Эстер 4
4
Мярдягьяйи Эстерикан кюмек тӀалаб апӀуру
1Мярдягьяйиз му ляхникан хабар гъабшиган, дугъу чаин али палтар чӀяргъюру, дерднан лишанси ирин палтар алахьну, биширугра алабхьну, гьарай-фигъан ипну, шагьриантина гъягъюру. 2Паччагьдин дараматдин раккнарихъ дийигъуру, фицики мицдар палтар алди паччагьдин дараматдиъ учӀвуз ихтияр адайи. 3(Паччагьдин му къарар фуну вилаятдиз хъубкьишра, жугьтари, дерин хажалатнаъ ади, ушвар дисури, ишуб – убгъуб апӀури, ирин палтар алахьну, биширугдиъ дахъри гъахьну.) 4Эстерин лукӀар ва гъаравашар дугъахьна гъюру ва гъабшибдикан ктибтуру. Гъалабулугъ гъабхьи паччагьдин хпири Мярдягьяйиз ирин палтарин ерина жарадар гьаъру, амма Мярдягьяйи дурар кьабул апӀдар. 5Гьадмуган Эстери паччагьдин гъаравашарикан сар вуйи Хатахдиз чахьна дих апӀуру ва дугъаз, Мярдягьяйихьан, фу гъабхьнуш ва гьаз, аьгъю апӀуз, табшурмиш апӀуру. 6Хатах паччагьдин дараматдин багахь хьайи шагьрин майдандиин али Мярдягьяйихьна удучӀвуру. 7Мярдягьяйи Хатахдиз гъабхьи варибдикан ктибтуру ва Аманди, жугьтар терг апӀбан гьякь вуди, паччагьдин хазнайиз аьхю чӀвеъ арс тувуз гаф тувнайиваликанра кӀуру. 8Ва гъаравашдихьна Сузыйиъ адабгънайи жугьтар терг апӀбан гьякьнаан вуйи къарар кайи кӀажра тувру. Дугъу Эстериз гьаму кӀаж улупуб ва варибдикан ктибтуб тӀалаб апӀуру: гъит думу паччагьдихьна гъарахри ва чан халкь бадали тӀалаб ва миннат апӀри. 9Хатах кьяляхъ гъюру ва Эстериз Мярдягьяйи гъапи гафар кӀуру.
10Хъа Эстери Хатахдиз Мярдягьяйихьна гьамцдар гафар пуб табшурмиш апӀуру: 11«Паччагьдиз багахь вуйидариз ва вари вилаятариъ айидариз аьгъя: эгер сар фуж – вушра, жилижви ясана дишагьли, чаз гъач дарпиди паччагьдихьна айтӀан гьяятдиъ учӀвиш, дугъаз адабтӀурайи жаза саб ву – аьжал. Анжагъ паччагьди дугъан терефназди гъизилин маргъ гьачӀабккиштӀан, думу чӀивиди гъитурдар. Хъа узуз паччагьдихьна дих дарапӀди сумчӀур йигъ ву».
12Мярдягьяйихьна Эстерин му гафар гъапнийи. 13Ва Мярдягьяйи Эстериз гьамциб жаваб тувру: «Гьадму паччагьдин дараматдиъ жугьтарикан сар уву сагъди гъузру кӀури, фикир мапӀан. 14Эгер уву мициб йигъан ккебехъну гъузишра, жугьтар уьрхру жара чара хьибди, хъа уву йикӀидива, увухъди вари яв тухумра. Шлиз аьгъя, белки, уву гьамциб йигъаз кӀури паччагьдин хпир гъахьуншул?»
15Гьадмуган Эстери Мярдягьяйиз гьамциб жаваб хътапӀуру: 16«Гъарах, Сузыйиъ айи вари жугьтар уч апӀин ва узу бадали ушвар дисай – шубуд йигъан ва шубуд йишван мипӀанай ва мубхъанай. Узура йиз гъаравашарихъди ушвар дисурза, хъасин, къанунди къадагъа апӀурашра, паччагьдихьна гъягъюрза. Эгер узу гъакӀиш – йикӀиди».
17Мярдягьяйи, душну, вари Эстери гъапибси апӀуру.
