Ляхнар 19
19
Павел Эфесдиъ хьуб
1Аполлос Коринфдиъ айи вахтна Павел, жюрбежюр йишвариантина душну, Эфесдиз ктахъуру. Душваъ дугъаз сакьюдар ученикар алахьуру. 2Дугъу дурарихьан гьерхру:
– Хъугъувалиина гъафиган, учву Гирами Рюгь кьабул гъапӀунчва?
Дурари дугъаз:
– Учуз Гирами Рюгьнакан гьич гъеебхьнукьан дарчуз, – пну, жаваб тувру.
3Павели дурариз:
– Учву шлин штуан апӀувал кьабул гъапӀунчва? – пну, гьерхру.
Дурари:
– Ягьʼяйин штуан апӀувал, – пну, жаваб тувру.
4Павели кӀуру:
– Ягьʼяйин штуан апӀувал тахсрар гардандиъ дисбан бадали апӀурайиб вуйи. Дугъу инсанариз чан кьяляхъди Гъюз Ккайирихъ, яна Исайихъ, хъугъуз дих апӀури гъахьну.
5Ягьʼяйин ученикариз мидкан гъеебхьиган, дурар Агъа Исайин ччвурнахъан штуан шулу. 6Хъа Павели дурариин хилар иливиган, дурариина Гирами Рюгь гъафнийи ва дурар, жа-жара чӀалариинди улхури, пайгъамбарвалин гафар пуз хъюгъру. 7Дурар вари йицӀикьюр касдихьнакьан вуйи.
8Павели, мистаз гъягъюри, шубуб вазлин арайиъ, жугьдарихъди сюгьбатар гъахури, Аллагьдин Паччагьлугъ айивал тасдикь апӀури, хъуркьувалиинди аьгъювалар улупуйи. 9Хъа дурарикан сакьюдар хъугъбаккан кӀул ккадабгъури, халкьдин улихь Агъайин рякъярикан чӀуруди улхури гъахьну. Гьаддиз Павел дурарихьан гьудучӀвну гъюру ва, чахъди ученикар гъадагъну, Тиран кӀуру касдин мектебдиъ гьар йигъан сюгьбатар гъахуру. 10Гьамци кьюд йис гъябгъюру ва вари жугьдаризна Асияйиъ яшамиш шулайи грекариз Агъа Исайин Ужувлан хабарнакан гъеебхьнийи.
Аьхюну малла Скевайин ургур бай
11Аллагьди Павелин хилариинди гизаф аьламатар улупури гъахьну, 12гьаддиз дугъан хил кубкӀу ягълухъар, ккурттарра кмиди, аьзарлуйир сагъ апӀбан бадали, ишлетмиш апӀуйи ва дурар сагъра шуйи. Дурариан гьацира жинарра удучӀвуйи.
13Шагьриан шагьриз гъягъюри, жинар утӀурккурайи бязи жугьдарин сюгьюрчйирра кмиди, жинар кайидариз гьамци кӀури, Исайин ччвур бисуз чалишмиш шули гъахьну:
– Увуз Чан гаф Павели улупурайи Исайин ччвурниинди амур апӀураза: удубчӀв гьаму касдиан.
14Мурар жугьдарин аьхюну малла Скевайин ургур бай вуйи. 15Хъа сабан жинди дурариз:
– Иса аьгъюр вузуз, Павелра аьгъязуз, хъа учву фужар вучва? – кӀуру.
16Ва гьадмуган жин кайи гьадму кас дурариин алархьуру ва дугъу дурар урччвуру. Дурариин али палтар гъячӀяргънийи, ва дурар гьадму хулʼан гъяцӀалди ва зийнар духьну утӀурччвнийи.
17Хъа мидкан Эфесдиъ яшамиш шулайи вари жугьдаризна грекариз аьгъю шулу, ва дурарик гучӀ кабхъру, ва Агъа Исайин ччвурназ хъанара артухъ гьюрмат апӀуз хъюгъру. 18Хъугъувалиина гъафидарикан гизафдари, Павелихьна дуфну, чпи гъапӀу гунагь ляхнар ачухъ апӀуйи ва гардандиъ дисуйи. 19Хъа сюгьюрчйир-фалчйирикан гизафдари, чпин китабар уч дапӀну, варидарин улихь ургуру. Гъургдарин кьимат гьисаб гъапӀиган, 50 агъзур арсран манатдихьна удубчӀвнийи.
20Гьамци Агъайин Гаф яркьуди рабгъуйи ва кьувватнаъ убчӀвуйи.
