Эстер 6
6
Мярдягьяйиз гьюрмат апӀуб
1Думу йишван паччагьдиз нивкӀ гъафундайи. Дугъу тарихи гьядисйир дикӀурайи кӀажар хуз амур апӀуру, ва дурар паччагьдиз урхуру. 2Дурариъ Ахашʼверуш паччагь йивну йикӀуз кьаст ади гъабхьи паччагьдин дараматдин раккнар уьрхюрайи гъаравашар Бигтану ва Тереш Мярдягьяйи ашкар апӀуваликанра бикӀбар айи. 3Паччагьди гьерхнийи: «Гьадму ляхин бадали Мярдягьяй фици лишанлу гъапӀунчва?» Паччагьдин гъуллугънаъ айи гьякимари жаваб тувнийи: «Дугъаз фукӀа пешкеш гъапӀундар». 4Паччагьди гьерхру: «Гьатму гьяятдиъ айир фуж ву?» Паччагьдин дараматдин чӀатан гьяятдиъ айир, паччагьдикан чав дубсу буруздикк Мярдягьяй ккерхуб тӀалаб апӀури дуфнайи Аман вуйи.
5Паччагьдин гъуллугънаъ айидари гъапи: «Гьяятдиъ дийигънайир Аман ву». Паччагьди амур апӀуру: «Гъит, гъюри». 6Аман гъюру, ва паччагьди дугъхьан гьерхру: «Паччагьди чан гьюрмат улупуз ккуни инсандиз фу апӀуб лазим ву?» Аманди фикир апӀуру: «Паччагьди чан гьюрмат узуз дарди сарун шлиз улупидихъа?» 7Ва жаваб тувру Аманди паччагьдиз: «Эгер паччагьдиз шлизкӀа чан гьюрмат улупуз ккунди аш, 8гъит дугъаз паччагьдин палат ва паччагьдизси дабалгнайи, паччагь элеъру гьяйван хури. 9Гъит гьадму палтар ва гьяйван паччагьдин вакиларикан сарихьна туври, хъа дугъу паччагьдиз чан гирамивал улупуз ккун гъабхьи кас гьадму гьяйвниин илитну, гьяйвнин улхьан дибисну, думу шагьрин майдандиина хъади гъюри ва мялум апӀри: „Паччагьди чан гьюрмат улупуз ккун гъабхьи инсандиз магьа гьамци апӀуру!“»
10Гьадмуган паччагьди Амандиз амур апӀуру: «Кьан дарапӀди, уву гъапиганси, паччагьдин палат ва гьяйван гъадагъну, паччагьдин дараматдин раккнарихъ деънайи жугьуд Мярдягьяйихьна гъайих! Вари уву кӀурайиганси апӀин, фукӀа кӀваълан магьапӀан». 11Ва Аманди, палтар ва гьяйван гъадагъну, Мярдягьяйиин алахьуру ва, думу дабалгнайи гьяйвниин илитну, гьяйвнин улхьан дибисну, шагьрин майдандиина хъади гъюру ва мялум апӀуру: «Паччагьди чан гьюрмат улупуз ккун гъабхьи инсандиз магьа гьамци апӀуру!»
12Хъасин Мярдягьяй паччагьдин дараматдин раккнарихъна гъюру, хъа дерд гъабхьи Аман, дерднан лишан вуди кӀулра элебкну, хулаз гьялак шулу. 13Аманди чан хпир Зерешдиз ва вари дустариз гъабхьибдикан ктибтуру. Ва гьамци кӀуру дугъаз фагьумлуйири ва дугъан хпир Зерешди: «Эгер думу яв аскканвалин багьна гъахьи Мярдягьяй жугьтарикан вуш, думу ккагъуз хьидарвухьан, дугъан улихь кӀул ис апӀидива!»
14Дурари гьадму гафар дупну ккудукӀайизра, паччагьдин гъаравашар дуфну, Аман чкиди Эстери тешкил гъапӀу демраз хъади гъягъюру.
