Ляхнар 27
27
Римдиз рякъюъ
1Учу гимийиъди Италияйиз сирнав апӀбанди гъашиган, Павелна сакьюдар жара дидиснайидар Римдин паччагьдин кьушмариан вуйи Юлий кӀуру юзбашийихьна тувнийи. 2Учу Адрамития шагьриъ, Асияйин гъирагъарихъна гъябгъюрайи гимийиъ эъну, рякъюъ учӀвча. Учухъди Фессалоникайиан вуйи македонжви Аристархра хъайи. 3Хъайигъан учу Сайдайиъ гимийиан эдеъча, ва Юлийи, Павелиз чан дустарихьна гъягъюз ихтияр тувну, ужуб ляхин гъапӀну. Дустарра дугъан гъайгъушнаъ шулу. 4Сайдайиан удучӀвну, Киприхьан кьиблайихъинди сирнав гъапӀча, гьаз гъапиш учу микӀлаз къаршуди гъягъюри гъахьнийча. 5Киликияйинна Памфилияйин гъирагъарихъантина сирнав дапӀну, Ликия уьлкейин Мира кӀуру шагьриз гъафича. 6Душваъ юзбашийи, Италияйиз гъябгъюрайи Александрияйиан вуйи гими дабгну, учу дидиъ иту.
7Учу гьюлилан явашди садшвнуд йигъан гъягъюри гъашича. МикӀ ич гъаншаризди хъивнади хьпаз лигну, учу гуж-балайиинди Книд шагьриз хъуркьча. Ва, улихь гъягъюрайи терефназди гими хъапӀуз даршиди, Салмона кӀакӀнахьан ярхла даршули, Крит островдихъан кьибла терефназди гъушча. 8Гуж-балайиинди учу Ласея шагьрихьан ярхла дарди, Гимйир дийигъру „ХатӀасуз“ кӀурушвахьна гъафича.
ТӀурфан
9Гизаф вахт зяя гъабхьнийи, ва сарун гими хъапӀуб хатӀалу дубхьнайи, фицики думугандиз жугьдарин ушварин йигъар улдучӀвнийи. 10Павели дурариз гъапнийи: «Узухъ хъебехъай! Узуз рябкъюразузки, ихь сирнав бедбахтвалихъна гъюрайиб. Гимийиъ айи гъагъра, гимира пуч хьиди, хъа ухьура йихуб мумкин ву». 11Хъа юзбаши, Павелихъ хъпебехъди, гими хъапӀрурихъна дидин эйсийихъ хъпехъну. 12Гимйир дийигъру „ХатӀасуз“ кӀурушв кьюрд адапӀуз хай даруб вуди хьпаз лигну, гизафдари, душваъ дедребккди гимйир дийигъру Финик кӀурушваз рукьуз чалишмиш хьпан ва душваъ кьюрд адапӀбан бадали, сирнав апӀуз кьаст гъапӀнийи. Финик Критдиин али кьибла-ригъалабхъру ва кафари-ригъалабхъру микӀариз къаршу йишв вуйи.
13Кьиблайихъанди пучӀу микӀ хъивиган, му чпиз ккуниси гъабхьну кӀури, фикир дапӀну, гимичйири, гими дебккру гъагъи гъармах за дапӀну, Критдин гъирагъдихьантина сирнав апӀуру. 14Хъа саб бицӀи арайилан островдилан «кафари-ригъгьудубчӀвру» кӀуру кьувватлу микӀ утӀубччвуру. 15Гимийихьан микӀлаз къаршу гъябгъюз шуладайи. Гьаддиз учу гагь му, гагь тму терефназ гатӀахьури гъахьну. 16Учу Клавда кӀуру саб бицӀи островдин гъвалхъан гатӀахьчу ва саб гуж-балайиинди гимийихъ хъайи лютке кибтӀну мюгькам гъапӀча. 17Думу гимийиина за дапӀну, гимийин кӀанкканмина тӀилар ккадагъну, кибтӀну, мюгькам гъапӀча. Сирт кӀуру гъумран гъирагъдин багахь исчӀли йишвʼин гими алабсур кӀури, гучӀури, аьхюну елкан ис гъапӀнийи. Хъана гими микӀлу гъабхуз хъюбгънийи. 18Хъайигъан микӀ гужалди хъивган, гимийиан гъагъар гатӀахьуз хъюгъю. 19Хъа шубудпи йигъан дурари гьюлиз гимийин алатарра кмиди гатӀахьу. 20Гизаф йигъари я ригъ, я хядар дярякъри гъахьнийи. Хъа зурба тӀурфан ккудудубкӀрайиган, учу ккадархьур кӀуру умуд марцциди ктабтӀнийич.