Павелин ниятар
21Вари гьаму гьядисйир гъашихъан, Павели Македонияйиан ва Ахаяйиантина Ерусалимдиз гъягъюз кьатӀъ гъапӀнийи. Дугъу: «Душваъ сабцӀиб вахтназ гъузну, хъасин узу Римра дябкъну ккунду», – гъапнийи. 22Чан кюмекчйирикан кьюр кас – Тимофейна Эраст – Македонияйиз гьаъну, думу саб кьадар вахтназ Асияйиъ гъузнийи.
Эфесдин устйирин гъалабулугъ
23Гьадму вахтна Агъайин Гафназ гизафдар къаршу гъудужвнийи. 24Эфесдиъ Димитрий кӀуру сар арсран уста яшамиш шулайи. Дугъу арсракан Артемида-аллагьдин бицӀи хулар дапӀну масу тувуйи. Му кеспи кайи устйири аьхю пулар гъазанмиш апӀури шуйи. 25Димитрийи дурарна жара кеспйир кайи устйир уч дапӀну, дурариз кӀуру:
– Эй дустар, учвуз аьгъячвузки, ихь кеспийи ухьуз ужуб хайир хура. 26Мидихъди сабси учвуз рябкъюрачвузки ва ебхьурачвузки, гьадму Павел кӀурури, инсандин хилариинди гъапӀдар аллагьар дар, кӀури, неинки Эфесдиъ, хъа вари Асияйиъ айи адмийир рякъʼан адаура ва инсанар гьаддихъ хъугъуз гъитра. 27Хъа миди ухьʼина бала хура, неинки ихь пише зат имдарди ккадабхъбиинди, хъа гьацира зурба вуйи Артемида-идолин дараматдин саб жюрейинна мяна гъубзидар. Вари Асияйи ва вари дюнʼяйи икрам апӀурайи Артемидайин адлувал дубгди.
28Му гафар гъеерхьиган, хъюлу ацӀну, дурари: «Эфесдин Артемида зурба ву!» – кӀури, чӀигъар апӀуз хъюгъру. 29Шагьриъра бегьем гъалабулугъ абхъру. Павелин юлдшар Гай ва Аристарх кӀуру кьюр Македонияйин агьалйирра хъади, тамашйир улупрушвахьна вари гъажаргънийи. 30Павелиз, душваз дуфну, уч духьнайи халкьдин улихьна удучӀвуз ккун гъабхьнийи, хъа ученикари гъитундайи. 31Дугъан дустар вуйи му вилаятдин сакьюдар гьякимдрари, дина дурушуб тӀалаб апӀури, дугъахьна адмийир гьаънийи.
32Му арайиъ уч духьнайидари, саб къайда адарди, гьарури саб кӀури, чӀигъар апӀуйи. Дурарикан гизафдариз, чпи гьаз уч духьнаш, аьгъдайи. 33Сакьюдари вари тахсрар сар Александр кӀуру касдиин алаънийи, ва жугьдари думу улихьна удучӀвуз гъитнийи. Хилин ишара дапӀну, дугъаз халкь аьгьвалатнан гъаврикк ккауз ккун гъабши. 34Хъа думу жугьуд вуйивал аьгъю гъабшиган, варидари сабхилди чӀигъар гъапӀнийи: «Эфесдин Артемида зурба ву!» ва му гафар текрар апӀури дурарин кьюб сяаьткьан гъабхьнийи. 35Шагьрин къайдйир дерккрури, халкь сикин дапӀну, кӀуру:
– Эфесдин агьалйир! Эфес зурба вуйи Артемидайин дарамат ва завʼан абхъу гирами гъван уьрхюрайи шагьур вуйивал шлиз аьгъдар? 36Му ляхин шаксуз вуйиган, учву архаин духьну ккун, апӀру ляхин фагьумсузди апӀуз хай даршул. 37Хъа учву мина дараматдин фукӀа жин дарапӀдар ва ихь Артемида-аллагьдиз чӀуру гафар дарпидар духначва. 38Эгер Димитрийинна дугъахъ хъайи устйирин дурарихьна аьрз аш, мидиз ухьухь диванханйирна диванбегйир ахьуз: гъит дурари сар-сариина гьадина аьрз апӀри. 39Эгер дурарихьан жара гьерхруб аш, думу аьдати саягъниинди мажлисди гьял апӀиди. 40Даршиш гъи гъабшибдин кӀуллан гъалабулугъ гъитӀибккну, ухьу тахсиркрар апӀбан хатӀавал а. Мициб гъалабулугъ ипбан бадали саб багьнара адархьуз.
41Гьамци дупну, дугъу халкь алдагъуз гъитру.
