Эвел 39
39
Юсуф ва Патифарин хпир
1Юсуф Египетдиз хуру ва фяряуьн уьрхру эскрарин аьхюр вуйи египетжви Патифари ариш-веришчйирихьан думу масу гъадагъуру.
2РАББИ Юсуфдихъди хъайи. Египет жвуван, чан аьхюрин, хулаъ яшамиш шули Юсуфди, хъуркьувалар гъазанмиш апӀурайи. 3Дугъан аьхюриз, РАББИ Юсуфдихъди хъайиб, дугъу апӀру гьарсаб ляхниъ РАББИЙИ дугъаз хъуркьувал туврайиб, рябкъюрайи. 4Патифариз Юсуф кьабул шулу ва дугъкан чан сарпи гъуллугъчи апӀуру. Патифари думу чан хулан ва девлетнан аьхюрди дерккру ва вари мулк-девлет дугъан хилиъ ивру. 5Патифари чан хулан ва девлетнан аьхюрди думу дерккхъанмина, РАББИЙИ дугъан хал, Юсуф бадали, ужувлакк ккипнийи. РАББИЙИН ужʼвал Патифарин варибдиин алийи – гьам хян-хулʼин, гьам хяр-хутӀлиин. 6Гьаддиз дугъу чаз айиб вари Юсуфдин хилиъ ивнийи. Патифарин вари гъайгъушнар ккудуркӀнийи, дугъаз гъубзрайиб анжагъ ипӀубтӀан дайи.
Юсуф жандинра, машнанра уччвур вуйи. 7Ва саб вахтналан чан аьхюрин хпирин Юсуфдихъ ул шулу, хъа кӀуру:
– Узухъди йихь!
8Аммаки дугъу гьамци кӀуру ва рази шулдар:
– Узу имиди, йиз аьхюриз сабдиканра фикир апӀуб лазим дар. Вари чаз айиб йиз хилиъ ивна. 9Му хулаъ узу варитӀан аьхюрди дерккназу. Йиз аьхюри узухьна, чан хпирин ктарди, варибдин аьхювал тувна. Уву дугъан хпир вува. Фици узхьан гьациб, зурба вуйи пис ляхин ва Заануриз къаршу гуннагь апӀуз шулу?
10Аьхюрин хпири гьеле дугъаз гьар йигъан чахъди йихь кӀури гъахьнушра, Юсуф дугъахъди хьуз рази гъахьундайи.
11Саб ражари, ляхин ади, Юсуф чан аьхюрин хулаз гъюру. Хуландарикан хулаъ фужкӀара адайи. 12Дишагьлийи, дугъан ккурттарихъан хъичӀирхну:
– Узухъди дахъ! – кӀуру.
Амма Юсуф, чан зиълан ккуртт дугъан хиларигъ гъибтну, учв гъютӀурччвну, гьергру. 13Чан хиларигъ ккуртт гъибтну, Юсуф гьергну гъушуб дябкъну, 14дишагьлийи хулан гъаравшариз дих дапӀну кӀуру:
– Лигай, гьаму жугьуд йиз жилири ухьухьна ихь хулаз духна, хъа дугъу ухьу биябур апӀура! Дугъаз, мина дуфну узухъди дахъуз ккун гъабхьну, хъа узу чӀигъар апӀуз хъюгъюнза, 15хъа думу, йиз чӀигъарихьан гучӀ дубхьну, чан ккуртт гъибтну гьергну гъушну.
16Хпири Юсуфдин ккуртт, дугъан аьхюр хулаз гъяйизкьан хилиъ дибисну гъибтнайи. 17Дугъазра дугъу му гьядиса гьамци ктибтнийи:
– Уву ухьухьна хъади гъафи гьадму жугьуд лукӀраз, узухьна дуфну, узу нянайикк ккитуз ккун гъабхьну, 18хъа узу чӀигъар апӀуз хъюгъиган, чан ккуртт узухь гъибтну, учв гьергну гъушну.
19Дугъан аьхюр хпирин ихтилатнахъ хъпехъуру. Хпири кӀуру: «Магьа яв лукӀру узкан гъапӀуб». Дугъаз ижмиди хъял гъюру 20ва, Юсуф дидисну, паччагьдин дустагъдиъ итру. Гьамци Юсуф дустагъдиъ ахъру.
21Душваъра РАББИ гьадгъвахъди хъайи. РАББИЙИ дугъаз рягьимлувал ва дустагъдин аьхюрин ихтибарлувал тувнийи. 22Дустагъдин аьхюри Юсуф, дустагъдиъ итнайи варидарин зиин аьхюрди дерккнийи ва дугъу дустагъдин вари ляхнарихъанди жавабра тувуйи. 23Юсуфдиин, хъугъʼвал дапӀну, илипнайи ляхнин гьякьнаан дустагъдин аьхюриз фикиркьан ктайи, гьаз гъапиш, РАББИ Юсуфдихъди хъайи ва вари ляхнариъ дугъаз хъуркьувалар гьауйи.