21Сарикьан фукӀа дирипӀри хайлин йигъар вуйи. Гьадмуган Павели гъудужвну гъапи:
– Эй инсанар, учву узухъ хъебехъну ккундийи ва Критдиан удучӀвну ккундайи. Гьаци гъапӀнийиш, му балйир ва зарарар хьидайи. 22Хъа узу учвуз ичв юкӀвар ижми апӀуз дих апӀураза, гьаз гъапиш учвкан сар касра йикӀидар, анжагъ гими пуч хьибди. 23Фицики сан узуз, узу Чанур вуйи ва узу Чаз гъуллугъ апӀурайи Аллагьдин малайикди гьамци гъапунзуз: 24«ГучӀ мапӀан, Павел. Уву Римдин паччагьдин улихь дийигъну ккунду ва, гьаддиз, Аллагьди увухъди гимийиъ айидар вари сагъ-саламатди уьрхюз гаф тувра». 25Гьаци вуйиган, гучӀ мапӀанай, дустар, фицики узу Аллагьдихъ ва узуз гъапидар вари кӀулиз удучӀвбахъ хъугъраза. 26Ухьу саб островдиина гатӀахьиди.
27ЙицӀиюкьудпи йишв улубкьиган, микӀлу учу Адриатик гьюлилан гъахурайчу. ГьацӀишвар шулайи вахтна гимичйириз багарихь жил хьайивал гьугъубжвнийи. 28Гьюлин деринвал гъеебциган, думу ягъчӀвур метрйихьнакьан вуди гъабхьнийи. СабцӀиб вахтналан хъана гъеебциган, деринвал гьамус сумчӀур метрйихьнакьан дубхьнайи. 29Гими гъарзариин алабсуз гучӀури, гимичйири гимийин кьяляхъ йишвлан юкьуб гъагъи гъармах ккирчну, хъа йигъ ухди улубкьри пну, ккарагуз хъюгънийи. 30Гимичйири, гимийиан гьергуз ккунди, гъагъи гъармахар гимийин улихь йишвлан ирчру аьмлар апӀури, гьюлʼина лютке илипуру.
31Хъа Павели юзбашийизна эскрариз гъапи:
– Эгер дурар гимийиъ гъудрузиш, учву ккадархьидарчву.
32Гьаци гъапиган, эскрари люткейин тӀилар кьатӀар апӀуру ва думу гьюлиъ абхъру.
Гими пуч хьуб
33Йигъ хьайиз улихьна Павели, гьамци кӀури, варидарихьди уьл ипӀуз гъитру:
– Ихь ккадархьбаз ккилигури гъи йицӀиюкьудпи йигъ вуйихь, хъа учву вари гьаму йигъари фукӀа дипӀнадарчва. 34Гьаддиз учвкан фукӀа-мукӀа ипӀуб ккун апӀураза, му ичв уьмур уьбхбаз кюмек хьибди. Учву, кӀуллан саб чӀаркьан алдадабхъди, сагъ-саламатди гъуздичва.