Sélection en cours:
Ляхнар 19: ТабГК
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
© Институт перевода Библии, 2010, 2013, 2016, 2018, 2023
Ляхнар 19
19
Павел Эфесдиъ хьуб
1Аполлос Коринфдиъ айи вахтна Павел, жюрбежюр йишвариантина душну, Эфесдиз ктахъуру. Душваъ дугъаз сакьюдар ученикар алахьуру. 2Дугъу дурарихьан гьерхру:
– Хъугъувалиина гъафиган, учву Гирами Рюгь кьабул гъапӀунчва?
Дурари дугъаз:
– Учуз Гирами Рюгьнакан гьич гъеебхьнукьан дарчуз, – пну, жаваб тувру.
3Павели дурариз:
– Учву шлин штуан апӀувал кьабул гъапӀунчва? – пну, гьерхру.
Дурари:
– Ягьʼяйин штуан апӀувал, – пну, жаваб тувру.
4Павели кӀуру:
– Ягьʼяйин штуан апӀувал тахсрар гардандиъ дисбан бадали апӀурайиб вуйи. Дугъу инсанариз чан кьяляхъди Гъюз Ккайирихъ, яна Исайихъ, хъугъуз дих апӀури гъахьну.
5Ягьʼяйин ученикариз мидкан гъеебхьиган, дурар Агъа Исайин ччвурнахъан штуан шулу. 6Хъа Павели дурариин хилар иливиган, дурариина Гирами Рюгь гъафнийи ва дурар, жа-жара чӀалариинди улхури, пайгъамбарвалин гафар пуз хъюгъру. 7Дурар вари йицӀикьюр касдихьнакьан вуйи.
8Павели, мистаз гъягъюри, шубуб вазлин арайиъ, жугьдарихъди сюгьбатар гъахури, Аллагьдин Паччагьлугъ айивал тасдикь апӀури, хъуркьувалиинди аьгъювалар улупуйи. 9Хъа дурарикан сакьюдар хъугъбаккан кӀул ккадабгъури, халкьдин улихь Агъайин рякъярикан чӀуруди улхури гъахьну. Гьаддиз Павел дурарихьан гьудучӀвну гъюру ва, чахъди ученикар гъадагъну, Тиран кӀуру касдин мектебдиъ гьар йигъан сюгьбатар гъахуру. 10Гьамци кьюд йис гъябгъюру ва вари жугьдаризна Асияйиъ яшамиш шулайи грекариз Агъа Исайин Ужувлан хабарнакан гъеебхьнийи.
Аьхюну малла Скевайин ургур бай
11Аллагьди Павелин хилариинди гизаф аьламатар улупури гъахьну, 12гьаддиз дугъан хил кубкӀу ягълухъар, ккурттарра кмиди, аьзарлуйир сагъ апӀбан бадали, ишлетмиш апӀуйи ва дурар сагъра шуйи. Дурариан гьацира жинарра удучӀвуйи.
13Шагьриан шагьриз гъягъюри, жинар утӀурккурайи бязи жугьдарин сюгьюрчйирра кмиди, жинар кайидариз гьамци кӀури, Исайин ччвур бисуз чалишмиш шули гъахьну:
– Увуз Чан гаф Павели улупурайи Исайин ччвурниинди амур апӀураза: удубчӀв гьаму касдиан.
14Мурар жугьдарин аьхюну малла Скевайин ургур бай вуйи. 15Хъа сабан жинди дурариз:
– Иса аьгъюр вузуз, Павелра аьгъязуз, хъа учву фужар вучва? – кӀуру.
16Ва гьадмуган жин кайи гьадму кас дурариин алархьуру ва дугъу дурар урччвуру. Дурариин али палтар гъячӀяргънийи, ва дурар гьадму хулʼан гъяцӀалди ва зийнар духьну утӀурччвнийи.
17Хъа мидкан Эфесдиъ яшамиш шулайи вари жугьдаризна грекариз аьгъю шулу, ва дурарик гучӀ кабхъру, ва Агъа Исайин ччвурназ хъанара артухъ гьюрмат апӀуз хъюгъру. 18Хъугъувалиина гъафидарикан гизафдари, Павелихьна дуфну, чпи гъапӀу гунагь ляхнар ачухъ апӀуйи ва гардандиъ дисуйи. 19Хъа сюгьюрчйир-фалчйирикан гизафдари, чпин китабар уч дапӀну, варидарин улихь ургуру. Гъургдарин кьимат гьисаб гъапӀиган, 50 агъзур арсран манатдихьна удубчӀвнийи.
20Гьамци Агъайин Гаф яркьуди рабгъуйи ва кьувватнаъ убчӀвуйи.