Sélection en cours:
Эстер 6: ТабГК
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
© Институт перевода Библии, 2010, 2013, 2016, 2018, 2023
Эстер 6
6
Мярдягьяйиз гьюрмат апӀуб
1Думу йишван паччагьдиз нивкӀ гъафундайи. Дугъу тарихи гьядисйир дикӀурайи кӀажар хуз амур апӀуру, ва дурар паччагьдиз урхуру. 2Дурариъ Ахашʼверуш паччагь йивну йикӀуз кьаст ади гъабхьи паччагьдин дараматдин раккнар уьрхюрайи гъаравашар Бигтану ва Тереш Мярдягьяйи ашкар апӀуваликанра бикӀбар айи. 3Паччагьди гьерхнийи: «Гьадму ляхин бадали Мярдягьяй фици лишанлу гъапӀунчва?» Паччагьдин гъуллугънаъ айи гьякимари жаваб тувнийи: «Дугъаз фукӀа пешкеш гъапӀундар». 4Паччагьди гьерхру: «Гьатму гьяятдиъ айир фуж ву?» Паччагьдин дараматдин чӀатан гьяятдиъ айир, паччагьдикан чав дубсу буруздикк Мярдягьяй ккерхуб тӀалаб апӀури дуфнайи Аман вуйи.
5Паччагьдин гъуллугънаъ айидари гъапи: «Гьяятдиъ дийигънайир Аман ву». Паччагьди амур апӀуру: «Гъит, гъюри». 6Аман гъюру, ва паччагьди дугъхьан гьерхру: «Паччагьди чан гьюрмат улупуз ккуни инсандиз фу апӀуб лазим ву?» Аманди фикир апӀуру: «Паччагьди чан гьюрмат узуз дарди сарун шлиз улупидихъа?» 7Ва жаваб тувру Аманди паччагьдиз: «Эгер паччагьдиз шлизкӀа чан гьюрмат улупуз ккунди аш, 8гъит дугъаз паччагьдин палат ва паччагьдизси дабалгнайи, паччагь элеъру гьяйван хури. 9Гъит гьадму палтар ва гьяйван паччагьдин вакиларикан сарихьна туври, хъа дугъу паччагьдиз чан гирамивал улупуз ккун гъабхьи кас гьадму гьяйвниин илитну, гьяйвнин улхьан дибисну, думу шагьрин майдандиина хъади гъюри ва мялум апӀри: „Паччагьди чан гьюрмат улупуз ккун гъабхьи инсандиз магьа гьамци апӀуру!“»
10Гьадмуган паччагьди Амандиз амур апӀуру: «Кьан дарапӀди, уву гъапиганси, паччагьдин палат ва гьяйван гъадагъну, паччагьдин дараматдин раккнарихъ деънайи жугьуд Мярдягьяйихьна гъайих! Вари уву кӀурайиганси апӀин, фукӀа кӀваълан магьапӀан». 11Ва Аманди, палтар ва гьяйван гъадагъну, Мярдягьяйиин алахьуру ва, думу дабалгнайи гьяйвниин илитну, гьяйвнин улхьан дибисну, шагьрин майдандиина хъади гъюру ва мялум апӀуру: «Паччагьди чан гьюрмат улупуз ккун гъабхьи инсандиз магьа гьамци апӀуру!»
12Хъасин Мярдягьяй паччагьдин дараматдин раккнарихъна гъюру, хъа дерд гъабхьи Аман, дерднан лишан вуди кӀулра элебкну, хулаз гьялак шулу. 13Аманди чан хпир Зерешдиз ва вари дустариз гъабхьибдикан ктибтуру. Ва гьамци кӀуру дугъаз фагьумлуйири ва дугъан хпир Зерешди: «Эгер думу яв аскканвалин багьна гъахьи Мярдягьяй жугьтарикан вуш, думу ккагъуз хьидарвухьан, дугъан улихь кӀул ис апӀидива!»
14Дурари гьадму гафар дупну ккудукӀайизра, паччагьдин гъаравашар дуфну, Аман чкиди Эстери тешкил гъапӀу демраз хъади гъягъюру.
Sélection en cours:
:
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
© Институт перевода Библии, 2010, 2013, 2016, 2018, 2023