35Гьамци дупну, дугъу уьл гъадабгъну, варидарин улихь Аллагьдиз чухсагъул дупну, кудубтӀну, ипӀуз хъюгъру. 36Варидарик юкӀв кубчӀвну, дурарира уьл ипӀуз хъюгъру. 37Гимийиъ вари 276 кас айи. 38Варидари тухъ хьайиз дипӀну, учу, тахил гьюлиъ абхьри, гими артухъ вуйи гъагънахьан азад апӀуз хъюгъча.
39ГвачӀин улубкьиган, гимичйириз гъум хъайи гъирагъ рябкъюру. Му жил фунуб вуш аьгъю гъабхьундаршра, дурариз гими душвахь, эгер шулуш, дебккуз ккун шулу. 40Гъармахарихъ хъайи тӀилар хъудутӀну ва рулар дудурчну, улхьан елкар дурари микӀ хъайи терефназди гьатӀабццну, гими гъирагъдихьна хъапӀру. 41Хъа гими ичӀ адру йишваъ гъумриин алабсубси, дидин хъюхъ гъумраъ абсру ва рибшвузкьан даршули гъубзу, хъа кьяляхъ йишв лепйирин кьувватниинди уьбгъюз хъюбгъру. 42Эскрариз сифте, дидиснайидарикан сарихьанкьан гьергуз дархьбан бадали, дурар вари йивну йихуз ккун шулу. 43Хъа юзбашийи, Павелин уьмур уьбхбан бадали, дурариз ихтияр тувундар. Дугъу сирнав апӀуз шлудариз, сифте гимийиан гьюлиъ урсну, гъирагъдихъна ктучӀвуз буйругъ тувру. 44Хъа имбудариз дугъу тахтйириинди вая фукӀа-мукӀа уьлюбхрубдиинди гъирагъдихъна ктучӀвуз гъитру. Гьамциб саягъниинди вари сагъ-саламатди гъирагъдихъна ктучӀвнийи.
Sélection en cours:
Ляхнар 27: ТабГК
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
© Институт перевода Библии, 2010, 2013, 2016, 2018, 2023
Ляхнар 27
27
Римдиз рякъюъ
1Учу гимийиъди Италияйиз сирнав апӀбанди гъашиган, Павелна сакьюдар жара дидиснайидар Римдин паччагьдин кьушмариан вуйи Юлий кӀуру юзбашийихьна тувнийи. 2Учу Адрамития шагьриъ, Асияйин гъирагъарихъна гъябгъюрайи гимийиъ эъну, рякъюъ учӀвча. Учухъди Фессалоникайиан вуйи македонжви Аристархра хъайи. 3Хъайигъан учу Сайдайиъ гимийиан эдеъча, ва Юлийи, Павелиз чан дустарихьна гъягъюз ихтияр тувну, ужуб ляхин гъапӀну. Дустарра дугъан гъайгъушнаъ шулу. 4Сайдайиан удучӀвну, Киприхьан кьиблайихъинди сирнав гъапӀча, гьаз гъапиш учу микӀлаз къаршуди гъягъюри гъахьнийча. 5Киликияйинна Памфилияйин гъирагъарихъантина сирнав дапӀну, Ликия уьлкейин Мира кӀуру шагьриз гъафича. 6Душваъ юзбашийи, Италияйиз гъябгъюрайи Александрияйиан вуйи гими дабгну, учу дидиъ иту.
7Учу гьюлилан явашди садшвнуд йигъан гъягъюри гъашича. МикӀ ич гъаншаризди хъивнади хьпаз лигну, учу гуж-балайиинди Книд шагьриз хъуркьча. Ва, улихь гъягъюрайи терефназди гими хъапӀуз даршиди, Салмона кӀакӀнахьан ярхла даршули, Крит островдихъан кьибла терефназди гъушча. 8Гуж-балайиинди учу Ласея шагьрихьан ярхла дарди, Гимйир дийигъру „ХатӀасуз“ кӀурушвахьна гъафича.