Павелин ниятар
21Вари гьаму гьядисйир гъашихъан, Павели Македонияйиан ва Ахаяйиантина Ерусалимдиз гъягъюз кьатӀъ гъапӀнийи. Дугъу: «Душваъ сабцӀиб вахтназ гъузну, хъасин узу Римра дябкъну ккунду», – гъапнийи. 22Чан кюмекчйирикан кьюр кас – Тимофейна Эраст – Македонияйиз гьаъну, думу саб кьадар вахтназ Асияйиъ гъузнийи.
Эфесдин устйирин гъалабулугъ
23Гьадму вахтна Агъайин Гафназ гизафдар къаршу гъудужвнийи. 24Эфесдиъ Димитрий кӀуру сар арсран уста яшамиш шулайи. Дугъу арсракан Артемида-аллагьдин бицӀи хулар дапӀну масу тувуйи. Му кеспи кайи устйири аьхю пулар гъазанмиш апӀури шуйи. 25Димитрийи дурарна жара кеспйир кайи устйир уч дапӀну, дурариз кӀуру:
– Эй дустар, учвуз аьгъячвузки, ихь кеспийи ухьуз ужуб хайир хура. 26Мидихъди сабси учвуз рябкъюрачвузки ва ебхьурачвузки, гьадму Павел кӀурури, инсандин хилариинди гъапӀдар аллагьар дар, кӀури, неинки Эфесдиъ, хъа вари Асияйиъ айи адмийир рякъʼан адаура ва инсанар гьаддихъ хъугъуз гъитра. 27Хъа миди ухьʼина бала хура, неинки ихь пише зат имдарди ккадабхъбиинди, хъа гьацира зурба вуйи Артемида-идолин дараматдин саб жюрейинна мяна гъубзидар. Вари Асияйи ва вари дюнʼяйи икрам апӀурайи Артемидайин адлувал дубгди.
28Му гафар гъеерхьиган, хъюлу ацӀну, дурари: «Эфесдин Артемида зурба ву!» – кӀури, чӀигъар апӀуз хъюгъру. 29Шагьриъра бегьем гъалабулугъ абхъру. Павелин юлдшар Гай ва Аристарх кӀуру кьюр Македонияйин агьалйирра хъади, тамашйир улупрушвахьна вари гъажаргънийи. 30Павелиз, душваз дуфну, уч духьнайи халкьдин улихьна удучӀвуз ккун гъабхьнийи, хъа ученикари гъитундайи. 31Дугъан дустар вуйи му вилаятдин сакьюдар гьякимдрари, дина дурушуб тӀалаб апӀури, дугъахьна адмийир гьаънийи.
32Му арайиъ уч духьнайидари, саб къайда адарди, гьарури саб кӀури, чӀигъар апӀуйи. Дурарикан гизафдариз, чпи гьаз уч духьнаш, аьгъдайи. 33Сакьюдари вари тахсрар сар Александр кӀуру касдиин алаънийи, ва жугьдари думу улихьна удучӀвуз гъитнийи. Хилин ишара дапӀну, дугъаз халкь аьгьвалатнан гъаврикк ккауз ккун гъабши. 34Хъа думу жугьуд вуйивал аьгъю гъабшиган, варидари сабхилди чӀигъар гъапӀнийи: «Эфесдин Артемида зурба ву!» ва му гафар текрар апӀури дурарин кьюб сяаьткьан гъабхьнийи. 35Шагьрин къайдйир дерккрури, халкь сикин дапӀну, кӀуру:
– Эфесдин агьалйир! Эфес зурба вуйи Артемидайин дарамат ва завʼан абхъу гирами гъван уьрхюрайи шагьур вуйивал шлиз аьгъдар? 36Му ляхин шаксуз вуйиган, учву архаин духьну ккун, апӀру ляхин фагьумсузди апӀуз хай даршул. 37Хъа учву мина дараматдин фукӀа жин дарапӀдар ва ихь Артемида-аллагьдиз чӀуру гафар дарпидар духначва. 38Эгер Димитрийинна дугъахъ хъайи устйирин дурарихьна аьрз аш, мидиз ухьухь диванханйирна диванбегйир ахьуз: гъит дурари сар-сариина гьадина аьрз апӀри. 39Эгер дурарихьан жара гьерхруб аш, думу аьдати саягъниинди мажлисди гьял апӀиди. 40Даршиш гъи гъабшибдин кӀуллан гъалабулугъ гъитӀибккну, ухьу тахсиркрар апӀбан хатӀавал а. Мициб гъалабулугъ ипбан бадали саб багьнара адархьуз.
41Гьамци дупну, дугъу халкь алдагъуз гъитру.
Sélection en cours:
:
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
© Институт перевода Библии, 2010, 2013, 2016, 2018, 2023