ လၧနၧၩ ထီးအလူၬနီၪ ဆံၭ.
8စအဘံမလ့ၭနီၪ ဂဲထုၪ့လၧဂီၩလခီၫတၭ, ကိၭန့အ ခ့ၫအၡၩထီးအလူၬတၭ, လီၩလၩ့ဆၧလဖၪနီၪ လၧအ ဝ့ၫၥံၪအနါဖၧၩ့ထီးအလူၬတၭ, ၦလဖၪနီၪ ၥၭမဲၪဝ့ၫဒၪ 9ဒိၪမၬလီၫ. စအဘံမလ့ၭ ကိၭန့စအၫဘြဟၫ့တၭ, စံၭ ဝ့ၫ, မွဲနမၩပၧၩလၧဆၧနီၪလမံၩ့လဲၪ, ဘဲၫၥိၭနမိအၪ့ မၧၫ့လၩ့ဆၧဒဲၩဘၭ အဒိၪလမံၩ့ဘၪယၧၩ ဒဲယဘၩ့ယ မုးတၭ, မွဲယမၩမၪနၧၩ လၧဆၧနီၪလမံၩ့လဲၪ, တၭန မၩဘၪယၧၩ လၧဆၧမၩလဖၪ လၧအကြၨၭၦမၩအ့ၬ. 10တၭစအဘံမလ့ၭ စံၭစအၫဘြဟၫ့ ဘဲၫနမိမၩဆၧယီၩ 11လမံၩ့တၭ, မွဲနဘၪဆၧနီၪလမံၩ့လဲၪ.- စအၫဘြဟၫ့ စံၭဝ့ၫဒၪ, အဂဲးဘဲၫယီၩ, ယစံၭမွဲမၬ ဆၧၥၭမဲၪယွၩလ အီၪဘၪထီးယီၩတၭ, ၦမိမၩၥံၫယၧၩ လၧယမၫအကၠီၩ့ 12လီၫ.- မွဲလါနၫ့တၭ, မွဲလၧယထၧၫ့ဖုဝဲမုၪဆ့လီၫ. မွဲဝ့ၫ လၧယဖါအဖိၪမုၪဆ့လီၫ. မွဲလါနၫ့တၭ လမွဲဘၪယမိ 13အဖိၪမုၪတၭ, ကဲၪထၪ့လၧယမၫလီၫ.- ဆၧမၩအၥၭ ထီးယွၩအၪ့မၧၫ့ ယစဲၪ့ဒၪယဖါအဂံၪ့တၭ, ယစံၭအ ဝ့ၫနီၪ,နခိးနတၩ လၧနမိဘၪမၩယၧၩမွဲအယီၩ, ကယဲ အလးလၧပမိလ့ၩ ထီၩ့လစီၪ့လါလါနီၪ, စံၭလၧယ 14ကၠီၩ့,အဝ့ၫဒၪ, မွဲယထၧၫ့ဖုဝဲခွၫဆံၭ.- စအဘံမလ့ၭ မၩန့ၥိၪ, ဒဲချီ, ဒဲဎီးမုၪ,ဒဲဎီးခွၫလဖၪတၭ, ဖ့ၪလၫ့စအၫ 15ဘြဟၫ့ ဒဲဖ့ၪလၫ့ထဲၩ့ဝ့ၫလၧအမၫလီၫ.- တၭစအဘံမ လ့ၭစံၭဝ့ၫဒၪ, ယိခွါ, ယခးအီၪလၧနမ့ၬယၫလီၫ. ထီး 16အဘၪနၥၭလစီၪ့စီၪ့နီၪ အီၪနဝ့ၫဆံၭ. တၭစံၭနးစၫရၫ လဂၩနီၪ, ယိခွါ, ယဖ့ၪလၫ့ယူၭစ့ၩလထီၫ့လၧနထၧၫ့ဖု ဝဲခွၫယူၭ, ယိခွါ, အနီၪမွဲဆၧမၩဘံၭမ့ၬ လၧနဂးလၧက ယဲၦလၧအအီၪလၧနၥိၭအဂး, ဒဲလၧၦထီးအလူၬအ 17ဂးတၭ, ၦမုၪဘၪဆၧၥီၪ့ထဲၩ့ဝ့ၫလီၫ.- စအၫဘြဟၫ့ ဘၩဆိၪဖၪယွၩတၭ, ယွၩမၩဘျၪထဲၩ့ စအဘံမလ့ၭ, ဒဲအမၫ, ဒဲအဎီးမုၪလဖၪတၭ, အဝ့ၫၥံၪအီၪဖျဲၪန့အဖိၪ 18လဖၪလီၫ.- အဂဲးဘဲၫယီၩ ယဟိဝၩမၩဘံၭထၬယူၭ စအဘံမလ့ၭအၡၩဂံၪ့ဖိၪ အဒၧၩ့လးထီးအလူၬ လၧ စအၫဘြဟၫ့အမၫ နးစၫရၫအကၠီၩ့လီၫ.
Sélection en cours:
ၥ မိ 20: pwokyn2
Surbrillance
Copier
Comparer
Partager
Tu souhaites voir tes moments forts enregistrés sur tous tes appareils? Inscris-toi ou connecte-toi
Pwo Kayin Bible © Bible Society of Myanmar, 1883.