ТӀурфан
9Гизаф вахт зяя гъабхьнийи, ва сарун гими хъапӀуб хатӀалу дубхьнайи, фицики думугандиз жугьдарин ушварин йигъар улдучӀвнийи. 10Павели дурариз гъапнийи: «Узухъ хъебехъай! Узуз рябкъюразузки, ихь сирнав бедбахтвалихъна гъюрайиб. Гимийиъ айи гъагъра, гимира пуч хьиди, хъа ухьура йихуб мумкин ву». 11Хъа юзбаши, Павелихъ хъпебехъди, гими хъапӀрурихъна дидин эйсийихъ хъпехъну. 12Гимйир дийигъру „ХатӀасуз“ кӀурушв кьюрд адапӀуз хай даруб вуди хьпаз лигну, гизафдари, душваъ дедребккди гимйир дийигъру Финик кӀурушваз рукьуз чалишмиш хьпан ва душваъ кьюрд адапӀбан бадали, сирнав апӀуз кьаст гъапӀнийи. Финик Критдиин али кьибла-ригъалабхъру ва кафари-ригъалабхъру микӀариз къаршу йишв вуйи.
13Кьиблайихъанди пучӀу микӀ хъивиган, му чпиз ккуниси гъабхьну кӀури, фикир дапӀну, гимичйири, гими дебккру гъагъи гъармах за дапӀну, Критдин гъирагъдихьантина сирнав апӀуру. 14Хъа саб бицӀи арайилан островдилан «кафари-ригъгьудубчӀвру» кӀуру кьувватлу микӀ утӀубччвуру. 15Гимийихьан микӀлаз къаршу гъябгъюз шуладайи. Гьаддиз учу гагь му, гагь тму терефназ гатӀахьури гъахьну. 16Учу Клавда кӀуру саб бицӀи островдин гъвалхъан гатӀахьчу ва саб гуж-балайиинди гимийихъ хъайи лютке кибтӀну мюгькам гъапӀча. 17Думу гимийиина за дапӀну, гимийин кӀанкканмина тӀилар ккадагъну, кибтӀну, мюгькам гъапӀча. Сирт кӀуру гъумран гъирагъдин багахь исчӀли йишвʼин гими алабсур кӀури, гучӀури, аьхюну елкан ис гъапӀнийи. Хъана гими микӀлу гъабхуз хъюбгънийи. 18Хъайигъан микӀ гужалди хъивган, гимийиан гъагъар гатӀахьуз хъюгъю. 19Хъа шубудпи йигъан дурари гьюлиз гимийин алатарра кмиди гатӀахьу. 20Гизаф йигъари я ригъ, я хядар дярякъри гъахьнийи. Хъа зурба тӀурфан ккудудубкӀрайиган, учу ккадархьур кӀуру умуд марцциди ктабтӀнийич.
21Сарикьан фукӀа дирипӀри хайлин йигъар вуйи. Гьадмуган Павели гъудужвну гъапи:
– Эй инсанар, учву узухъ хъебехъну ккундийи ва Критдиан удучӀвну ккундайи. Гьаци гъапӀнийиш, му балйир ва зарарар хьидайи. 22Хъа узу учвуз ичв юкӀвар ижми апӀуз дих апӀураза, гьаз гъапиш учвкан сар касра йикӀидар, анжагъ гими пуч хьибди. 23Фицики сан узуз, узу Чанур вуйи ва узу Чаз гъуллугъ апӀурайи Аллагьдин малайикди гьамци гъапунзуз: 24«ГучӀ мапӀан, Павел. Уву Римдин паччагьдин улихь дийигъну ккунду ва, гьаддиз, Аллагьди увухъди гимийиъ айидар вари сагъ-саламатди уьрхюз гаф тувра». 25Гьаци вуйиган, гучӀ мапӀанай, дустар, фицики узу Аллагьдихъ ва узуз гъапидар вари кӀулиз удучӀвбахъ хъугъраза. 26Ухьу саб островдиина гатӀахьиди.