Sélection en cours:
Эстер 4: ТабГК
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
© Институт перевода Библии, 2010, 2013, 2016, 2018, 2023
Эстер 4
4
Мярдягьяйи Эстерикан кюмек тӀалаб апӀуру
1Мярдягьяйиз му ляхникан хабар гъабшиган, дугъу чаин али палтар чӀяргъюру, дерднан лишанси ирин палтар алахьну, биширугра алабхьну, гьарай-фигъан ипну, шагьриантина гъягъюру. 2Паччагьдин дараматдин раккнарихъ дийигъуру, фицики мицдар палтар алди паччагьдин дараматдиъ учӀвуз ихтияр адайи. 3(Паччагьдин му къарар фуну вилаятдиз хъубкьишра, жугьтари, дерин хажалатнаъ ади, ушвар дисури, ишуб – убгъуб апӀури, ирин палтар алахьну, биширугдиъ дахъри гъахьну.) 4Эстерин лукӀар ва гъаравашар дугъахьна гъюру ва гъабшибдикан ктибтуру. Гъалабулугъ гъабхьи паччагьдин хпири Мярдягьяйиз ирин палтарин ерина жарадар гьаъру, амма Мярдягьяйи дурар кьабул апӀдар. 5Гьадмуган Эстери паччагьдин гъаравашарикан сар вуйи Хатахдиз чахьна дих апӀуру ва дугъаз, Мярдягьяйихьан, фу гъабхьнуш ва гьаз, аьгъю апӀуз, табшурмиш апӀуру. 6Хатах паччагьдин дараматдин багахь хьайи шагьрин майдандиин али Мярдягьяйихьна удучӀвуру. 7Мярдягьяйи Хатахдиз гъабхьи варибдикан ктибтуру ва Аманди, жугьтар терг апӀбан гьякь вуди, паччагьдин хазнайиз аьхю чӀвеъ арс тувуз гаф тувнайиваликанра кӀуру. 8Ва гъаравашдихьна Сузыйиъ адабгънайи жугьтар терг апӀбан гьякьнаан вуйи къарар кайи кӀажра тувру. Дугъу Эстериз гьаму кӀаж улупуб ва варибдикан ктибтуб тӀалаб апӀуру: гъит думу паччагьдихьна гъарахри ва чан халкь бадали тӀалаб ва миннат апӀри. 9Хатах кьяляхъ гъюру ва Эстериз Мярдягьяйи гъапи гафар кӀуру.
10Хъа Эстери Хатахдиз Мярдягьяйихьна гьамцдар гафар пуб табшурмиш апӀуру: 11«Паччагьдиз багахь вуйидариз ва вари вилаятариъ айидариз аьгъя: эгер сар фуж – вушра, жилижви ясана дишагьли, чаз гъач дарпиди паччагьдихьна айтӀан гьяятдиъ учӀвиш, дугъаз адабтӀурайи жаза саб ву – аьжал. Анжагъ паччагьди дугъан терефназди гъизилин маргъ гьачӀабккиштӀан, думу чӀивиди гъитурдар. Хъа узуз паччагьдихьна дих дарапӀди сумчӀур йигъ ву».
12Мярдягьяйихьна Эстерин му гафар гъапнийи. 13Ва Мярдягьяйи Эстериз гьамциб жаваб тувру: «Гьадму паччагьдин дараматдиъ жугьтарикан сар уву сагъди гъузру кӀури, фикир мапӀан. 14Эгер уву мициб йигъан ккебехъну гъузишра, жугьтар уьрхру жара чара хьибди, хъа уву йикӀидива, увухъди вари яв тухумра. Шлиз аьгъя, белки, уву гьамциб йигъаз кӀури паччагьдин хпир гъахьуншул?»
15Гьадмуган Эстери Мярдягьяйиз гьамциб жаваб хътапӀуру: 16«Гъарах, Сузыйиъ айи вари жугьтар уч апӀин ва узу бадали ушвар дисай – шубуд йигъан ва шубуд йишван мипӀанай ва мубхъанай. Узура йиз гъаравашарихъди ушвар дисурза, хъасин, къанунди къадагъа апӀурашра, паччагьдихьна гъягъюрза. Эгер узу гъакӀиш – йикӀиди».
17Мярдягьяйи, душну, вари Эстери гъапибси апӀуру.
Sélection en cours:
:
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
© Институт перевода Библии, 2010, 2013, 2016, 2018, 2023