Sélection en cours:
Эвел 39: ТабГК
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
© Институт перевода Библии, 2010, 2013, 2016, 2018, 2023
Эвел 39
39
Юсуф ва Патифарин хпир
1Юсуф Египетдиз хуру ва фяряуьн уьрхру эскрарин аьхюр вуйи египетжви Патифари ариш-веришчйирихьан думу масу гъадагъуру.
2РАББИ Юсуфдихъди хъайи. Египет жвуван, чан аьхюрин, хулаъ яшамиш шули Юсуфди, хъуркьувалар гъазанмиш апӀурайи. 3Дугъан аьхюриз, РАББИ Юсуфдихъди хъайиб, дугъу апӀру гьарсаб ляхниъ РАББИЙИ дугъаз хъуркьувал туврайиб, рябкъюрайи. 4Патифариз Юсуф кьабул шулу ва дугъкан чан сарпи гъуллугъчи апӀуру. Патифари думу чан хулан ва девлетнан аьхюрди дерккру ва вари мулк-девлет дугъан хилиъ ивру. 5Патифари чан хулан ва девлетнан аьхюрди думу дерккхъанмина, РАББИЙИ дугъан хал, Юсуф бадали, ужувлакк ккипнийи. РАББИЙИН ужʼвал Патифарин варибдиин алийи – гьам хян-хулʼин, гьам хяр-хутӀлиин. 6Гьаддиз дугъу чаз айиб вари Юсуфдин хилиъ ивнийи. Патифарин вари гъайгъушнар ккудуркӀнийи, дугъаз гъубзрайиб анжагъ ипӀубтӀан дайи.
Юсуф жандинра, машнанра уччвур вуйи. 7Ва саб вахтналан чан аьхюрин хпирин Юсуфдихъ ул шулу, хъа кӀуру:
– Узухъди йихь!
8Аммаки дугъу гьамци кӀуру ва рази шулдар:
– Узу имиди, йиз аьхюриз сабдиканра фикир апӀуб лазим дар. Вари чаз айиб йиз хилиъ ивна. 9Му хулаъ узу варитӀан аьхюрди дерккназу. Йиз аьхюри узухьна, чан хпирин ктарди, варибдин аьхювал тувна. Уву дугъан хпир вува. Фици узхьан гьациб, зурба вуйи пис ляхин ва Заануриз къаршу гуннагь апӀуз шулу?
10Аьхюрин хпири гьеле дугъаз гьар йигъан чахъди йихь кӀури гъахьнушра, Юсуф дугъахъди хьуз рази гъахьундайи.
11Саб ражари, ляхин ади, Юсуф чан аьхюрин хулаз гъюру. Хуландарикан хулаъ фужкӀара адайи. 12Дишагьлийи, дугъан ккурттарихъан хъичӀирхну:
– Узухъди дахъ! – кӀуру.
Амма Юсуф, чан зиълан ккуртт дугъан хиларигъ гъибтну, учв гъютӀурччвну, гьергру. 13Чан хиларигъ ккуртт гъибтну, Юсуф гьергну гъушуб дябкъну, 14дишагьлийи хулан гъаравшариз дих дапӀну кӀуру:
– Лигай, гьаму жугьуд йиз жилири ухьухьна ихь хулаз духна, хъа дугъу ухьу биябур апӀура! Дугъаз, мина дуфну узухъди дахъуз ккун гъабхьну, хъа узу чӀигъар апӀуз хъюгъюнза, 15хъа думу, йиз чӀигъарихьан гучӀ дубхьну, чан ккуртт гъибтну гьергну гъушну.
16Хпири Юсуфдин ккуртт, дугъан аьхюр хулаз гъяйизкьан хилиъ дибисну гъибтнайи. 17Дугъазра дугъу му гьядиса гьамци ктибтнийи:
– Уву ухьухьна хъади гъафи гьадму жугьуд лукӀраз, узухьна дуфну, узу нянайикк ккитуз ккун гъабхьну, 18хъа узу чӀигъар апӀуз хъюгъиган, чан ккуртт узухь гъибтну, учв гьергну гъушну.
19Дугъан аьхюр хпирин ихтилатнахъ хъпехъуру. Хпири кӀуру: «Магьа яв лукӀру узкан гъапӀуб». Дугъаз ижмиди хъял гъюру 20ва, Юсуф дидисну, паччагьдин дустагъдиъ итру. Гьамци Юсуф дустагъдиъ ахъру.
21Душваъра РАББИ гьадгъвахъди хъайи. РАББИЙИ дугъаз рягьимлувал ва дустагъдин аьхюрин ихтибарлувал тувнийи. 22Дустагъдин аьхюри Юсуф, дустагъдиъ итнайи варидарин зиин аьхюрди дерккнийи ва дугъу дустагъдин вари ляхнарихъанди жавабра тувуйи. 23Юсуфдиин, хъугъʼвал дапӀну, илипнайи ляхнин гьякьнаан дустагъдин аьхюриз фикиркьан ктайи, гьаз гъапиш, РАББИ Юсуфдихъди хъайи ва вари ляхнариъ дугъаз хъуркьувалар гьауйи.
Sélection en cours:
:
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
© Институт перевода Библии, 2010, 2013, 2016, 2018, 2023