27ЙицӀиюкьудпи йишв улубкьиган, микӀлу учу Адриатик гьюлилан гъахурайчу. ГьацӀишвар шулайи вахтна гимичйириз багарихь жил хьайивал гьугъубжвнийи. 28Гьюлин деринвал гъеебциган, думу ягъчӀвур метрйихьнакьан вуди гъабхьнийи. СабцӀиб вахтналан хъана гъеебциган, деринвал гьамус сумчӀур метрйихьнакьан дубхьнайи. 29Гими гъарзариин алабсуз гучӀури, гимичйири гимийин кьяляхъ йишвлан юкьуб гъагъи гъармах ккирчну, хъа йигъ ухди улубкьри пну, ккарагуз хъюгънийи. 30Гимичйири, гимийиан гьергуз ккунди, гъагъи гъармахар гимийин улихь йишвлан ирчру аьмлар апӀури, гьюлʼина лютке илипуру.
31Хъа Павели юзбашийизна эскрариз гъапи:
– Эгер дурар гимийиъ гъудрузиш, учву ккадархьидарчву.
32Гьаци гъапиган, эскрари люткейин тӀилар кьатӀар апӀуру ва думу гьюлиъ абхъру.
Гими пуч хьуб
33Йигъ хьайиз улихьна Павели, гьамци кӀури, варидарихьди уьл ипӀуз гъитру:
– Ихь ккадархьбаз ккилигури гъи йицӀиюкьудпи йигъ вуйихь, хъа учву вари гьаму йигъари фукӀа дипӀнадарчва. 34Гьаддиз учвкан фукӀа-мукӀа ипӀуб ккун апӀураза, му ичв уьмур уьбхбаз кюмек хьибди. Учву, кӀуллан саб чӀаркьан алдадабхъди, сагъ-саламатди гъуздичва.
35Гьамци дупну, дугъу уьл гъадабгъну, варидарин улихь Аллагьдиз чухсагъул дупну, кудубтӀну, ипӀуз хъюгъру. 36Варидарик юкӀв кубчӀвну, дурарира уьл ипӀуз хъюгъру. 37Гимийиъ вари 276 кас айи. 38Варидари тухъ хьайиз дипӀну, учу, тахил гьюлиъ абхьри, гими артухъ вуйи гъагънахьан азад апӀуз хъюгъча.
39ГвачӀин улубкьиган, гимичйириз гъум хъайи гъирагъ рябкъюру. Му жил фунуб вуш аьгъю гъабхьундаршра, дурариз гими душвахь, эгер шулуш, дебккуз ккун шулу. 40Гъармахарихъ хъайи тӀилар хъудутӀну ва рулар дудурчну, улхьан елкар дурари микӀ хъайи терефназди гьатӀабццну, гими гъирагъдихьна хъапӀру. 41Хъа гими ичӀ адру йишваъ гъумриин алабсубси, дидин хъюхъ гъумраъ абсру ва рибшвузкьан даршули гъубзу, хъа кьяляхъ йишв лепйирин кьувватниинди уьбгъюз хъюбгъру. 42Эскрариз сифте, дидиснайидарикан сарихьанкьан гьергуз дархьбан бадали, дурар вари йивну йихуз ккун шулу. 43Хъа юзбашийи, Павелин уьмур уьбхбан бадали, дурариз ихтияр тувундар. Дугъу сирнав апӀуз шлудариз, сифте гимийиан гьюлиъ урсну, гъирагъдихъна ктучӀвуз буйругъ тувру. 44Хъа имбудариз дугъу тахтйириинди вая фукӀа-мукӀа уьлюбхрубдиинди гъирагъдихъна ктучӀвуз гъитру. Гьамциб саягъниинди вари сагъ-саламатди гъирагъдихъна ктучӀвнийи.
Sélection en cours:
:
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
© Институт перевода Библии, 2010, 2013, 2016, 2018, 2023